ID Муаллиф Муҳокамага чиқариш санаси Якунланиш санаси Таклифлар сони
10035 Министерство здравоохранения Республики Узбекистан 09/11/2019 29/11/2019 0

Муҳокама якунланди

Ўзбекистон Республикаси Вазирлар Маҳкамасининг Қарори
Қорақалпоқ тиббиёт институтини ташкил этиш тўғрисида
ID-10035

Тиббиёт соҳасидаги юқори малакали тиббиёт кадрларини халқаро талаблар ва стандартлар даражасида тайёрлашни янада такомиллаштириш, таълим жараёнини ташкил қилишнинг замонавий талабларига мос келадиган ўқув ва моддий-техника базасини мустаҳкамлаш ва ривожлантириш, илғор ахборот-коммуникация ва таълим технологияларини жорий этиш, бўлғуси юқори малакали тиббиёт мутахассисларнинг назарий тайёргарлигини улар ўрганаётган амалий кўникмалар билан чамбарчас боғлаган ҳолда олиб борилишини таъминлаш мақсадида:

1. Ўзбекистон Республикаси Соғлиқни сақлаш вазирлиги, Олий ва ўрта махсус таълим вазирлиги, Иқтисодиёт ва саноат вазирлиги, Молия вазирлиги ва Қорақолпоғистон Республикаси Жўқорғи Кенгесининг Тошкент педиатрия тиббиёт институтининг Нукус филиали негизида Қорақалпоқ тиббиёт институтини ташкил этиш тўғрисидаги таклифлари қабул қилинсин.

2. Қуйидагилар Қорақалпоқ тиббиёт институти фаолиятининг асосий йўналишлари этиб белгилансин:

замонавий талабларга мос келадиган ва ҳозирги замон тиббиётининг илғор технологияларини эгаллаган юқори малакали тиббиёт кадрлари ва илмий мутахассисларини тайёрлаш;

республиканинг олий тиббиёт таълими тизимида тиббиёт соҳаси бўйича ўқув жараёнини ташкил этишда замонавий таълим технологиялари асосида ахборот ва мультимедия ускуналаридан фойдаланган ҳолда илғор хорижий тажрибани жорий этиш;

олий таълимнинг инвестициявий жозибадорлигини ошириш, хорижий таълим ва илм-фан технологияларини жалб этиш;

касалликларини эрта аниқлаш ва даволашда тиббиёт соҳаларидаги илғор ютуқлардан фойдаланган ҳолда фундаментал, инновацион, илмий-амалий тадқиқотлар ва ишланмаларни амалга ошириш;

аҳолига тиббиёт соҳасида юқори малакали даволаш-профилактика ёрдамини кўрсатган ҳолда касалликлар диагностикаси, профилактикаси ва уларни даволашнинг илғор инновацион усулларини тадбиқ этиш;

таълим, фан, инновация ва илмий-тадқиқотлар натижаларини тижоратлаштириш фаолиятининг узвий боғлиқлигини таъминлаш;

талаба-ёшлар таълим-тарбияси учун қўшимча шароитлар яратишга қаратилган комплекс чора-тадбирларни ўз ичига олган бешта ташаббусни амалиётга тадбиқ этиш.

3. Қуйидагилар:

Қорақалпоқ тиббиёт институтининг ташкилий тузилмаси 1-иловага;

Қорақалпоқ тиббиёт институти фаолиятини янада такомиллаштириш чора-тадбирлари 2-иловага мувофиқ тасдиқлансин.

Институт ректорига Ўзбекистон Республикаси Соғлиқни сақлаш вазирлиги билан келишилган ҳолда институтнинг ташкилий тузилмасига бошқарув ходимларининг белгиланган сони доирасида, зарурат бўлганда, ўзгартиришлар киритиш ҳуқуқи берилсин.

