ID Муаллиф Муҳокамага чиқариш санаси Якунланиш санаси Таклифлар сони
7548 Хокимият Янгиабадского района 12/09/2019 27/09/2019 0

Муҳокама якунланди

Ҳоким қарори
Янгиобод туманида “Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни 2020 йилда ишга жойлаштириш учун иш ўринларининг энг кам сонини белгилаш тўғрисида”
ID-7548

http://cli.lex.uz/ld/irs/doc/1721128

“___” _______ 2019 йил ____-сон Янгиобод шаҳарчаси

“Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни 2020 йилда ишга жойлаштириш учун иш ўринларининг энг кам сонини белгилаш тўғрисида”

Ўзбекистон Республикаси “Аҳолини иш билан таъминлаш тўғрисида”ги Қонунининг 17-моддаси асосида, Вазирлар Маҳкамасининг 2017 йил

5 декабрдаги 965-сонли қарори билан тасдиқланган “Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш тўғрисида”ги Низомга асосан Янгиобод туманидаги корхона ва ташкилотларда 2020 йил мобайнида ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш мақсадида

Қ А Р О Р Қ И Л А М А Н:

1.Ўзбекистон Республикаси “Аҳолини иш билан таъминлаш тўғрисида”ги Қонунининг 17-моддасига, “Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш тўғрисида”ги Низомга асосан, туман худидида жойлашган корхона ташкилот ва муассасаларда 2020-йил учун квота иш ўринларини белгиланиши керак булган энг кам сонини ва уларга кўйиладиган талабларни ўрганиш махсус комиссияси таркиби 1-иловага, ходимлар сони 20 нафардан кўпни ташкил этадиган корхона, ташкилот ва муассасаларда ходимларнинг рўйхатдаги ўртача сонининг 10 фоиз миқдоригача, (шу жумладан, ногиронлар учун 3 фоиз) жами 72 та квота иш ўринлари белгилаш 2-иловага иловага мувофиқ тасдиқлансин.

2. Вазирлар Маҳкамасининг 2017 йил 5 декабрдаги 965-сонли қарори билан тасдиқланган “Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш тўғрисида”ги Низомга асосан Низомнинг 3-бандига мувофиқ, корхона ва ташкилотларда жорий йилда ишга жойлаштириб бўлинган шахслар иш ўринлари 2020 йил учун банд қилиб қўйиладиган иш ўринлари сонини белгилашда ҳисобга олинсин.

Шу жумладан:

а) ўн тўрт ёшгача болалари бўлган ва ногирон болалари бўлган ёлғиз ва кўп болали, кичик ёшли ишламаган ота-оналар учун 7 фоиз (12 киши);

б) умумий ўрта ва ўрта махсус, касб-ҳунар таълими муассасаларини тамомлаган ёшлар, шунингдек, олий таълим муассасаларининг давлат грантлари бўйича таълим олган битирувчилари 10 фоиз ( 42 киши);

в) сафарбарлик чақируви заҳирасида хизматни ўтаган ва Ўзбекистон

Республикаси Қуролли Кучлари сафларидан муддатли ҳарбий хизматдан бўшатилган шахслар 7 фоиз ( 5 киши);

г) ногиронлар учун 3 фоиз ( 3 киши);

д) пенсияолди ёшидаги шахслар учун 7 фоиз ( 3 киши);

е) жазони ижро этиш муассасаларидан озод қилинган ёки суднинг қарорига кўра тиббий тусдаги мажбурлов чоралари қўлланилишидан озод қилинган шахслар, 7 фоиз ( 5 киши);

ж) одам савдоси қурбонлари учун 7 фоиз ( 2 киши)

3. Шахсларнинг кўрсатиб ўтилган тоифалари учун иш ўринлари санитария-гигиена меъёрларига ва ходим ўз меҳнат мажбуриятларини тўсиқсиз бажаришини таъминлайдиган меҳнат қилиш шароитларига мувофиқ бўлиши керак.

4. Иш ўринлари захирага қўйиладиган ҳар бир корхона, ташкилот ва муаасасаларда касблар ва лавозимлар рўйхати келтириб ўтилсин.

5. Корхона, ташкилот ва муассаса раҳбарлари йил бошланишидан олдин

10 кундан кечикмай муҳтожларни ишга жойлаштириш учун муҳтожлар учун захирага қўйиладиган иш ўринлари умумий сонининг камида 25 (йигирма беш) фоизи миқдорида иш ўринлари захирага қўйилиши ва тайёрлигини таъминлаши,
шунингдек, бу ҳақда йил бошлангунга қадар туман Ахоли бандлигига кўмаклашиш марказини хабардор қилиши шарт.

