Давлат тилида матни бўлмаган лойиҳалар портал маъмурияти томонидан лойиҳа муаллифини огоҳлантирмасдан ўчирилади
ID Муаллиф Муҳокамага чиқариш санаси Якунланиш санаси Таклифлар сони
17517 Ўзбекистон Республикаси Инновацион ривожланиш вазирлиги 06/05/2020 21/05/2020 3

Муҳокама якунланди

Идораларнинг буйруқ ёки қарори
Ўзбекистон Республикаси Инновацион ривожланиш вазирлиги ҳузуридаги Ёшлар академияси платформаларига иқтидорли ва ташаббускор ёшлардан иборат жамоаларни танлов асосида аъзоликка қабул қилиш босқичини ўтказиш тартиби тўғрисидаги низомни тасдиқлаш ҳақида буйруқ
ID-17517

ЎЗБЕКИСТОН РЕСПУБЛИКАСИ
ИННОВАЦИОН РИВОЖЛАНИШ ВАЗИРИНИНГ
БУЙРУҒИ

 

Ўзбекистон Республикаси Инновацион ривожланиш вазирлиги ҳузуридаги Ёшлар академияси платформаларига иқтидорли ва ташаббускор ёшлардан иборат жамоаларни танлов асосида аъзоликка қабул қилиш босқичини ўтказиш тартиби тўғрисидаги низомни тасдиқлаш ҳақида

 

Ўзбекистон Республикаси Президентининг 2019 йил 30 августдаги “Ёшларни илм-фан соҳасига жалб этиш ва уларнинг ташаббусларини қўллаб-қувватлаш тизимини такомиллаштириш чора-тадбирлари тўғрисида”ги ПҚ-4433-сон қарорига мувофиқ буюраман:

1. Ўзбекистон Республикаси Инновацион ривожланиш вазирлиги ҳузуридаги Ёшлар академияси платформаларига иқтидорли ва ташаббускор ёшлардан иборат жамоаларни танлов асосида аъзоликка қабул қилиш босқичини ўтказиш тартиби тўғрисидаги низом иловага мувофиқ тасдиқлансин.

2. Ёшлар академиясининг ишчи органи этиб Инновацион ривожланиш вазирлигининг Иқтидорли ёшлар билан ишлаш бошқармаси белгилансин.

3. Ёшлар академияси аъзолигига қабул қилиш шаффофлик
ва ошкоралик тамойиллари асосида ташкил этилишига Ёшлар академияси Кенгаши масъул этиб белгилансин.

4. Мазкур буйруқ расмий эълон қилинган кундан эътиборан кучга киради.

 

Вазир                                                                 И.Абдураҳмонов

 

 

 

 

 

 

 

 

 

Тошкент ш.

2020 йил “____”___________

___ - сон

 

 

OʻZBEKISTON RESPUBLIKASI
INNOVATSION RIVOJLANISH VAZIRINING
BUYRUGʻI

 

Oʻzbekiston Respublikasi Innovatsion rivojlanish vazirligi huzuridagi Yoshlar akademiyasi platformalariga iqtidorli va tashabbuskor yoshlardan iborat jamoalarni tanlov asosida aʼzolikka qabul qilish bosqichini oʻtkazish tartibi toʻgʻrisidagi nizomni tasdiqlash haqida

 

Oʻzbekiston Respublikasi Prezidentining 2019-yil 30-avgustdagi “Yoshlarni ilm-fan sohasiga jalb etish va ularning tashabbuslarini qoʻllab-quvvatlash tizimini takomillashtirish chora-tadbirlari toʻgʻrisida”gi PQ-4433-son qaroriga muvofiq buyuraman:

1. Oʻzbekiston Respublikasi Innovatsion rivojlanish vazirligi huzuridagi Yoshlar akademiyasi platformalariga iqtidorli va tashabbuskor yoshlardan iborat jamoalarni tanlov asosida aʼzolikka qabul qilish bosqichini oʻtkazish tartibi toʻgʻrisidagi nizom ilovaga muvofiq tasdiqlansin.

2. Yoshlar akademiyasining ishchi organi etib Innovatsion rivojlanish vazirligining Iqtidorli yoshlar bilan ishlash boshqarmasi belgilansin.