4. Белгилансинки, 2019 йилда Тошкент педиатрия тиббиёт институти Нукус филиалига хужжат топширган ва тест синовларидан муваффақиятли ўтган абитуриентлар Ўзбекистон Республикаси Президентининг «2019/2020 ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида» 2019 йил
17 июндаги ПҚ-4359-сонли қарори билан тасдиқланган қабул квоталарига мувофиқ Қорақалпоқ тиббиёт институтининг тегишли йўналишлари ва мутахассисликларига қабул қилинадилар.

5. Ўзбекистон Республикаси Соғлиқни сақлаш вазирлиги, тегишли вазирлик ва идоралар билан биргаликда уч ой муддатда:

Қорақалпоқ тиббиёт институтини ташкил этиш ва давлат рўйхатидан ўтказиш бўйича чора-тадбирлар комплексини амалга оширсин, устав ҳужжатларини ишлаб чиқиш ва тасдиқлаш, шунингдек институтнинг тўлақонли фаолият юритишни таъминлаш борасидаги бошқа ташкилий масалаларни ҳал этсин;

Қорақалпоқ тиббиёт институти рахбар ва профессор-ўқитувчилар таркибини тиббиёт соҳасида амалий иш тажрибасига эга, ўқитиш ва илмий-амалий тадқиқотлар ўтказишнинг замонавий усулларини фаол қўллайдиган юқори малакали ташаббускор кадрлар билан таъминласин;

илғор хорижий тажрибани ҳисобга олиб, замонавий таълим технологиялари, энг янги ахборот ва ўқув-лаборатория асбоб-ускуналарини жорий этиш ва улардан кенг фойдаланиш асосида ўқув режалари ва дастурларини янгилаган ҳолда, 2020/2021 ўқув йилидан кредит модул тизими асосида ўқув жараёнини ташкил қилсин;

хорижий машҳур мутахассис ва олимларни институтда ишлашга ва дарс беришга жалб қилиш, стажировкаларни ташкил этиш ва мутахассисларни тайёрлаш, биргаликда ўқув ва тадқиқот дастурларини амалга ошириш бўйича чора-тадбирлар комплексини ишлаб чиқсин ва жорий этсин.

Қорақалпоқ тиббиёт институтини Нукус шаҳри, А.Досназаров кўчаси, 104 ва 108-уйларда жойлашишини таъминласин;

2021 йилдан институтнинг 300 ўринли ётоқхона қурилишини бошлаш учун молиялаш манбалари, жумладан грантлар, имтиёзли хорижий кредитлар ва бошқа бюджетдан ташқари маблағларни белгилаган ҳолда жорий йилнинг охиригача зарур лойиҳа ҳужжатларини ишлаб чиқишни назарда тутсин.

6. Қорақалпоқ тиббиёт институти моддий-техник базасини мустаҳкамлаш мақсадида Вазирлар Маҳкамаси тасдиқлайдиган рўйхат бўйича олиб кириладиган тиббий асбоб-ускуналар, ўқув-лаборатория жиҳозлари, компьютер техникаси, бошқа махсус асбоб-ускуна ва инвентарлар учун 2021 йилнинг 1 январигача бож тўловлари (божхона ҳужжатларини расмийлаштириш учун йиғиладиган йиғимлар бундан мустасно) тўлашдан озод қилинсин.

7. Ўзбекистон Республикаси Молия вазирлиги ва Иқтисодиёт ва саноат вазирлиги 2019 йилда ва кейинги йилларда Ўзбекистон Республикасининг давлат бюджети параметрларида Қорақалпоқ тиббиёт институти қурилиш ишларини олиб бориш, моддий-техник таъминлаш, шунингдек хорижий тилларда адабиётлар сотиб олиш, журнал ва бошқа вақтли нашрлар, жумладан ахборот-таълим ресурсларига обуна бўлишга мақсадли маблағлар, жумладан зарур капитал қўйилмалар лимитлари ажратилишини кўзда тутсин.

8. Мазкур қарорнинг ижросини назорат қилиш Ўзбекистон Республикаси Президенти маслаҳатчиси А.А. Абдувахидов ва Ўзбекистон Республикаси Бош вазирининг ўринбосари А.А.Абдухакимов зиммаларига юклансин.

