ID Муаллиф Муҳокамага чиқариш санаси Якунланиш санаси Таклифлар сони
2789 Хокимият Кегейлийского района 14/03/2019 14/03/2019 0

Муҳокама якунланди

Ҳоким қарори
«Бозатаў» мәмлекетлик тоғай хожалығына қараслы тоғайзарларда өрттиң алдын алыў ҳәм оған қарсы гүресиўди күшейттириў иләжлары ҳаққында
ID-2789

Районда экологиялық орталықты жақсылаў ҳәм тоғайзарларды көбейтиў, өрттиң алдын алыў,оған қарсы гүресиўди күшейттириў ҳәм Өзбекстан Республикасының 2018-жыл 16-апрель күни 475-санлы жаңа редакцияда қабыл етилген «Тоғай ҳаққында»ғы Нызамының 23-статьясына, Қарақалпақстан Республикасы «Тоғай ҳаққында»ғы Нызамының 35-статьяларына муўапық, район аймағындағы тоғайзарларды өрттен сақлаўды тәмийинлеў мақсетинде, Өзбекстан Республикасы «Жергиликли мәмлекетлик ҳәкимияты ҳаққында»ғы Нызамының
6-статьясына муўапық

 

ШЕШИМ  ЕТЕМЕН:

 

1. Қарақалпақстан Республикасының «Тоғай ҳаққында»ғы Нызамының         35-статьясына тийкарланып район аймағындағы тоғайзарларда өрт қәўпиниң алдын алыў, ҳайўанатлар ҳәм өсимликлер дүньясын өрт қәўипинен қорғаў бойынша           2019-жылда исленетуғын тийкарғы ис-иләжлар қосымшаға муўапық тастыйықлансын.

3. Районлық аўыл хожалығы бөлими (А. Юсупов), Бозатаў мәмлекетлик тоғай хожалығы (А. Ерназаров), өрт өшириў бөлими, тәбиятты қорғаў бойынша мәмлекетлик комитетиниң райондағы ўәкиллери, дара дийхан
ҳәм фермер хожалықлары, аўыл пуқаралар жыйынлары баслықларына тоғайзарларда өрт қәўпиниң алдын алыў, ҳайўанатлар ҳәм өсимликлер дүньясын өрт қәўипинен қорғаў бойынша айқын иләжлар белгилеў тапсырылсын.

4. Тоғайларда өрттиң пайда болыўына жол қойған аўыл хожалығы кәрханалары ҳәм фермер хожалықлары басшыларына нызамда белгиленген шаралар көрилетуғынлығы ескертип өтилсин.

5. Тоғайларда пайда болған өрттиң себебин анықлаў ҳәм бул бойынша оператив хабарларды район ҳәкимлигине өз ўақтында жеткерип турыў жуўапкершилиги «Бозатаў» мәмлекетлик тоғай хожалығы, аўыл хожалығы кәрханалары басшыларына жүкленсин.

6.  Кегейли районы ҳәкиминиң 2018-жыл 11-май күнги 481-05-санлы шешими «Кегейли турмысы» газетасы, 2018-жыл 16-май, 8-сан (6173) өз күшин жоғалтқан деп табылсын.

7. Усы шешим  район ҳәкимлигиниң «Кегейли турмысы» газетасында рәсмий жариялансын ҳәм ҳәкимлик веб-сайтында жайластырылсын.

8. Усы шешимниң орынланыўын қадағалаў район ҳәкиминиң аўыл ҳәм суў хожалығы мәселелери бойынша орынбасары Б. Кайыпназаровқа жүкленсин.

9. Шешим рәсмий түрде жәрияланған күннен баслап күшке киреди.

 

           

Кегейли районы

                   ҳәкими:-                                                          М. Абдиров

 

 

 

 

Кегейли районы ҳәкиминиң

2019-жыл «___»_______ күнги

_______-санлы шешимине

қосымша

 

 

Район аймағындағы тоғайзарларда өрт қәўипиниң алдын алыў,

ҳайўанатлар ҳәм өсимликлер дүньясын өрт қәўипинен қорғаў бойынша

2019-жылда исленетуғын тийкарғы

ис-иләжлары

 

Иләжлардың атамасы

Орынлаўмүддети

Жуўапкерлер

1.

Район аймағындағы тоғайзарлықларда,  пуқаралар арасында өрт қәўипсизлигин тәмийинлеў

Жыл даўамында

А. Юсупов, А.Ерназаров,               хожалық басшылары

2.

Тоғайларға жақын, тоғайзарлықлар менен шегаралас жерлерде жайласқан

атыз басларындағы шөплерди,                жап-салмалардағы қамысларды өртеўди қадаған етиў ҳәм бул бойынша айқын иләжлар белгилеў

2019-жыл

март

 хожалық басшылары

3.

Тоғайзарларда өрт қәўипиниң алдын алыў дәўиринде, байрам күнлери
ҳәм дем алыс күнлери орынларда жуўапкер хызметкерлерден нәўбетшиликлер шөлкемлестириў

Жыл даўамында

А. Юсупов, А.Ерназаров,               хожалық басшылары

4.

Тоғайзарларда өрт қәўипи пайда болған жағдайларда оны сапластырыў бойынша оператив түрде ҳәрекет етиў

Жыл даўамында

А. Юсупов , А.Ерназаров, 

өрт өшириў бөлими, айрықша жағдайлар бөлими, хожалық басшылары

5.

Тоғайларда өрт өшириў топарларын дүзиў ҳәм олардың тоғай өртин өшириўде оператив түрде ҳәрекет етиўин тәмийинлеў

Жыл даўамында

А. Юсупов, А.Ерназаров,                                 өрт өшириў бөлими, айрықша жағдайлар бөлими, хожалық басшылары

 

 

 

 

 

 

Умумий таклифлар

883