3. Yoshlar akademiyasi aʼzoligiga qabul qilish shaffoflik va oshkoralik tamoyillari asosida tashkil etilishiga Yoshlar akademiyasi Kengashi masʼul etib belgilansin.

4. Mazkur buyruq rasmiy eʼlon qilingan kundan eʼtiboran kuchga kiradi.

 

Vazir                                                                                                 I.Abdurahmonov

 

 

 

 

 

 

 

 

 

Toshkent sh.

2020-yil “____”___________

___ - son

 

 

Инновацион ривожланиш вазирининг
2020 йил “____”___________
даги
____ -сонли буйруғига илова

 

Ўзбекистон Республикаси Инновацион ривожланиш вазирлиги ҳузуридаги Ёшлар академияси платформаларига иқтидорли ва ташаббускор ёшлардан иборат жамоаларни танлов асосида аъзоликка қабул қилиш босқичини ўтказиш тартиби тўғрисида
 

НИЗОМ

            Мазкур низом Ўзбекистон Республикаси Президентининг “Ёшларни илм-фан соҳасига жалб этиш ва уларнинг ташаббусларини қўллаб-қувватлаш тизимини такомиллаштириш чора-тадбирлари тўғрисида” 2019 йил 30 августдаги ПҚ-4433-сон қарори ижросини таъминлаш мақсадида ишлаб чиқилган бўлиб, Инновацион ривожланиш вазирлиги ҳузуридаги Ёшлар академиясининг (кейинги ўринларда Ёшлар академияси дейилади) “Ғоялар генератори”, “Стартаплар”, “Бизнес вакиллари” ҳамда “Бўлажак академиклар” платформаларига иқтидорли ва ташаббускор ёшлардан иборат жамоаларни танлов асосида аъзоликка қабул қилиш босқичини ўтказиш тартибини белгилайди.

 

1-боб. Умумий қоидалар

 

1. Ёшлар академияси платформаларига инновацион ғоя ва технологияларни ривожлантириш ва уларни амалиётга татбиқ этишга муносиб ҳисса қўшган 40 ёшдан ошмаган ёш олимлар ва талабалар ҳамда ташаббускор фуқаролар қабул қилинади.

2. Танлов асосида аъзоликка қабул қилиш босқичини ўтказиш Ўзбекистон Республикасининг Конституцияси, Ўзбекистон Республикасининг қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, бошқа қонун ҳужжатларига, шунингдек, ушбу Низомга мувофиқ амалга оширилади.

 

2-боб. Танлов асосида аъзоликка қабул қилиш босқичининг ўтказиш мақсади ва вазифалари

 

3. Жамоаларни танлов асосида аъзоликка қабул қилиш босқичини ўтказиш уларнинг лойиҳаларини Ёшлар академияси истиқболли йўналишларидан бирига ва аъзолик талабларига мос келишини таъминлаш мақсадида амалга оширилади.

4. Танлов асосида аъзоликка қабул қилиш босқичини ўтказишнинг асосий вазифалари қуйидагилар:

Ёшлар академияси платформаларига аъзо бўлиш истагини билдирган жамоаларни жалб қилиш;

жамоаларнинг аъзолик талабларига мос келишини аниқлаш ҳамда зарур холларда уларга кўмаклашиш;

Ёшлар академияси истиқболли йўналишларига ва аъзолик талабларига мос равишда тегишли платформаларига жамоаларни қабул қилишдан иборат.

 

3-боб. Танлов асосида аъзоликка қабул қилиш босқичининг ўтказишнинг тартиби

5. Ёшлар академияси платформаларига аъзолик учун ҳужжатлар йил давомида қабул қилинади. Танлов асосида аъзоликка қабул қилиш босқичи бир йилда камида тўрт марта ўтказилади.

6. Ушбу танловда илмий даража ёки унвонга эга бўлмаганлар, чет эл фуқаролари ҳамда фуқаролиги бўлмаганлар ҳам иштирок этишлари мумкин.

7. Аъзолик учун ҳужжатлар Инновацион ривожланиш вазирлиги Иқтидорли ёшлар билан ишлаш бошқармаси томонидан қабул қилинади. Ёшлар академиясига аъзо бўлиш истагини билдирганлар Ёшлар академияси расмий веб-сайти www.yoshlarakademiyasi.uz орқали рўйхатдан ўтади.