                                                          Ўзбекистон Республикаси Президентининг  
                                                          2019 йил "_____" _____________даги  
                                                          ______-сонли Қарорига 1-Илова    
                                                                                 
    Қорақалпоқ тиббиёт институтининг таркибий тузилмаси                   
                                                                                 
    Институт  Кенгаши       Ректор                 Васийлик кенгаши                
                                         
                                                                                 
                                                                                 
Ўқув ишлари проректори - биринчи проректор   Илмий ишлар ва инновациялар бўйича проректор   Даволаш ишлари бўйича проректор     Ёшлар билан ишлаш бўйича проректор   Халқаро ҳамкорлик бўйича проректор   Ишлар бошқармаси бошлиғи
           
                                                                                 
                                                                                 
Ўқув услубий бўлим           Илмий тадқиқот ва илмий педагогик кадрлар тайёрлаш сектори       Халкаро клиника         Талабалар турар жойи         Халқаро алоқалар бўлими       Режа-молия бўлими
                                     
                                                                                 
Ахборот технологиялари маркази           Илмий-инновацион ишланмаларни тижоратлаштириш бўлинмаси       Даволаш иши бўлими         Маънавият ва маърифат бўлими         Халқаро факультет       Бухгалтерия
                                     
                                                                                 
Ўқитишнинг техник воситалари бўлими           Илмий текшириш лабораториялари        Клиник ординатура бўлими         Мураббийлар кенгаши         Хорижий инвестицияларни жалб қилиш бўлими       Фуқаро муҳофазаси ва мехнатни муҳофаза қилиш бўлими
                                     
                                                               
Ўқув симуляцион (аккредитацион) маркази           Иқтидорли талабаларнинг илмий тадқиқот ишларини ташкил этиш бўлинмаси       Фан ва таълим музейи         Маданият саройи                                
                                                Техник фойдаланиш ва хўжалик бўлими
                                                                 
Маркетинг бўлими ва карьера маркази                         Таълим сифатини назорат қилиш бўлими         Спорт мажмуаси                        
          Университет 3.0 - учинчи миссия бўлими                                              
                                                                   
Магистратура бўлими                                                                            
          Виварий       Ички назорат ва мониторинг бўлими     Ходимлар бўлими                              
                                                       
Ахборот ресурс маркази                                                                            
          Ихтисослаштирилган Илимий кенгаш       Ҳуқуқшунос - маслаҳатчи     1-2 бўлимлар                              
                                                       
Морг                                                                            
          Илимий журнал таҳририяти        Девонхона ва архив     Матбуот котиби                              
                                                       
                                                                         
                                                                                 
                              Факультетлар                              
                                                                                 
                                                                                 
    Даволаш ва Стоматология факультети   Педиатрия ва олий ҳамширалик иши факультети          Тиббий профилактика ва Фармация факультети      Врачлар малакасини ошириш факультети  
                   
                                                                                 
    Кафедралар-7   Кафедралар-5         Кафедралар-5     Кафедралар  
                   
                                                                                 
Олий таълим муассасаси ректори Соғлиқни сақлаш вазири билан келишган ҳолда институт таркибий тузилмасига қўшимча ва ўзгартиришлар киритиш ҳуқуқига эга

Ўзбекистон Республикаси Президентининг

2019 йил “_____”_____________даги

ПҚ-______ сонли қарорига

2-ИЛОВА

 

Қорақалпоқ тиббиёт институти фаолиятини янада такомиллаштириш чора-тадбирлари

 

Чора-тадбир номи

Амалга ошириш механизми

Молиявий манбаи

Амалга ошириш муддати

Молиявий харажат суммаси

Масъуллар

I. Институт ва кўп тармоқли клиника фаолиятини ташкил этиш, хуқуқий меъёрий базасини яратиш, таълим сифатини ва ўқув аудиториялар фондини ошириш учун шароит яратиш

1

Қорақалпоқ тиббиёт институти (ҚҚТИ) фаолиятини ташкиллаштириш ва ўқув аудиториялар фондини ошириш

 

 

ҚҚТИнинг устави, таркибий тузилма, штатни ишлаб чиқиш.

