ID Муаллиф Муҳокамага чиқариш санаси Якунланиш санаси Таклифлар сони
7503 Хокимият Караузякского района 07/09/2019 23/09/2019 0

Муҳокама якунланди

Ҳоким қарори
Қараөзек районы “Алғабас” аўыл пуқаралар жыйыны атамасын “Қуралпа” аўыл пуқаралар жыйыны атамасына өзгертиў ҳаққында
ID-7503

ЖОЙБАР

ХАЛЫҚ ДЕПУТАТЛАРЫ ҚАРАӨЗЕК РАЙОНЛЫҚ КЕҢЕСИНИҢ

ШЕШИМИ

     №___________                                          “___” “_____________” 2019-ЖЫЛ

Қараөзек районы “Алғабас” аўыл пуқаралар жыйыны атамасын
“Қуралпа” аўыл пуқаралар жыйыны атамасына өзгертиў ҳаққында

 

                    Өзбекистан Республикасының «Географиялық объектлердиң атамалары ҳаққында»ғы Нызамының 10-статьясы (Өзбекистан Республикасы Нызам ҳүжжетлери топламы, 2011ж., 41-сан, 448-статья)на тийкарланып, Қарақалпақстан Республикасы Жоқарғы Кеңеси Президиумының 2014-жыл
14-марттағы 271-санлы қарары менен тастыйықланған посёлкалар ҳəм аўыллардың мəкан пуқаралар жыйынларын дүзиў, бирлестириў, бөлиў ҳəм сапластырыў, сондай-ақ олардың шегараларын белгилеў ҳəм өзгертиў, оларға атама бериў ҳəм олардың атамасын өзгертиў тəртиби ҳаққындағы режесине тийкарланып ҳəм
Қарақалпақстан Республикасы Жоқарғы Кеңесиниң
 2019-жыл 26-июль күнги 02-533-санлы
хатына муўапық Халық депутатлары Қараөзек районлық Кеңеси

 

Ш Е Ш И М    Е Т Е Д И:

 

1. Географиялық объектлерге атама бериў ҳәм қайта атама бериў мәселелери бойынша Қарақалпақстан Республикасы Жоқарғы Кеңесиниң
2019-жыл 26-июль күнги 02-533-санлы
хаты мағлыўмат ушын қабыл етилсин.

2. Қараөзек районы “Алғабас” аўыл пуқаралар жыйыны атамасын “Қуралпа” аўыл пуқаралар жыйыны атамасына өзгертиў ҳаққындағы район ҳәкиминиң Жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары (А.Джуманиязов)ның усынысы мақуллансын.

 3. Қараөзек районы “Алғабас” аўыл пуқаралар жыйыны атамасын “Қуралпа” аўыл пуқаралар жыйыны атамасына өзгертилсин.

 4. Районлық Ишки ислер бөлими (М.Раметов), районлық статистика бөлими (А.Жолдасбаев), тийисли мәкеме, кәрхана, шөлкемлер атамалары өзгерген пуқаралар жыйынлары менен биргеликте бир ай мүддет ишинде ҳүжжетлерди муўапықластырыў тапсырылсын.

5. Усы  шешимниң орынланыўын қадағалаў Халық депутатлары районлық Кеңесиниң социаллық-мәдений раўажландырыў ҳəм жаслар сиясаты мәселелери бойынша турақлы комиссиясы баслығы А.Тилеумуратовқа ҳәм район ҳәкиминиң жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары А.Джуманиязовқа жүклетилсин.

6. Район ҳәкимлигиниң рәсмий веб-сайтында ҳәм “Мийнет байрағы” газетасында рәсмий жәриялаў район ҳәкилигиниң бас ҳуқық мәсләҳәтшиси И.Даулетмуратовқа тапсырылсын.

7. Шешим рәсмий түрде жәрияланған күннен баслап күшке киреди.

 

 

       Халық депутатлары Қараөзек

     районлық Кеңесиниң баслығы:                                       Р.Жумабаев

Умумий таклифлар

150