8. Танлов асосида аъзоликка қабул қилиш босқичи икки турда амалга оширилади:

биринчи тур – аъзолик учун тақдим этилган ҳужжатларнинг босқич талабларига мослиги юзасидан ўтказиладиган техник экспертиза;

иккинчи тур – биринчи турдан муваффақиятли ўтган ҳужжатлар Ёшлар академияси Кенгаши томонидан экспертизадан ўтказиш, Ёшлар академияси Кенгаши мажлисида кўриб чиқиш ва баҳолаш.

9. Техник экспертиза Инновацион ривожланиш вазирлиги Иқтидорли ёшлар билан ишлаш бошқармаси томонидан ҳужжат топширилган кундан ўн кун ичида ўтказилади.

10. Техник экспертизада ҳужжатлар қуйидаги талаблар асосида кўриб чиқилади:

- Ёшлар академияси платформаларига фақат жамоавий тарзда қабул қилинади. Жамоа аъзолари икки кишидан беш кишигача бўлишлари мумкин. Асосланган холларда жамоага қўшимча аъзоларни қабул қилишга йўл қўйилади;

- Жамоанинг ҳар бир аъзоси рўйхатдан ўтаётган пайтида 40 ёшдан ошмаган бўлиши лозим;

- жамоа аъзолари бир вақтнинг ўзида фақатгина битта лойиҳа билан фақатгина бир платформага аъзо бўлиши мумкин;

- Ёшлар академияси аъзолиги учун таклиф этилаётган лойиҳа аниқ бир муаммонинг ечимига қаратилган бўлиши ҳамда ҳаётга татбиқ этиладиган бўлиши керак.

11. Иккинчи турни ўтказиш бўйича Ёшлар академияси Кенгаши таркиби Инновацион ривожланиш вазирининг буйруғи билан тасдиқланади.
            Ёшлар академияси Кенгаши таркибига олимлар, молия ва иқтисодиёт соҳасида юқори салоҳиятли тадбиркорлар, экспертлар, вазирлик ва идоралар вакиллари киритилади.

12. Иккинчи тур техник экспертизадан муваффақиятли ўтган ҳужжатлар сонидан келиб чиқиб ҳар чоракда камида бир марта ўтказилади.

13. Тақдим этилган ҳужжатлар Ёшлар академияси Кенгаши томонидан 100 баллик шкала асосида баҳоланади. Аъзоликка қабул қилиш мезонлари Ёшлар академияси платформаларининг хусусиятларидан келиб чиқиб, ҳар бир платформа бўйича иловага мувофиқ тасдиқлансин.

14. Танлов асосида аъзоликка қабул қилиш босқичи фақат топширилган ҳужжатлар асосида амалга оширилади. Айрим ҳоллардагина лойиҳа муаллифларини иштироки талаб этилиши мумкин.

15. Ёшлар академияси Кенгаши баҳолаш ва очиқ муҳокама натижалари асосида жамоаларни Ёшлар академияси аъзолигига қабул қилиш ёки қилмаслик юзасидан қарор қабул қилади.

16. Ёшлар академияси қарорлари ва хулосалари Ёшлар академияси Кенгаши йиғилиши баёни шаклида расмийлаштирилади ҳамда Ёшлар академияси Кенгаш котиби томонидан имзоланади ва унинг раиси томонидан тасдиқланади.

 

4-боб. Жамоаларни Ёшлар академиясига аъзолик муддати ва ва қайта аъзоликка қабул қилиш

 

17. Ёшлар академиясига аъзолик муддати топширилган лойиҳани амалга ошириш муддатидан келиб чиқиб белгиланади.

18. Ёшлар академиясига аъзоликка қабул қилиш учун топширилган лойиҳани тугатганлиги тўғрисида маълумотнома асосида жамоа таркибидаги аъзолар Ёшлар академиясига қайта аъзо бўлишлари мумкин.

19. Ёшлар академияси кенгаши томонидан Ёшлар академияси платформалари аъзолигига қабул қилинмаган жамоалар кейинги чоракда ўтказиладиган аъзоликка қабул қилиш босқичига қадар ўз лойиҳалари пухта тайёрлаб, қайта топширишлари мумкин.