300 ўринли талабалар турар жойи, 500 ўринли тест маркази ва маъмурий-ўқув биноси, виварий, анатомик морг, жумладан 16 та ўринли хорижий профессорлар учун меҳмонхона қуриш.

Давлат инвестиция дастури

2021-2022 йиллар

55 млрд сум

Соғлиқни сақлаш вазирлиги, ҚҚР Жўқорғи Кенгеси

2

ҚҚТИ кўп тармоқли клиникаси бўлимларини асбоб ускуна, мебеллар  ва анжомлар билан жиҳозлаш

Санкт-Петербург педиатрия давлат тиббиёт университети ва Корё университети билан ҳамкорликда ҚҚТИ Халқаро инновацион технологиялар клиникасини жиҳозлаш.

 

Ҳорижий молия ташкилотлари (JICA) кредит маблағлари, бюджетдан ташқари маблағлар ҳисобидан

2020-2021 ўқув йилидан бошлаб, режа асосида

7 млн АҚШ доллари (JICA),

2 млн. АҚШ доллари

Соғлиқни сақлаш вазирлиги, Молия вазирлиги

II. Талабаларни ўқитиш сифатини ошириш, қўшма таълим дастурларини амалга ошириш

3

“Тиббиёт келажаги”  дастурини самарали ташкил қилиш

Тиббиёт келажаги  дастурида таълим олаётган талабаларга амалий ва назарий машғулотлар ўтиш учун  хорижий профессор-ўқитувчиларни таклиф қилиш

Бюджетдан ташқари маблағлар ҳисобидан

2019-2020 ўқув йилидан бошлаб доимий

300 млн сум

Соғлиқни сақлаш вазирлиги, ҚҚТИ, Ташқи ишлар вазирлиги, Олий ва ўрта махсус таълим вазирлиги, Инновацион ривожланиш вазирлиги

4

Хорижий ҳамкор Олий таълим муассасалари билан биргаликда қўшма таълим дастурларини амалга ошириш

ҚҚТИ ва Корё университети билан Даволаш иши, Педиатрия иши, Стоматология иши бўйича қўшма таълим дастурини амалга ошириш

Бюджетдан ташқари маблағлар ҳисобидан

2020-2021 ўқув йилидан бошлаб

50 млн сум

Соғлиқни сақлаш вазирлиги, ҚҚТИ, Олий ва ўрта махсус таълим вазирлиги

5

Ўқитишни дунёда тан олинган  кредит- модул тизимига ўтишини таъминлаш

Хорижий таълим муассасалари тажрибасини ўрганиш, кредит модул тизимини жорий қилиш бўйича тартиб ва низомни босқичма-босқич жорий қилиш

Бюджетдан ташқари маблағлар ҳисобидан

2020 -2021 ўқув йилидан бошлаб

50 млн сум

Соғлиқни сақлаш вазирлиги, ҚҚТИ, Олий ва ўрта махсус таълим вазирлиги

6

Талабаларни амалий кўникмаларини ўзлаштириш учун шароитлар яратиш

ҚҚТИда реал ҳолатни акс эттирадиган замований робот симуляторлар билан жиҳозланган Симуляцион марказ ва Одам анатомияси, кимё, биофизика ва информатика кафедраларида ўқув лабораторияларини ташкил қилиш.

Бюджетдан ташқари маблағлари

 

Ҳорижий молия ташкилотлари маблағлари

2020-2021 ўқув йил давомида

500 млн сум

 

10 млрд сум

 

2 млрд сум

 

Соғлиқни сақлаш вазирлиги, ҚҚТИ,

Инвестиция ва ташқи савдо вазирлиги

III. Инновацион ва технологик ғояларни ҳар томонлама ривожлантириш, олимлар ва талабаларни инновацион технологияларни яратиш борасидаги ташаббускорлигини ошириш

7

Соғлиқни сақлаш тизимидаги муаммоларни ҳал этиш учун фундаментал, амалий, инновацион илмий лойиҳалари, илмий тадқиқот ишлари натижаларини амалиётга жорий қилиш.