6. Муҳтожлар учун иш ўринларининг қолган қисмини захирага қўйиш ташкилот (иш берувчи) томонидан календарь йилнинг биринчи чораги мобайнида таъминланади, бу ҳақда туман Ахоли бандлигига кўмаклашиш маркази биринчи чорак тамом бўлгандан кейин 10 кундан кечикмай хабардор қилинсин.

Ҳар ойда ҳисобот ойидан кейинги ойнинг 5-кунигача туман Ахоли бандлигига кўмаклашиш марказига Низомнинг 5-иловасига мувофиқ шакл бўйича муҳтожларни ишга жойлаштириш тўғрисида ахборот тақдим этилсин.

7.Ушбу қарорни бажармаган ташкилотларга қонун ҳужжатларида белгиланган тартибда маъмурий жарима солинади.

Белгилаб қўйилсинки, маҳаллий давлат ҳокимияти органининг ижтимоий муҳофазага муҳтож ва иш қидиришда қийналаётган шахслар учун иш ўринларини банд қилиб қўйиш бўйича қарорини бажармаганлик учун жаримани тўлаганлик ташкилотни банд қилиб қўйиладиган иш ўринларининг белгиланган сонини ташкил этишдан озод қилмайди.

8. Ижтимоий муҳофазага муҳтож ва иш қидиришда қийналаётган шахслар учун банд қилиб қўйиш сонидан ортиқча иш ўринлари ташкил этилган тақдирда ижтимоий эҳтиёжманд аҳоли қатламларига мансуб шахсларни квоталанган энг кам сондан ортиқ миқдорда ишга қабул қилган ташкилотларга – ҳар бир ходим учун 12 ой давомида ҳар ойда энг кам ойлик иш ҳақининг 2 баравари миқдорида ҳақ тўлаш; Ўзбекистон Республикаси Президентининг 2019 йил

5 мартдаги ПҚ–4227-сон 1 боб, 2 банди. Бандликка кўмаклашиш давлат жамғармаси маблағлари ҳисобидан қопланиши белгилансин.

9.Туман Аҳоли бандлигига кўмаклашиш маркази директори (А.Юнусов)га

бир хафта муддатда ушбу қарорни иловада кўрсатилган ташкилот раҳбарлари эътиборига етказсин ва мазкур қарорнинг бажарилиши устидан назоратни таъминласин.

10. Ушбу қарор расман эълон қилинган кундан эътиборан кучга киради.

11. Мазкур қарорнинг ижросини назорат қилиш туман ҳокимининг биринчи ўринбосари Д.Мамадазимов зиммасига юклатилсин.

Туман ҳокими: И.С.Матиев

Туман ҳокимининг

____ _______ даги

_____ сонли қарорига

1- илова

Туман худидида жойлашган корхона ташкилот ва муассасаларда 2020-йил учун квота иш ўринларини белгиланиши керак булган энг кам сонини ва уларга кўйиладиган талабларни ўрганиш махсус комиссияси

Таркиби:

Комиссия аъзосининг Ф.И.Ш

Лавозими

1

Д.Мамадазимов

Туман хокимининг биринчи ўринбосари комиссия раиси

2

А.Юнусов

Туман АБКМ директори комиссия раиси ўринбосари

3

Р.Абдурақибова

туман АБКМ банд бўлмаган ахолини хисобга олиш ва ишга жойлаштириш шуъбаси мутахассиси, комиссия котиби.

4

З.Назарқулова

Туман хокимининг ўринбосари, Хотин-қизлар қўмитаси раиси, комиссия аъзоси.

5

Ё.Шарофбоев

Туман статистика бўлими бошлиғи комиссия аъзоси.

6

А.Турдиев

Туман Тиббиёт бирлашмаси бошлиғи, комиссия аъзоси

7

Д.Алибеков

Туман Бюджетдан ташқари пенсия жамғармаси бошлиғи, комиссия аъзоси

КЕЛИШИЛДИ:

Туман ҳокимининг

биринчи ўринбосари Д.Мамадазимов

Туман Аҳоли бандлигига

кўмаклашиш маркази директори А.Юнусов

ТАЙЁРЛАДИ:

Туман ҳокимлиги

ҳуқуқшуноси: Н.Қобилов

Умумий таклифлар

159