ID Муаллиф Муҳокамага чиқариш санаси Якунланиш санаси Таклифлар сони
6926 Хокимият Нарпайского района 26/08/2019 10/09/2019 0

Муҳокама якунланди

Ҳоким қарори
Туманда ижтимоий муҳофазага муҳтож, иш топишда қийналаётган ва меҳнат бозорида тенг шароитларда рақобатлаша олмайдиган шахсларни ишга жойлаштириш учун иш ўринлари 2020 йил учун банд қилиб қўйиш тўғрисида
ID-6926

ЛОЙИҲА

Туманда ижтимоий муҳофазага муҳтож, иш топишда қийналаётган ва меҳнат бозорида тенг шароитларда рақобатлаша олмайдиган шахсларни ишга жойлаштириш учун иш ўринлари 2020 йил учун банд қилиб қўйиш тўғрисида

 

Ўзбекистон Республикаси “Аҳолини иш билан таъминлаш тўғрисида”ги Қонунининг 14 моддаси (Ўзбекистон Республикаси Олий Мажлисининг Ахборотномаси, 1998 й, 5-6-сон, 97-модда, “Ўзбекистон Республикасида ногиронларни ижтимоий химоя қилиш тўғрисида”ги Қонунининг 25-моддаси (Ўзбекистон Республикаси қонун хужжатлари тўплами, 2008 йил 29-30-сон,
277-модда) ҳамда Ўзбекистон Республикаси Вазилар Маҳкамасининг 2017 йил
5 декабрдаги 965-сонли “И
жтимоий муҳофазага муҳтож, иш топишда қийналаётган ва меҳнат бозорида тенг шароитларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартибини янада такомиллаштириш чора-тадбирлари тўғрисида”ги Қарори ижросини таъминлаш мақсадида туман ҳудудида жойлашган корхона, ташкилот ва муассасаларда иш ўринларини энг кам миқдорини белгилаш юзасидан таклифларни инобатга олиб;

 

Қ А Р О Р        Қ И Л А М А Н:

 

1. Ўзбекистон Республикасининг “Аҳолини иш билан таъминлаш тўғрисида”ги Қонунининг 17-моддасига асосан ижтимоий муҳофазага муҳтож, иш топишда қийналаётган ва меҳнат бозорида тенг шароитларда рақобатлаша олмайдиган шахсларни ишга жойлаштириш учун иш ўринларини банд қилиши лозим бўлган тумандаги корхоналар, ташкилотлар ва муассасалар рўйхати иловага мувофиқ тасдиқлансин.

2. Қайд қилинган корхоналар, ташкилотлар ва муассасалар қуйидаги ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахслар тоифалари учун иш ўринларини банд қилиб қўйишни таъминласин.

ўн тўрт ёшгача болалари бўлган ва ногирон болалари бўлган ёлғиз ва кўп болали ота-оналар учун 48,0% фоиз (153 киши);

умумий ўрта ва ўрта махсус, касб-ҳунар таълими муассасаларини тамомлаган ёшлар, шунингдек, олий таълим муассасаларининг давлат грантлари бўйича таълим олган битирувчилари учун 40 % фоиз (127 киши); 

сафарбарлик чақируви захирасида хизматни ўтаган ва Ўзбекистон Республикаси Қуролли Кучлари сафларидан муддатли ҳарбий хизматдан бўшатилган шахслар учун 3% фоиз (8 киши); 

ногиронлар учун 3 % фоиз (9 киши); 

пенсия олди ёшидаги шахслар учун 3,0 % фоиз (10 киши); 

жазони ижро этиш муассасаларидан озод қилинган ёки суднинг қарорига кўра тиббий тусдаги мажбурлов чоралари қўлланилишидан озод қилинган шахслар учун 2 % фоиз (6 киши); 

одам савдоси қурбонлари учун 1 % фоиз (2 киши). 

3. Корхона, ташкилот ва муассасалар раҳбарларига ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни иш билан таъминлаш учун 2019 йил якунланишидан 10 кун олдин квота иш жойлари умумий миқдорининг камида
25 фоизи учун 2020 йилнинг 10 апрелидан кечикмай, иш жойларининг қолган
75 фоизини барпо этиш (ажратиш ёки банд қилиб қўйиш) тўғрисидаги, яъни ҳар бир квота тоифаси бўйича иш ўринлари банд қилиб қўйиладиган касблар ва лавозимлар, мутахассисликлар кесимидаги маълумотларни ва қарор бўйича чиқарилган буйруқ нусхаларини Аҳоли бандлигига кўмаклашиш марказига тақдим этиш вазифалари юклатилсин.