 

5-боб. Аъзоликка қабул қилиш босқичида иштирок этмай академия фахрий аъзолигига қабул қилиш

 

20. Ёшлар академияси платформаларига Ёшлар академияси Кенгаши томонидан қуйидаги ҳолатларда якка тартибда фахрий аъзоликка қабул қилиниши мумкин:

Ўзбекистон Республикаси давлат мукофотлари соҳиблари;

Маҳаллий ва халқаро фан олимпиадаларида ғолиблари;

Ёшлар академияси Васийлик кенгаши аъзолари ҳамда Инновацион ривожланиш вазирининг тавсиялари билан.

 

6-боб. Якунловчи қоидалар

 

21. Аъзоликка қабул қилиш тартиби ва мезонларига ўзгартириш киритиш қонун ҳужжатларига мувофиқ амалга оширилади.

22. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавобгар бўладилар.

 

 

 

Ўзбекистон Республикаси Инновацион ривожланиш вазирлиги ҳузуридаги Ёшлар академияси платформаларига иқтидорли ва ташаббускор ёшлардан иборат жамоаларни танлов асосида аъзоликка қабул қилиш босқичини ўтказиш тартиби тўғрисида Низомга

ИЛОВА

1-жадвал

“Ғоялар генератори” платформасига аъзолик мезонлари

 

Кўрсаткичлар

Баҳо

1

Таклиф этилаётган ғоя маълум бир муаммони ечимига қаратилганлиги

25

2

Таклиф этилган ғоя истиқболли режага эга бўлиши (лойиҳанинг мақсади аниқ бўлиши, кутилаётган натижалар ва амалга ошириш механизми асосланганлиги)

25

3

Жамоага жалб этилган ҳар бир аъзонинг вазифалари асосланганлиги

25

4

Таклиф этилган ғоянинг “Стартап”га айлантириш ва муддати

25

Жами

 

100

 

2-жадвал

“Стартаплар” платформасига аъзолик мезонлари

 

Кўрсаткичлар

Баҳо

1

Таклиф этилган лойиҳа долзарб, инновацион ва истиқболли ғоя асосида ишлаб чиқилган бўлиши

15

2

Таклиф этилган лойиҳа бўйича ишлаб чиқилган бизнес-режанинг самарадорлик даражаси

20

3

Таклиф этилаётган лойиҳанинг тажриба нусҳаси мавжудлиги

20

4

Қўшимча даромад олиб келиш даражаси

15

5

Таклиф этилаётган лойиҳани Ўзбекистон шароитида техник жиҳатдан амалга оширишнинг имконияти

15

6

Лойиҳанинг ресурс билан таъминланганлиги (моддий-техник база, ходимлар)

15

Жами

 

100

 

 

 

 

 

 

 

 

 

 

 

3-жадвал

“Бизнес вакиллари” платформасига аъзолик мезонлари

 

Кўрсаткичлар

Баҳо

1

Фаолият олиб бораётган бизнес соҳасида тажрибага эга бўлиши

25

2

Бизнес фаолиятида инновацион ишланмалардан ҳамда илм-фан ютуқларидан фойдаланганлиги

25

3

Таклиф этилаётган лойиҳа инвестицион жиҳатдан жозибадорлиги

25

4

Инвестицион рискларнинг паст даражадалиги

25

Жами

 

100

 

 

4-жадвал

“Бўлажак академиклар” платформасига аъзолик мезонлари

 

Кўрсаткичлар

Баҳо

1

Халқаро ёки маҳаллий миқёсида илмий мукофотларга эгалиги

20

2

PhD ёки унга эквивалент бўлган илмий даражага эгалиги

15

3

Илмий ишига маҳаллий ёки хорижий патент мавжудлиги

20

4

Халқаро ва маҳаллий илмий нашрларда мақолаларининг мавжудлиги

15

5

Муайян мавзу ёки муаммони ечимига қаратилган илмий тадқиқот олиб бориши

15

6

Дарслик, ўқув қўлланма ва ижодий ишлари мавжудлиги

15

Жами

 

100

 