Ёш олимлар ва талабаларни илмий тадқиқот ишларига кенг жалб қилиш, старт-ап лойиҳаларида иштирокини  таъминлаш.

Бюджетдан ташқари маблағлар

доимий

50 млн сум

Соғлиқни сақлаш вазирлиги, ҚҚТИ,

Инновацион ривожланиш вазирлиги

8

Ёшларни илмий ишларга жалб қилиш, илмий тадқиқот ва инновацион фаолиятни кадрлар билан таъминлаш тизимини шакллантириш ва амалга ошириш

ҚҚТИда PhD ва DSc бўйича ихтисослаштирилган кенгаш ташкил этиш. Илмий салоҳиятни 2025 йилгача 65% гача ошириш. Кафедраларда илмий салоҳиятни кўтариш режасини тузиш ва амалга ошириш.

Бюджетдан ташқари маблағлар

2020-2021 ўқув йилида

200 млн сум

Соғлиқни сақлаш вазирлиги, ҚҚТИ, Олий ва ўрта махсус таълим вазирлиги, Инновацион ривожланиш вазирлиги

9

Илмий тадқиқот ва инновацион фаолиятнинг натижадорлигини ошириш, профессор-ўқитувчиларни нашрий фаоллигини ошириш

Times Higher Education  ва QS рейтинг агентликлари билан ҳамкорлик ўрнатиш.

ҚҚТИни дунёнинг 1000 та энг яхши университетлар руйхатига киритиш бўйича чора-тадбирларни амалга ошириш.

Бюджетдан ташқари маблағлар

доимий

200 млн сум

Соғлиқни сақлаш вазирлиги, ҚҚТИ, Олий ва ўрта махсус таълим вазирлиги, Инновацион ривожланиш вазирлиги

10

ҚҚТИ талабаларини илмий фаолиятга йўналтириш ва уларда инновацион фикрлашни шакллантириш.

Янги ғоя ва ташаббусларни шакллантириш мақсадида институтда “Ёш экспертлар гуруҳи”ни ташкил этиш.

Замонавий ахборот-ресурс марказини ва E-Minbar тизимида ишловчи он-лайн маъруза залларини ташкил этиш.

Бюджетдан ташқари маблағлар ҳисобидан

2019 йил

декабр

50 млн сум

ҚҚР Жўқорғи Кенгеси,

 Соғлиқни сақлаш вазирлиги, ҚҚТИ, Олий ва ўрта махсус таълим вазирлиги, Инновацион ривожланиш вазирлиги

IV. Хорижий ҳамкорликни янада кенгайтириш, профессор-ўқитувчиларни мобиллигини ошириш

11

Фан ва таълим музейини ташкил этиш

Нукус шаҳри Досназарова кўчаси 104-уй манзилдаги тарихий аҳамиятга эга Педагогика университети биносини реставрация қилиш.

Бюджетдан ташқари маблағлар ҳисобидан

2020-2022 йиллар

3 млрд. сум

ҚҚР Жўқорғи Кенгеси

Соғлиқни сақлаш вазирлиги, ҚҚТИ

 

12

ҚҚТИ веб сайти фаолиятини такомиллаштириш

Барча янгиликларни ҚҚТИ веб сайти орқали талабалар ва педагоглар эътиборига доимий етказиб бориш.

Бюджетдан ташқари маблағлар ҳисобидан

доимий

30 млн сум

Соғлиқни сақлаш вазирлиги, ҚҚТИ Олий ва ўрта махсус таълим вазирлиги, Ахборот технологиялари ва коммуникацияларини ривожлантириш вазирлиги

13

Хорижий талабаларни жалб этиш, кенг оммага ҚҚТИ фаолияти тўғрисида маълумот берадиган видеороликлар яратиш

ҚҚТИ етакчи кафедралари фаолияти тўғрисида видеороликлар яратиш, етакчи профессор-ўқитувчиларнинг маърузаларини видеотасмага ёзиб олиш, талабаларни доимий шуғулланишлари учун ўқув адабиётларини электрон шаклларини яратиш ва талабалар эътиборига тақдим этиш.

