ID Муаллиф Муҳокамага чиқариш санаси Якунланиш санаси Таклифлар сони
2020 Хокимият Чимбайского района 22/01/2019 06/02/2019 0

Муҳокама якунланди

Ҳоким қарори
Шымбай районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында
ID-2020

Өзбекстан Республикасы Министрлер Кабинетиниң 2003-жыл
31-январдағы 54-санлы  қарары (Ўзбекистон Республикаси қонун ҳужжатлари тўплами, 2003 й., 1-2-сон, 17-модда) менен тастыйықланған «Транспорт қуралларын мәжбүрий техникалық көриктен өткериў тәртиби ҳаққында»ғы Реже,  2017-жыл 22-декабрдеги «Өзбекстан Республикасы Министрлер Кабинетиниң 2003-жыл 31-январдағы 54-санлы  қарарына киритилген озгерислер ҳәм қосымшалар ҳақкында»ғы 1010-санлы қарарына (Қонун ҳужжатлари маълумотлари миллий базаси, 26.12.2017 й., 09/17/1010/0461-сон) тийкар ҳәм Қарақалпақстан Республикасы Министрлер Кеңесиниң 2019-жыл 7-январдағы 03-08/13-01/3-санлы мәжилис баянламасын басшылыққа алып, “Жергиликли мәмлекетлик ҳәкимияты ҳаққында”ғы Нызамының 1-бөлиминиң 5-бәндиниң “а” киши бәнтине
муўапық, район аймағында адам тасыўға пайдаланып атырған жеңил автомобиллер, автобуслар, киши автобуслар, адамларды турақлы түрде тасыў ушын қайта үскенеленген жүк автомобиллери, үлкен көлемли (габаритли) аўыр
ҳәм қәўипли жүклерди тасыў ушын арнаўлы транспорт қураллары ҳәм олардың тиркемелери бир жылда еки мәрте биринши басқыш 1-марттан 30-июнға дейин, екинши басқыш 1-сентябрден 31-октябрге шекем мәжбүрий техникалық көриктен өткериледи. 2019-жылдың 1-январ - 31-август аралығында жеке меншик транспорт қуралларының ҳәмде 1-марттан – 30-июнь аралығында өзиниң хожалығы есабындағы транспорт қуралларын мәжбүрий мәмлекетлик техникалық көриктен сапалы ҳәм нәтийжели өткериў мақсетинде

 

Ш Е Ш И М   Е Т Е М Е Н:

 

1. Төмендегилер:

а) Шымбай районы аймағындағы автомототранспорт қуралларын мәжбүрий техникалық көриктен өткериў бойынша районлық комиссия қурамы 1-қосымшаға;

б) райондағы мәкеме, кәрхана, шөлкемлердиң транспорт қуралларын мәмлекетлик мәжбүрий техникалық көриктен өткериў кестеси 2-қосымшаға муўапық тастыйықлансын.

2. Районлық Ишки ислер бөлиминиң жол ҳәрекети қәўипсизлиги бөлимшесине (Б.Алламжаров), транспорт қуралларын мәжбүрий техникалық көриктен өткериў ушын мүлкшилик түрине қарамастан райондағы зәрүр шәраят ҳәм үскенелерге ийе болған техника хызметин көрсетиўши станцияларды анықлаў ҳәм олар менен шәртнама дүзиў ўазыйпасы тапсырылсын.

3. “Транспорт қуралларын мәжбүрий техникалық көриктен өткериў тәртиби ҳаққында”ғы Режениң 1-бөлими 5-бәнтиниң “а” киши бәнтиндеги транспорт қуралларының техникалық көриги:

биринши мәрте 2019-жылдың 1-март 30-июнь аралығында;

екинши мәрте 2019-жылдың 1-сентябрь 31-октябрь аралығында;

юридикалық тәреплерге қараслы болған транспорт қуралларының техникалық көриги 2019-жылдың 1-март 30-июнь аралығында;

физикалық тәреплерге қараслы болған транспорт қуралларының техникалық көриги 2019-жылдың 1-январь 31-август аралығында өткерилиўи белгиленсин.

4. Райондағы барлық мәкеме, кәрхана, шөлкем ҳәм жәмийетлердиң басшылары тәрепинен есабындағы транспорт қуралларын мәжбүрий техникалық көриктен сапалы өткериўге таярлаў иләжларын көрсин.

5. Райондағы барлық мәкеме, кәрхана, шөлкем, жәмийетлер ҳәм меншигинде транспорт қураллары болған пуқаралар өз транспорт қуралларын белгиленген мүддетлерде мәжбүрий техникалық көриктен өткериўге, техникалық жақтан саз
ҳәм оларды жарамлы аўҳалда алып келиўин тәмийинлесин.

6. “Шымбай ҳаўазы” газетасы редакциясына (Р.Утепбергенов), транспорт қуралларын мәжбүрий техникалық көриктен өткериў басланғанлығын ҳәм өткериў барысын газета бетлеринде жәриялап барыў усыныс етилсин.

7. Шымбай районы ҳәкиминиң 2018-жыл 30-январдағы күнги “Шымбай районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында”ғы 177-санлы шешими (“Шымбай ҳаўазы” газетасы 2018-жыл 31-январь 3-сан (8523)) өз күшин жойытқан деп есаплансын.

8. Усы шешим “Шымбай ҳаўазы” газетасында жәриялансын ҳәм ҳәкимлик рәсмий веб-сайтында жайластырылсын.

9. Усы шешимниң орынланыўын қадағалаў район ҳәкиминиң орынбасары Б.Жуманиязовқа ҳәм районлық Ишки ислер бөлими баслығы Б.Шахановларға жүкленсин.

10. Бул шешим рәсмий түрде жәрияланған күннен баслап күшке киреди.

 

Шымбай районы ҳәкими                                            П.Ещанов

Умумий таклифлар

882