Innovatsion rivojlanish vazirining
2020-yil “____”___________dagi
____ -sonli buyrugʻiga ilova

 

Oʻzbekiston Respublikasi Innovatsion rivojlanish vazirligi huzuridagi Yoshlar akademiyasi platformalariga iqtidorli va tashabbuskor yoshlardan iborat jamoalarni tanlov asosida aʼzolikka qabul qilish bosqichini oʻtkazish tartibi toʻgʻrisida
NIZOM

Mazkur nizom Oʻzbekiston Respublikasi Prezidentining “Yoshlarni ilm-fan sohasiga jalb etish va ularning tashabbuslarini qoʻllab-quvvatlash tizimini takomillashtirish chora-tadbirlari toʻgʻrisida” 2019-yil 30-avgustdagi PQ-4433-son qarori ijrosini taʼminlash maqsadida ishlab chiqilgan boʻlib, Innovatsion rivojlanish vazirligi huzuridagi Yoshlar akademiyasining (keyingi oʻrinlarda Yoshlar akademiyasi deyiladi) “Gʻoyalar generatori”, “Startaplar”, “Biznes vakillari” hamda “Boʻlajak akademiklar” platformalariga iqtidorli va tashabbuskor yoshlardan iborat jamoalarni tanlov asosida aʼzolikka qabul qilish bosqichini oʻtkazish tartibini belgilaydi.

1-bob. Umumiy qoidalar

1. Yoshlar akademiyasi platformalariga innovatsion gʻoya va texnologiyalarni rivojlantirish va ularni amaliyotga tatbiq etishga munosib hissa qoʻshgan 40 yoshdan oshmagan yosh olimlar va talabalar hamda tashabbuskor fuqarolar qabul qilinadi.

2. Tanlov asosida aʼzolikka qabul qilish bosqichini oʻtkazish Oʻzbekiston Respublikasining Konstitutsiyasi, Oʻzbekiston Respublikasining qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, boshqa qonun hujjatlariga, shuningdek, ushbu Nizomga muvofiq amalga oshiriladi.

2-bob. Tanlov asosida aʼzolikka qabul qilish bosqichining oʻtkazish maqsadi va vazifalari

3. Jamoalarni tanlov asosida aʼzolikka qabul qilish bosqichini oʻtkazish ularning loyihalarini Yoshlar akademiyasi istiqbolli yoʻnalishlaridan biriga va aʼzolik talablariga mos kelishini taʼminlash maqsadida amalga oshiriladi.

4. Tanlov asosida aʼzolikka qabul qilish bosqichini oʻtkazishning asosiy vazifalari quyidagilar:
Yoshlar akademiyasi platformalariga aʼzo boʻlish istagini bildirgan jamoalarni jalb qilish;
jamoalarning aʼzolik talablariga mos kelishini aniqlash hamda zarur xollarda ularga koʻmaklashish;
Yoshlar akademiyasi istiqbolli yoʻnalishlariga va aʼzolik talablariga mos ravishda tegishli platformalariga jamoalarni qabul qilishdan iborat.

3-bob. Tanlov asosida aʼzolikka qabul qilish bosqichining oʻtkazishning tartibi

5. Yoshlar akademiyasi platformalariga aʼzolik uchun hujjatlar yil davomida qabul qilinadi. Tanlov asosida aʼzolikka qabul qilish bosqichi bir yilda kamida toʻrt marta oʻtkaziladi.

6. Ushbu tanlovda ilmiy daraja yoki unvonga ega boʻlmaganlar, chet el fuqarolari hamda fuqaroligi boʻlmaganlar ham ishtirok etishlari mumkin.

7. Aʼzolik uchun hujjatlar Innovatsion rivojlanish vazirligi Iqtidorli yoshlar bilan ishlash boshqarmasi tomonidan qabul qilinadi. Yoshlar akademiyasiga aʼzo boʻlish istagini bildirganlar Yoshlar akademiyasi rasmiy veb-sayti www.yoshlarakademiyasi.uz orqali roʻyxatdan oʻtadi.

