ID Муаллиф Муҳокамага чиқариш санаси Якунланиш санаси Таклифлар сони
6843 Хокимият города Нукус 23/08/2019 07/09/2019 0

Муҳокама якунланди

Ҳоким қарори
Нөкис қаласы 4Р-191 Нөкис киши айланба жолының 16-17 км аралығында, 4Р-176 Нөкис-Шымбай-Тахтакөпир автомобиль жолының 12-14 км аралығында ҳәм Х.Абдамбетов ҳәм Таза қоныс көшелери бойында ҳәрекетти тәртипке салыў ҳәм транспорт қуралларының қәўипсиз ҳәрекетлениўин тәмийинлеў ҳаққында
ID-6843

Нөкис қаласы «Нөкис-Шымбай-Тахтакөпир» автомобиль жолының 12-14 км аралығында «Жоқары тезлик шекленген» жол белгисин алмастырыў ҳәм 4Р-191 Нөкис киши айланба жолының 16-17 км аралығында ҳәмде Х.Абдамбетов ҳәм Таза қоныс көшелери бойына «Тоқтаў қадаған» жол белгилерин орнатыў бойынша Нөкис қалалық ишки ислер органларының жумысларын муўапықластырыў басқармасының 2019-жыл 22-майдағы 12/-4978-санлы усынысын қарап шығып, Өзбекстан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15 апрел, 15-сон,197-модда)ның 7-статьясына, «Жергиликли мәмлекетлик ҳәкимият ҳаққында»ғы Нызамының  25-статьясына муўапық, Нөкис қаласы 4Р-191 Нөкис киши айланба жолының 16-17 км аралығында, 4Р-176 Нөкис-Шымбай-Тахтакөпир автомобиль жолының 12-14 км аралығында ҳәм Х.Абдамбетов ҳәм Таза қоныс көшелери бойында ҳәрекетти тәртипке салыў ҳәм транспорт қуралларының қәўипсиз ҳәрекетлениўин тәмийинлеў мақсетинде   

 

Ш Е Ш И М  Е Т Е М Е Н :

 

  1. Нөкис қаласы аймағынан өткен 4Р-191 Нөкис киши айланба жолының 16-17 км аралығында жайласқан Мухаммед-Имам-Ишан-Жомий мешитиниң алдында ҳәрекетти тәртипке салыў ҳәм транспорт қуралларының қәўипсиз ҳәрекетлениўин тәмийинлеў мақсетинде жолдың шеп тәрепине 3,27 «Тоқтаў қадаған» жол белгиси орнатылсын.
  2. Нөкис қаласы аймағынан өткен 4Р-176 Нөкис-Шымбай-Тахтакөпир автомобиль жолының 12-14 км аралығында орнатылған 3,24 (50км/с) «Жоқары тезлик шекленген» жол белгисин 3,24 (60км/с) «Жоқары тезлик шекленген» жол белгисине алмастырылсын.
  3. Нөкис қаласы Х.Абдамбетов ҳәм Б.Едиге көшелери аймағында жайласқан «Автомобиль ҳәм аўысық бөлеклер сатыў комплекси» ЖШЖ ке қараслы базар әтирапында нызамсыз сатыўға қойылған автотранспорт қуралларының алдын алыў мақсетинде базар әтирапындағы Х.Абдамбетов ҳәм Таза қоныс көшелери бойына ҳәптениң екшемби күнлери саат 06.00 ден 14.00 ге шекем 3,27 «Тоқтаў қадаған» жол белгиси орнатылсын.
  4. Нөкис қалалық ишки ислер органларының жумысларын муўапықластырыў басқармасы Жол ҳәрекети қәўипсизлиги бөлимине (Б.Юсупов) жоқарыдағы жол белгилерин белгиленген тәртипте орнатыў тапсырылсын.
  5. Усы шешимниң орынланыўын қадағалаў Нөкис қаласы ҳәкиминиң санаатты раўажландырыў, капитал қурылыс, коммуникациялар, ҳәм коммунал хожалығы мәселелери бойынша орынбасары М.Ерназаровқа жүкленсин.
  6. Бул шешим қалалық «Нөкис ҳақыйқаты» газетасында рәсмий жариялансын
    ҳәм ҳәкимлик рәсмий веб-сайтында жайластырылсын.
  7. Бул шешим рәсмий жарияланған күннен баслап күшке киреди.

 

 

Ҳәким ў.ў.а:                                                            П.Турешев

Умумий таклифлар

87