ID Муаллиф Муҳокамага чиқариш санаси Якунланиш санаси Таклифлар сони
5507 Хокимият Тахтакупырского района 03/08/2019 16/08/2019 0

Муҳокама якунланди

Ҳоким қарори
Тахтакөпир районлық Халық билимлендириў бөлимине қараслы улыўма орта билим бериў мектеплериниң микроучасткаларын белгилеў ҳаққында
ID-5507

 Қарақалпақстан Республикасы Халық билимлендириў министрлигиниң  2018-жыл 13-июнь күнги 01-01/1-2325-санлы  хаты бойынша қарап шығып, Өзбекстан Республикасы Министрлер Кабинетиниң 2017-жыл 15-марттағы
 140-санлы қарары менен тастыйықланған «Улыўма орта билимлендириў ҳаққындағы Режениң  5-бап, 39-бәнтине муўапық,

 

ШЕШИМ ЕТЕМЕН:

 

 

1. Қарақалпақстан Республикасы Халық билимлендириў министрлигиниң  2018-жыл 13-июнь күнги 01-01/1-2325 санлы хаты орынлаў  ушын басшылыққа алынсын.

2.  Тахтакөпир районлық Халық билимлендириў бөлимине қараслы улыўма орта билим бериў мектеплериниң микроучасткалары қосымшаға муўапық тастыйықлансын.

3. Тахтакөпир районлық Халық билимлендириў бөлими баслығы Б.Жаримбетов усы шешимниң қосымшасы менен тастыйықланған микроучасткалардағы балалардың улыўма орта билим бериў мектеплерине толық тартылыўын тәмийинлесин.

4. Усы шешимниң орынланыўын қадағалап барыў район ҳәкиминиң орынбасары О.Генжемуратовтың жуўапкершилигине жүкленсин.

 

 

 

  Тахтакөпир районы ҳәкими:                                       Ж.Адилов

Район ҳәкиминиң                            2019-жыл «____»-__________ кунги _______-санлы шешимине қосымша

 

 

Районлық Халық билимлендириў бөлимине қараслы улыўма орта билим бериў мектеплериниң микроучасткалары

 

«Тахтакөпир» посёлка пуқаралар жыйыны 1-санлы мектеп:

 

Мектеп 844 орынға мөлшерленип, 1996-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2012-жыл ири оңлаў жумыслары исленген.

Шегаралары: Қуўаныш жарма каналының батыс тәрепин өз ишине алып, Дослық Гүзары көшесине шекемги, Дослық Гүзары көшесиниң қубла тәрепиндеги хожалықлар Нөкис көшесиниң кесиспесине шекем, Нөкис көшесиниң шығыс тәрепиндеги хожалықлар Тахтакөпир көшесине шекем, Тахтакөпир көшесиниң қубласындағы хожалықлар Мақпалкөл гүзары көшесиниң кесилиспесине шекем, Макпалкөл гүзары көшесиниң шығыс тәрепиндеги хожалықлар, Атакөл АПЖ аймағындағы Хожамет аўылын өз ишине алып, Куўаныш жарма каналына шекемги хожалықлар толығы менен киреди.

 

«Айдын жол» мәкан пуқаралар жыйыны 2-санлы мектеп:

 

Мектеп 1176 орынға мөлшерленип, 1988-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2007-жыл ири оңлаў жумыслары исленген.

Шегаралары: Буған шығысы Куўаныш жарма каналының батысындағы Дослық гүзарына шекемги, Дослық гүзары кошесиниң арқа тəрепин өз ишине алып, Нөкис көшесиниң кесиспесине шекем, Нөкис көшесинин шығыс тәрепи бойлап электр тармақлары кәрханасы жанындағы хожалықлар, арқасында Нөкис-Тахтакөпир айланба жолын бойлап, Куўаныш жарма каналына шекемги хожалықлар толығы менен киреди.

 

«Тахтакөпир» посёлка пуқаралар жыйыны 3-санлы мектеп:

 

Мектеп  526 орынга мөлшерленип,  1966-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2006-жыл капитал реконструкция жумыслары исленген.

Шегаралары: Майжап каналының шыгыс тәрепиндеги Нөкис-Тахтакөпир айланба жолына шекемги, Нөкис-Тахтакөпир айланба жолының қубласындағы хожалықларды өз ишине алған ҳалда, Нөкис көшесиниң батыс тәрепи Тахтакөпир көшесине шекем,          Тахтакөпир көшесиниң арқа тәрепи Мақпалкөл гүзары көшесиниң кесиспесине шекем, Мақпалкөл гүзары көшесинин батыс тәрепин өз ишине алып, Тахтакөпир-Атакөл айланба жолының арқа тәрепиндеги хожалықлар толығы менен киреди.

 

 

 

«Дәўир» мәкан пуқаралар жыйыны 4-санлы мектеп:

 

Мектеп 216 орынға мөлшерленип, 2007-жылы жаңадан қурылып пайдаланыўға берилген.