8. Tanlov asosida aʼzolikka qabul qilish bosqichi ikki turda amalga oshiriladi:

birinchi tur – aʼzolik uchun taqdim etilgan hujjatlarning bosqich talablariga mosligi yuzasidan oʻtkaziladigan texnik ekspertiza;

ikkinchi tur – birinchi turdan muvaffaqiyatli oʻtgan hujjatlar Yoshlar akademiyasi Kengashi tomonidan ekspertizadan oʻtkazish, Yoshlar akademiyasi Kengashi majlisida koʻrib chiqish va baholash.

9. Texnik ekspertiza Innovatsion rivojlanish vazirligi Iqtidorli yoshlar bilan ishlash boshqarmasi tomonidan hujjat topshirilgan kundan oʻn kun ichida oʻtkaziladi.

10. Texnik ekspertizada hujjatlar quyidagi talablar asosida koʻrib chiqiladi:

- Yoshlar akademiyasi platformalariga faqat jamoaviy tarzda qabul qilinadi. Jamoa aʼzolari ikki kishidan besh kishigacha boʻlishlari mumkin. Asoslangan xollarda jamoaga qoʻshimcha aʼzolarni qabul qilishga yoʻl qoʻyiladi;

- jamoaning har bir aʼzosi roʻyxatdan oʻtayotgan paytida 40 yoshdan oshmagan boʻlishi lozim;

- jamoa aʼzolari bir vaqtning oʻzida faqatgina bitta loyiha bilan faqatgina bir platformaga aʼzo boʻlishi mumkin;

- Yoshlar akademiyasi aʼzoligi uchun taklif etilayotgan loyiha aniq bir muammoning yechimiga qaratilgan boʻlishi hamda hayotga tatbiq etiladigan boʻlishi kerak.

11. Ikkinchi turni oʻtkazish boʻyicha Yoshlar akademiyasi Kengashi tarkibi Innovatsion rivojlanish vazirining buyrugʻi bilan tasdiqlanadi. 
Yoshlar akademiyasi Kengashi tarkibiga olimlar, moliya va iqtisodiyot sohasida yuqori salohiyatli tadbirkorlar, ekspertlar, vazirlik va idoralar vakillari kiritiladi.

12. Ikkinchi tur texnik ekspertizadan muvaffaqiyatli oʻtgan hujjatlar sonidan kelib chiqib har chorakda kamida bir marta oʻtkaziladi.

13. Taqdim etilgan hujjatlar Yoshlar akademiyasi Kengashi tomonidan 100 ballik shkala asosida baholanadi. Aʼzolikka qabul qilish mezonlari Yoshlar akademiyasi platformalarining xususiyatlaridan kelib chiqib, har bir platforma boʻyicha ilovaga muvofiq tasdiqlansin.

14. Tanlov asosida aʼzolikka qabul qilish bosqichi faqat topshirilgan hujjatlar asosida amalga oshiriladi. Ayrim hollardagina loyiha mualliflarini ishtiroki talab etilishi mumkin.

15. Yoshlar akademiyasi Kengashi baholash va ochiq muhokama natijalari asosida jamoalarni Yoshlar akademiyasi aʼzoligiga qabul qilish yoki qilmaslik yuzasidan qaror qabul qiladi.

16. Yoshlar akademiyasi qarorlari va xulosalari Yoshlar akademiyasi Kengashi yigʻilishi bayoni shaklida rasmiylashtiriladi hamda Yoshlar akademiyasi Kengash kotibi tomonidan imzolanadi va uning raisi tomonidan tasdiqlanadi.

4-bob. Jamoalarni Yoshlar akademiyasiga aʼzolik muddati va va qayta aʼzolikka qabul qilish

17. Yoshlar akademiyasiga aʼzolik muddati topshirilgan loyihani amalga oshirish muddatidan kelib chiqib belgilanadi.

18. Yoshlar akademiyasiga aʼzolikka qabul qilish uchun topshirilgan loyihani tugatganligi toʻgʻrisida maʼlumotnoma asosida jamoa tarkibidagi aʼzolar Yoshlar akademiyasiga qayta aʼzo boʻlishlari mumkin.

19. Yoshlar akademiyasi kengashi tomonidan Yoshlar akademiyasi platformalari aʼzoligiga qabul qilinmagan jamoalar keyingi chorakda oʻtkaziladigan aʼzolikka qabul qilish bosqichiga qadar oʻz loyihalari puxta tayyorlab, qayta topshirishlari mumkin.

