Давлат тилида матни бўлмаган лойиҳалар портал маъмурияти томонидан лойиҳа муаллифини огоҳлантирмасдан ўчирилади
ID Муаллиф Муҳокамага чиқариш санаси Якунланиш санаси Таклифлар сони
13220 Нукус туман ҳокимияти 31/01/2020 15/02/2020 0

Муҳокама якунланди

Ҳоким қарори
Нөкис районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында
ID-13220
Нөкис районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында Өзбекстан Республикасы Министрлер Кабинетиниң 2003-жыл 31-январдағы 54-санлы қарары менен тастыйықланған «Транспорт қуралларын мәжбүрий техникалық көриктен өткериў тәртиби ҳаққында»ғы Реже («Ўзбекистон Республикаси Ҳукумати қарорлар тўплами» 2003 йил, 1-2 сон, 17-модда)сине ҳәм Өзбекстан Республикасы «Жергиликли мәмлекетлик ҳәкимияты ҳаққында»ғы Нызамының 6-статьясына тийкарланып, район аймағындағы барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў мақсетинде Ш Е Ш И М Е Т Е М Е Н : 1. Транспорт қуралларын мәжбүрий техникалық көриктен өткериў бойынша районлық комиссия қурамы 1-қосымшаға, райондағы кәрхана, шөлкем ҳәм мәкемелердиң транспорт қуралларын мәжбүрий техникалық көриктен өткериў кестеси 2-қосымшаға муўапық тастыйықлансын. 2. Районлық ишки ислер бөлиминиң жол ҳәрекети қәўипсизлиги бөлимшеси Б.Жумамуратов, транспорт қуралларын мәжбүрий техникалық көриктен сапалы өткериў ушын зәрүр шәрт ҳәм үскенелерге ийе болған техникалық хызметин көрсетиўши станцияларды анықлаў ҳәм олар менен шәртнама дүзиў ўазыйпасы тапсырылсын. 3. «Транспорт қуралларын мәжбүрий техникалық көриктен өткериў тәртиби ҳаққында»ғы Режениң 1-бөлим 5-бәнтиниң «а» киши бәнтине тийкар, транспорт қуралларының техникалық көриги: биринши мәрте 2020-жылдың 1-март 30-июнь аралығында; екинши мәрте 2020-жылдың 1-сентябрь 31-октябрь аралығында; юридикалық тәреплерге қараслы болған транспорт қуралларының техникалық көриги 2020-жылдың 1-март 30-июнь аралығында; физикалық тәреплерге тийисли болған транспорт қуралларының техникалық көриги 2020-жыл 1-январь 31-август аралығында өткерилетуғынлығы мағлыўмат ушын қабыл етилсин. 4. Райондағы барлық кәрхана, шөлкем, мәкеме ҳәм жәмийетлердиң баслықлары, есабындағы транспорт қуралларын мәжбүрий техникалық көриктен сапалы өткериўге таярлаў иләжларын көрсин. 5. Райондағы барлық кәрхана, шөлкем, мәкеме ҳәм жәмийетлер меншигинде транспорт қураллары болған пуқаралар өз транспорт қуралларын белгиленген мүддетлерде мәжбүрий техникалық көриктен өткериўге, техникалық жақтан сазлығын ҳәм оларды жарамлы түринде алып келиўин тәмийинлесин. 6. «Ақмаңғыт таңы» газетасы бас редакторы А.Хожаназаровқа транспорт қуралларын мәжбүрий техникалық көриктен өткериў басланғанлығын ҳәм өткериў барысын газета бетлеринде жәриялап барыў усыныс етилсин. 7. Район ҳәкиминиң 2019-жыл 16-февраль күнги «Нөкис районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында»ғы 500/2-санлы («Ақмаңғыт таңы» газетасы 2019-жыл 21-февраль 5(4483)-саны) шешими өз күшин жойытқан деп есаплансын. 8. Усы шешимниң орынланыўын қадағалаў район ҳәкиминиң орынбасары Х.Утегеновқа ҳәм районлық ишки ислер бөлим баслығы С.Казбековқа жүкленсин. 9. Бул шешим районлық «Ақмаңғыт таңы» газетасында рәсмий жәрияланған күннен баслап күшке киреди ҳәм ҳәкимликтиң веб-сайтында жәриялансын. Нөкис районы ҳәкими А.Сейтахов