4. Корхона, ташкилот ва муассасалар раҳбарлари ижтимоий муҳофазага муҳтож, иш топишда қийналаётган ва меҳнат бозорида тенг шароитларда рақобатлаша олмайдиган шахслар учун иш жойларини кўрсатилган миқдорини Ўзбекистон Республикаси Вазирлар Маҳкамасиниг 2017 йил
5 декабрдаги 965-сон Қарори билан тасдиқланган “Ижтимоий муҳофазага муҳтож, иш топишда қийналаётган ва меҳнат бозорида тенг шароитларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида”ги Низомига (кейинги ўринларда Низом деб аталади) мувофиқ белгиланган муддатларда ва тартибда захиралаб қўйилишини (ажратилишини ёки банд этиб қўйилишини) ҳамда иш жойлари санитария, гигиена нормаларига ва ходим ўз мажбуриятларини бемалол бажаришини таъминлайдиган меҳнат шароитларига мувофиқ бўлишини таъминласинлар.

5. Ушбу қарор ижроси бажарилмаган тақдирда корхона, ташкилот ва муассасаларнинг мансабдор шахслари амалдаги қонун хужжатларида белгиланган тартибда жавобгарликка тортилиши кўрсатиб ўтилсин.

6. Ушбу қарорда белгилаб қўйилган тоифаларга мансуб шахсларни ортиғи билан қабул қилган корхона, ташкилот ва муассасаларга Аҳоли бандлигига кўмаклашиш маркази Ўзбекистон Республикаси Бандлик ва меҳнат муносабатлари вазирининг Ўзбнекистон Республикаси Адлия вазирлигидан рўйхатдан ўтган (31.05.2019 й. № 3163) 2019 йилнинг 10 майдаги “Ўзбекистон Республикаси Бандликка кўмаклашиш давлат жамғармаси маблағлари ҳисобидан субсидия ва грантлан ажратиш тартиби тўғрисида”ги 19-2019-Б-сонли бўйруғига асосан субсидия ажратилишини таъминласин.

7. Низом талабига асосан ижтимоий муҳофазага муҳтож, иш топишда қийналаётган ва меҳнат бозорида тенг шароитларда рақобатлаша олмайдиган шахсларни ишга жойлаштириш учун иш ўринларини туман ҳокими томонидан белгиланган миқдоридан ортиқча ташкил этган ташкилотлар ушбу ўринларни ташкил этишга сарфланган маблағларининг бир қисмини Марказ билан тузилган шартнома асосида Аҳоли бандлигига кўмаклашиш жамғармаси маблағлари ҳисобидан қоплаш ҳуқуқига эга эканликлари инобатга олинсин.

8. Марказ директори (Х.Хужаяров) беш кун муддатда мазкур қарорни тегишли корхона, ташкилот ва муассасалар раҳбарларига етказсин ҳамда унинг бажарилиши устидан қатъий назоратни таъминласин.

9. Туман ҳокимининг 2018 йил 29 сентябрдаги “Ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини 2019 йил учун банд қилиб қўйиш тўғрисида”ги 1791-Қ-сонли қарори
2019 йилнинг 31 декабридан ўз кучини йўқотган деб ҳисоблансин.

10. Мазкур қарор расмий эълон қилинган кундан эътиборан кучга киради.

11. Ушбу қарорнинг бажарилишини назорат қилиш туман ҳокимнининг иқтисодиёт ва тадбиркорлик масалалари бўйича биринчи ўринбосари Ш.Рахмонов зиммасига юклатилсин.

 

 

Туман ҳокими:                                                  Б.Жабборов

                                                                                 

 

 

 

 

 

 

 

 

 

 

 

 

 

 

 

 

 

 

 

                                                                                   

                                                                                     Туман хокимининг 2019 йил

                                                                                    __________     ______ сонли

                                                                             

Аҳолини ижтимоий муҳофазага муҳтож иш топишда қийналаётган ва

меҳнат бозорида рақобатлашишга қодир бўлмаган  шахсларни ишга

жойлаштириш борасида амалга оширилаётган ишларни

мувофиқлаштириш буйича ишчи гурухи

ТАРКИБИ

 

1

Ш.Рахманов

Туман хокимининг биринчи ўринбосари, ишчи гурух раҳбари

2

Х.Хужаяров

Туман Бандликка кумаклашиш маркази директори, ишчи гурух раисининг ўринбосари

3

Н.Аманова

Туман Бандликка кўмаклашиш маркази бўлим бошлиғи, ишчи гурух котиби

4

Н.Мухаммадиева

Туман хокимининг Хотин-қизлар ишлари бўйича ўринбосари

5

 

Т.Эшназаров

Туман ИИБ бошлиғи

6

К. Жавданов

Туман прокурори (келишув асосида)

7

О.Алиев

“Ёшлар Иттифоқи” туман кенгаши раиси

8

Н.Ботиров

«Нарпай тумангаз» идораси бошлиғи

9

Ғ.Эргашев

«Нарпай ТТБ» бош врачи

 

Туман хокимлиги ташкилий-

назорат гурухи раҳбари                                                   А.Бобожонов

 

 

 

 

 

 

 

 

Умумий таклифлар

232