5-bob. Aʼzolikka qabul qilish bosqichida ishtirok etmay akademiya faxriy aʼzoligiga qabul qilish

20. Yoshlar akademiyasi platformalariga Yoshlar akademiyasi Kengashi tomonidan quyidagi holatlarda yakka tartibda faxriy aʼzolikka qabul qilinishi mumkin:

Oʻzbekiston Respublikasi davlat mukofotlari sohiblari;

Mahalliy va xalqaro fan olimpiadalarida gʻoliblari;

Yoshlar akademiyasi Vasiylik kengashi aʼzolari hamda Innovatsion rivojlanish vazirining tavsiyalari bilan.

6-bob. Yakunlovchi qoidalar

21. Aʼzolikka qabul qilish tartibi va mezonlariga oʻzgartirish kiritish qonun hujjatlariga muvofiq amalga oshiriladi.

22. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javobgar boʻladilar.

 

 

Oʻzbekiston Respublikasi Innovatsion rivojlanish vazirligi huzuridagi Yoshlar akademiyasi platformalariga iqtidorli va tashabbuskor yoshlardan iborat jamoalarni tanlov asosida aʼzolikka qabul qilish bosqichini oʻtkazish tartibi toʻgʻrisida Nizomga

ILOVA

1-jadval

“Gʻoyalar generatori” platformasiga aʼzolik mezonlari

Koʻrsatkichlar

Baho 

1

Taklif etilayotgan gʻoya maʼlum bir muammoni yechimiga qaratilganligi

25

2

Taklif etilgan gʻoya istiqbolli rejaga ega boʻlishi (loyihaning maqsadi aniq boʻlishi, kutilayotgan natijalar va amalga oshirish mexanizmi asoslanganligi)

25

3

Jamoaga jalb etilgan har bir aʼzoning vazifalari asoslanganligi

25

4

Taklif etilgan gʻoyaning “Startap”ga aylantirish va muddati

25

Jami 

 

100

 

2-jadval

“Startaplar” platformasiga aʼzolik mezonlari

Koʻrsatkichlar

Baho 

1

Taklif etilgan loyiha dolzarb, innovatsion va istiqbolli gʻoya asosida ishlab chiqilgan boʻlishi

15

2

Taklif etilgan loyiha boʻyicha ishlab chiqilgan biznes-rejaning samaradorlik darajasi

20

3

Taklif etilayotgan loyihaning tajriba nusʼhasi mavjudligi

20

4

Qoʻshimcha daromad olib kelish darajasi

15

5

Taklif etilayotgan loyihani Oʻzbekiston sharoitida texnik jihatdan amalga oshirishning imkoniyati

15

6

Loyihaning resurs bilan taʼminlanganligi (moddiy-texnik baza, xodimlar)

15

Jami 

 

100

 

3-jadval

“Biznes vakillari” platformasiga aʼzolik mezonlari

Koʻrsatkichlar

Baho 

1

Faoliyat olib borayotgan biznes sohasida tajribaga ega boʻlishi

25

2

Biznes faoliyatida innovatsion ishlanmalardan hamda ilm-fan yutuqlaridan foydalanganligi

25

3

Taklif etilayotgan loyiha investitsion jihatdan jozibadorligi

25

4

Investitsion risklarning past darajadaligi

25

Jami 

 

100

 

4-jadval

“Boʻlajak akademiklar” platformasiga aʼzolik mezonlari

Koʻrsatkichlar

Baho 

1

Xalqaro yoki mahalliy miqyosida ilmiy mukofotlarga egaligi

20

2

PhD yoki unga ekvivalent boʻlgan ilmiy darajaga egaligi

15

3

Ilmiy ishiga mahalliy yoki xorijiy patent mavjudligi

20

4

Xalqaro va mahalliy ilmiy nashrlarda maqolalarining mavjudligi

15

5

Muayyan mavzu yoki muammoni yechimiga qaratilgan ilmiy tadqiqot olib borishi

15

6

Darslik, oʻquv qoʻllanma va ijodiy ishlari mavjudligi

15

 

Jami 

 

100

 

Умумий таклифлар: 3

199