Нөкис районы ҳәкиминиң 2020-жыл «__» _______ күнги ____-санлы шешимине 2-қосымша Райондағы кәрхана, шөлкем ҳәм мәкемелердиң транспорт қуралларын мәжбүрий техникалық көриктен өткериў кестеси № Кәрхана, шөлкем ҳәм мәкемелердиң атлары Техникалық көриктен өткериў ўақты Техникалық көрик өткерилетуғын орын 1 Район ҳәкимлиги 04.03.2020-ж 2 Район Бәнтликке көмеклесиў орайы 05.03. 2020-ж 3 «Кердер» бәсекелес машина трактор парки ЖШЖ 12.03. 2020-ж 4 «Шортанбай-Уста» машина трактор парки ЖШЖ 15.03. 2020-ж 5 «Аллабай»-бәсекелес машина трактор парки ЖШЖ 19.03. 2020-ж 6 «Ақманғыт» бәсекелес машина трактор парки ЖШЖ 25.03. 2020-ж 7 «Дарсан» бәсекелес машина трактор парки ЖШЖ 27.03. 2020-ж 8 «Қутанкөл» бәсекелес машина трактор парки ЖШЖ 02.04. 2020-ж 9 «Уллы мәкан Нөкис» бәсекелес машина трактор парки ЖШЖ 04.04. 2020-ж 10 «Қатты-ағар» бәсекелес машина трактор парки ЖШЖ 08.04. 2020-ж 11 Жер ресурслары мәмлекетлик кадастры районлық бөлими 08.04.2020-ж 12 Районлық байланыс бөлими 15.04.2020-ж 13 Ақманғыт суў тармақлары 15.04. 2020-ж 14 «Қароқалпоқагрохимехимоя» АЖ Нөкис районы филиалы 18.04. 2020-ж 15 Районлық қаржы бөлими 24.04. 2020-ж 16 Районлық мәденият бөлими 25.04. 2020-ж 17 Районлық қурылыс бөлими 30.04. 2020-ж 18 Нөкис районы ветеринария бөлими 02.05. 2020-ж 19 Ақманғыт агротехсервис ЖШЖ 06.05. 2020-ж 20 Районлық медицина бирлеспеси 10.05. 2020-ж 21 Районлық мәмлекетлик санитариялық эпидемиологиялық тынышлық орайы 13.05. 2020-ж 22 Нөкис мәмлектлик тоғай хожалығы 16.05. 2020-ж 23 Қарақалпақстан Республикасы Ден саўлықты сақлаў министрлигиниң 1-санлы арнаўлы медициналық қоймаханасы 20.05. 2020-ж 24 Республикалық Қарақалпақ Лепрозориясы 23.05. 2020-ж 25 Районлық Абаданластырыў басқармасы 26.05.2020-ж 26 Районлық Мәмлекетлик салық инспекциясы 27.05. 2020-ж 27 Дән ҳәм собықлы егинлерди илимий изертлеў институты Қарақалпақстан илимий тәжирийбе станциясы 30.05. 2020-ж 28 Қарақалпақстан Республикасы майыпларды емлеў орайы 03.06. 2020-ж 29 Фермер хожалықлары 2020-жыл 04-июнь сәнесинен 27-июнь сәнесине шекем 30 Районлық газ кәрханасы 06.06.2020-ж 31 Район фермер, дийқан ҳәм қыйтақ жер ийелери кеңеси 10.06. 2020-ж 32 Кердер санаат транспорт кәсип-өнер колледжи 11.06. 2020-ж 33 Қутанкөл агроэкономика кәсип-өнер колледжи 13.06. 2020-ж 34 Районлық Аўыл хожалығы бөлими 17.06. 2020-ж 35 Жер дүзиў ҳәм көшпес мүлк кадастры Нөкис районы филиалы 18.06. 2020-ж 36 Районлық Халық билимлендириў бөлими 20.06. 2020-ж 37 Районлық Суў хожалығы бөлими 22.06. 2020-ж 38 АКБ Халық банк Ақманғыт филиалы 24.06. 2020-ж 39 АКБ Агробанк Ақманғыт филиалы 25.06. 2020-ж 40 «Тоза Худуд» МУК район филиалы 27.06. 2020-ж 41 Нөкис районы жоллардан пайдаланыў унитар кәрханасы 29.06. 2020-ж 42 Жеке меншик автомототранспорт қураллары 01.01.2020-ж 31.08.2020-ж Нөкис районы ҳәкиминиң 2020-жыл «__» _______ күнги ____ санлы шешимине 1-қосымша Транспорт қуралларын мәжбүрий техникалық көриктен өткериў бойынша районлық комиссия қурамы 1 Б.Жумамуратов Район ИИБ жол ҳәрекети қәўипсизлиги бөлим баслығы, комиссия баслығы 2 С. Нуратдинов Район ҳәкимлигиниң қәнигеси, комиссия ағзасы 3 Н.Сейтназаров Пуқаралардың өзин өзи басқарыў органларының хызметин муўапықластырыў кеңеси баслығының биринши орынбасары, комиссия ағзасы 4 А.Арзиев Нөкис районы жоллардан пайдаланыў унитар кәрханасы баслығы, комиссия ағзасы 5 О.Аманбаев Республикалық суў қорларын қорғаў бойынша мәмлекетлик инспекциясының Нөкис районы бойынша жетекши қәнигеси, комиссия ағзасы 6 А.Хожаназаров «Ақманғыт таңы» газетасы редакторы, комиссия ағзасы 7 М.Аметов Өзбекстан Республикасы Жаслар Аўқамы Нөкис районлық кеңеси баслығы, комиссия ағзасы

Умумий таклифлар: 0

311