Шегаралары: Буған Куўаныш жарма каналы Дослық гүзары көшесиниң кубласын өз ишине алып, «Тымпый» каналына шекем, «Тымпый» каналының батысы районлық аўыл ҳәм суў хожалығының суў бөлистириўши сооружениесиндеги ҳәм Гербиш заводы посёлкасындағы хожалықлар, Куўаныш жарма каналына шекем, Куўаныш жарма каналының Дослық гүзарына шекемги шығысындағы хожалықлар толығы менен киреди.

 

«Дәўир» мәкан пуқаралар жыйыны 5-санлы мектеп:

 

Мектеп 624 орынға мөлшерленип, 1982-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2017-жыл капитал қурлыс жумыслары исленген.

Шегаралары: Буған Куўаныш жарма канлынаң Дослық гүзары көшесиниң арқа тәрепиндеги хожалықлар «Тымпый» каналына шекем, «Тымпый» каналының батыс тәрепиндеги хожалықлар, Тахтакөпир-Мүлик айланба жолына шекем, Тахтакөпир-Мулик айланба жолының кубласындағы хожалықларды өз ишине алып Куўаныш жарма каналына шекем, Куўаныш жарма каналынаң Дослық гүзары көшесиниң кесиспесине шекемги хожалыклар толығы менен киреди.

 

«Ғәрезсизлик» мәкан пуқаралар жыйыны 6-санлы мектеп:

 

Мектеп 704 орынга мөлшерленип, 1994-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2009-жыл капитал қурлыс жумыслары жургизилген.

Шегаралары: Майжап каналынын батыс тарепинен баслап Нөкис-Тахтакөпир айланба жолының еки бойындағы, Сарыкөл, Қыпшақ аўылы хожалықлары толығы менен киреди.

 

«Тахтакөпир» аўыл пуқаралар жыйыны 7-санлы мектеп:

 

Мектеп 624 орынга мөлшерленип, 1984-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2006-жыл капитал қурлыс жумыслары жургизилген.

Шегаралары: Буған Тахтакөпир аўыл пуқаралар жыйыны орайы аймағындағы ҳәм «Пишенкол», «Ақкол» аўылындағы хожалықлар толығы менен киреди.

 

«Атакөл» аўыл пуқаралар жыйыны 8-санлы мектеп:

 

Мектеп 624 орынға мөлшерленип, 1988-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2006-жыл капитал қурлыс жумыслары жургизилген.

Шегаралары: : Буған Атакол АПЖ орайы, қубласы «Шөгиркөл» ҳәм «Бессары» аўылы, арқасы «Кепе» ҳәм «Кыят» аўылы хожалыклары, шығысы «Адил» аўылы турғынлары толығы менен киреди.

 

«Өзбекстан» мәкан пуқаралар жыйыны 9-санлы мектеп:

 

Мектеп 320 орынға мөлшерленип, 1997-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2010-жыл жеңил қурлыс жумыслары жүргизилген.

Шегаралары: Өзбекистан мәкан пуқаралар жыйыны аймағындағы Ырғақлы аўылы, Тоғай хожалығы ҳәм Айдос қала аймағындағы хожалықлар толығы менен киреди.

 

«Қараой» аўыл пуқаралар жыйыны 10-санлы мектеп:

 

Мектеп 624 орынға мөлшерленип, 1986-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2015-жыл женил курлыс жумыслары жургизилип толык пайдаланыўға берилди.

Шегаралары: : Буған Караой аўыл пуқаралар жыйыны орайы ҳәм Өзбекистан мәкан пуқаралар жыйыны аймағындағы «Бессары» аўылындағы хожалықлар толығы менен киреди.

 

«Қараой» аўыл пуқаралар жыйыны 11-санлы мектеп:

 

Мектеп 250 орынға мөлшерленип, 1976-жылы пайдаланыўға берилген. «Мектеп билимлендириўин раўажландырыўдың мәмлекетлик улыўма миллий дастури»не муўапық 2005-жыл капитал реконструкция жургизилген.

Шегаралары: : Буған Өзбекистан мәкан пуқаралар жыйыны аймагындагы                «Балки өзек», «Мүйтен аўыл», «Қыпшақ» аўыллары толығы менен киреди.

 

«Қаратерең» мәкан пуқаралар жыйыны 12-санлы мектеп:

 

Мектеп 250 орынға мөлшерленип, 1979-жылы пайдаланыўға тапсырылған. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2007-жыл капитал реконструкция исленген

Шегаралары: Буған «Тымпый» каналаның батысындағы Қаратерең мәкан пуқаралар жыйыны  аймағындағы Теппекөл, Тазажол, Қарабайлы, Қарамойын, Шалжут, Анна аўылларындағы хожалықлар толығы менен киреди.

 

«Даўқара» аўыл пуқаралар жыйыны 13-санлы мектеп:

 

Мектеп 624 орынға мөлшерленип, 1992-жылы пайдаланыўға тапсырылған. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2009-жыл капитал курылыс жүргизилген.

