Давлат тилида матни бўлмаган лойиҳалар портал маъмурияти томонидан лойиҳа муаллифини огоҳлантирмасдан ўчирилади
ID Муаллиф Муҳокамага чиқариш санаси Якунланиш санаси Таклифлар сони
13004 Хўжайли туман ҳокимияти 28/01/2020 12/02/2020 0

Муҳокама якунланди

Ҳоким қарори
Хожели районы аймагында барлык хожалык жургизиуши субектлерге хам пукараларга тийисли болган автотранспорт куралларын хам тиркемелерин мажбурий техникалык корикте откериу хаккында
ID-13004
ЖОЙБАР Хожели районы аймағындағы барлық хожалық жүритиўши субьектлерге ҳәм пуқараларға тийисли болған автотранспорт қуралларын ҳәм тиркемелерин мәжбүрий техникалық көриктен өткериў ҳаққында Өзбекстан Республикасы Министрлер Кабинетиниң 2003-жыл 31-январьдағы 54-санлы Қарары менен тастыйықланған, «Транспорт қуралларын мәжбүрий техникалық кɵриктен ɵткериў тәртиби ҳаққында»ғы Нызамы ҳәм Қарақалпақстан Республикасы Министрлер Кеңесиниң 2019-жыл 25-январь күнги 04-08/13-01/03-санлы мәжилис баяннамасы, Өзбекстан Республикасы «Жергиликли мəмлекетлик ҳәкимият ҳаққында»ғы Нызамның (Өзбекстан Республикасы Олий Мәжлисиниң Хабарнамасы, 1993-жыл, 9-сан, 320-статья) 6,25-статьяларына тийкарланып ШЕШИМ ЕТЕМЕН: 1. Транспорт қуралларын мәжбүрий техникалық кɵриктен ɵткериў бойынша районлық комиссия қурамы 1-қосымшаға муўапық тастыйықлансын. 2. Район аймағындағы мекеме, кәрхана, шɵлкемлердиң транспорт қуралларын мәмлекетлик мәжбүрий техникалық кɵриктен ɵткериў кестеси 2-қосымшаға муўапық тастыйықлансын. 3. Хожели районы Ишки ислер бɵлиминиң Жол ҳәрекети қәўипсизлиги бɵлимшеси баслығы (А.Аўезов), транспорт қуралларын мәжбүрий техникалық кɵриктен ɵткериў ушын мүлкшилик түрине қарамастан, Хожели районындағы зәрүр шәраят ҳәм үскенелерге ийе болған техника хызметин кɵрсетиўши станцияларды анықлаў ҳам олар менен шәртнама дүзиўди шɵлкемлестириў ўазыйпасы тапсырылсын. 4. Транспорт қуралларын мәжбүрий техникалық кɵриктен ɵткериў тәртиби ҳақкындағы Режениң 1-бɵлими 5-бәнтиниң “а”киши бәнтиндеги транспорт қуралларының техникалық кɵриги: Биринши мәрте 2019-жылдың 1-март 30-июнь аралығында; Екинши мәрте усы жылдың 1-январь 31-августь аралығында; Юридикалық тәреплерге қараслы болған транспорт қуралларының техникалық кɵриги 2019-жылдың 1-март сәнесинен усы жылдың 30-июнь аралығында; Физикалық тәреплерге тийисли болған транспорт қуралларының техникалық кɵриги усы жылдың 1-январь сәнесинен 31-августь аралығында ɵткерилетуғынлығы белгиленсин. 5. Райондағы барлық мекеме,кәрхана, шɵлкем ҳәм жамийетлердиң басшылары қараўындағы транспорт қуралларын мәжбүрий техникалық кɵриктен сапалы ɵткериўге таярлаў иләжларын кɵрсин. 6. Хожели районы аймағындағы барлық мекеме, кәрхана, шɵлкем, жәмийетлер ҳәм меншигинде транспорт қуралларына ийе пуқаралар, ɵз транспорт қуралларын белгиленген мүддетлерде мәжбүрий техникалық кɵриктен ɵткериўге алып келиўин, техникалық тәрептен сазлығын ҳәм оларды жарамлы аўҳалда алып келиўин тәминлесин. 7. Бул шешим районлық «Хожели ҳақыйқаты» газетасында рәсмий жәриялансын ҳәм район ҳәкимлигиниң рәсмий веб сайтына жайластырылсын. 8. Усы шешимниң орынланыўын өз қадағалаўымда қалдыраман. 9. Шешим рәсмий жәрияланған күннен баслап күшке киреди. 10. Хожели районы ҳәкиминиң 2019-жыл 23-февраль күнги 2291/02санлы қарары ɵз күшин жоғалтқан деп есаплансын. 11.Усы карардың орынланыўын қадағалаў район ҳәкиминиң орынбасары Ж.Ешимбетов ҳәм районлық ишки ислер бɵлими баслығы К.Исмайловқа жүкленсин Хожели районы ҳәкими Ж.М.Ермашев

Умумий таклифлар: 0

328