Шегаралары: Қаратерең аўыл пуқаралар жыйыны аймағының таза ҳəм гөне орайындағы, сондай-ақ, Дийхан, Жийделик аўыллары толығы менен киреди.

 

 

 

 

 

 

«Даўқара» аўыл пуқаралар жыйыны 14-санлы мектеп:

 

Мектеп 250 орынға мөлшерленип, 1969-жылы пайдаланыўға тапсырылған. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2008-жыл капитал реконструкция исленген.

Шегаралары: Буған Қаратерең аўыл пуқаралар жыйыны аймағындағы Өркенди аўылы хожалықлары толығы менен киреди.

 

«Белтаў» аўыл пуқаралар жыйыны 15-санлы мектеп:

 

Мектеп  624 орынға мөлшерленип 1990-жылы пайдаланыўға  берилген. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2008-жыл капитал реконструкция исленген.

Шегаралары: Буған Белтаў аўыл пуқаралар жыйыны аймағындағы хожалықлар толығы менен киреди.

 

«Мүлик» аўыл пуқаралар жыйыны 16-санлы мектеп:

 

Мектеп  450 орынға мөлшерленип,  1975-жылы пайдаланыўға  берилген. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2004-жыл капитал қурылыс жүргизилип пайдаланыўға берилди.

Шегаралары: Буған Мүлик аўыл пуқаралар жыйыны аймағы орайындағы Ердулла жап каналының батыс тəрепиндеги, Коңыраткөл аўыл пуқаралар жыйыны аймағындағы Кендирли аўылына шекемги, Жанадарья аўыл  пуқаралар жыйыны аймағына шекемги аралықтағы хожалықлар толығы менен киреди.

 

«Мүлик» аўыл пуқаралар жыйыны 17-санлы мектеп:

 

Мектеп  726 орынға мөлшерленип, 1987-жылы пайдаланыўға  берилген. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2008-жыл капитал қурылыс жумыслары исленген.

Шегаралары: Буған Мүлик аўыл пуқаралар жыйыны орайындағы Ердулла жап каналының шығысындағы Мал семиртиў базасы, Ақжай, Атшабар, Шумекей аўылларындағы хожалықлар толығы менен киреди.

 

«Қоңыраткөл» аўыл пуқаралар жыйыны 18-санлы мектеп:

 

Мектеп  590 орынға мөлшерленип, 2002-жылы пайдаланыўға  берилген. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2009-жыл женил ремонт жумыслары исленген.

Шегаралары: Буған Қоңыраткөл аўыл пуқаралар жыйыны орайындағы хожалықлар толығы менен киреди.

 

 

 

 

 

«Жаңадарья» аўыл пуқаралар жыйыны 19-санлы мектеп:

 

Мектеп  250 орынға мөлшерленип, 2002-жылы пайдаланыўға  берилген. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2009-жыл жеңил ремонт исленген.

Шегаралары: Буған Жанадарья аўыл пуқаралар жыйыны аймағындағы хожалықлар толығы менен киреди.

 

 

«Маржанкөл» мәкан пуқаралар жыйыны 20-санлы мектеп:

 

Мектеп 180 орынға мөлшерленип, 1983-жылы пайдаланыўға берилген. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2009-жыл капитал қурылыс жумыслары исленген.

Шегаралары: Буған Маржанкөл макан пуқаралар жыйыны аймағындағы хожалықлар толығы менен киреди.

 

«Атакөл» аўыл пуқаралар жыйыны 21-санлы мектеп:

 

Мектеп  150 орынға мөлшерленип, 1986-жылы пайдаланыўға  берилген. «Мектеп билимлендириўин раўажландырыўдың мамлекетлик улыўма миллий дəстури»не муўапық 2009-жыл жеңил ремонтқа киргизилген.

Шегаралары: Буған Атакөл пуқаралар жыйыны аймағындағы төртинши аўыл ҳəм Қарағаш аўылындағы хожалықлар толығы менен киреди.

 

«Қоңыраткөл» аўыл пуқаралар жыйыны 22-санлы мектеп:

 

Мектеп  216 орынға мөлшерленип, 1990-жылы пайдаланыўға  берилген. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2008-жыл жеңил ремонт жумыслары исленген.

Шегаралары: Буған Қоңыраткөл аўыл пуқаралар жыйыны аймағындағы Кендирли аўылындағы хожалықлар толығы менен киреди.

 

«Қостурба» макан кеңес пуқаралар жыйыны 23-санлы мектеп:

 

Мектеп 156 орынға мөлшерленип, 2003-жылы пайдаланыўға берилген. «Мектеп билимлендириўин раўажландырыўдың мəмлекетлик улыўма миллий дəстури»не муўапық 2017-жылы 40 орынға мөлшерленип қосымша имарат пайдаланыўға берилген.

Шегаралары: Буған Қоструба мәкан кеңес пуқаралар жыйыны аймағындағы хожалықлар толығы менен киреди.

Умумий таклифлар

627