Бюджетдан ташқари маблағлар ҳисобидан

2019 йил декабр

100 млн сум

Соғлиқни сақлаш вазирлиги, ҚҚТИ, Ташқи ишлар вазирлиги, Олий ва ўрта махсус таълим вазирлиги

14

Ўқув жараёнига хорижий профессор-ўқитувчилар, олимлар ва мутахассисларни жалб қилиш

Ҳамкор чет эл олий таълим муассасалари профессор-ўқитувчилари билан мулоқот ўрнатиш ва уларни таклиф қилиш.

Бюджетдан ташқари маблағлар ҳисобидан

доимий

100 млн сум

Соғлиқни сақлаш вазирлиги, ҚҚТИ, Ташқи ишлар вазирлиги, Олий ва ўрта махсус таълим вазирлиги, ҚҚР Жўқорғи Кенгеси

15

Кафедра профессор-ўқитувчиларини хорижий ОТМларда стажировка ва малака оширишларини самарали ташкил қилиш

Кафедра ходимларини малка ошириш ва стажировка режасини тузиш, уни амалга ошириш

Эл-юрт умиди фонди, бюджетдан ташқари маблағлар ва Erasmus+ гранти маблағлари

доимий

80 млн сум

 

 

50.000 Euro

Соғлиқни сақлаш вазирлиги, ҚҚТИ, “Эл-юрт умиди” жамғармаси, Ташқи ишлар вазирлиги, ҚҚР Жўқорғи Кенгеси

16

Хорижий профессор-ўқитувчилар, олимлар ва мутахассисларининг илмий раҳбарлиги, илмий маслаҳатчилиги, қўшма дарслик ёзиш бўйича ҳамкорликни йўлга қўйиш

Хар бир мутахассислик йўналишлари бўйича хорижий ОТМ мутахассислари билан мулоқотга чиқиш, ўқув қўлланма ва дарсликлар тайёрлаш бўйича режа тузиш, уни амалга ошириш

Бюджетдан ташқари маблағлар ҳисобидан

Erasmus Mobility Project

доимий

100 млн сум

 

50 минг Евро

Соғлиқни сақлаш вазирлиги, ҚҚТИ, Ташқи ишлар вазирлиги, Олий ва ўрта махсус таълим вазирлиги

17

Тиббиёт ходимлари малакасини ошириш халқаро марказини ташкил этиш

Санкт-Петербург педиатрия тиббиёт университети ва Корё университетлари билан хамкорликда халқаро тиббиёт ходимлари малакасини ошириш марказини ташкил этиш.

“Атроф-муҳит ва тиббиёт” илмий журнали фаолиятини йўлга қўйиш.

Давлат инвестиция дастури Бюджетдан ташқари маблағлар хисобидан

2020-2022 йиллар

150 млн сум

Соғлиқни сақлаш вазирлиги, Ташқи ишлар вазирлиги, Олий ва ўрта махсус таълим вазирлиги

V.  Ёшларни бўш вақтларидан унумли фойдаланиш, 5 ташаббусни амалга ошириш, маънавий муҳитни яхшилаш

18

Ёшларнинг мусиқа, рассомлик, адабиёт, театр ва санъатнинг бошқа турларига қизиқишларини оширишга, истеъдодини юзага чиқариш

ҚҚТИда талаба-ёшлардан иборат “Наво-шифо” бадиий ҳаваскорлик ансамбли, тўгараклари фаолият юритаётган тўгаракларни ривожлантириш.

“Талабалар театр студияси”, “Қувноқлар ва зукколар”, “Тафаккур синовлари”, “Заковат” клублари фаолиятида талабалар қамровини кенгайтириб бориш.

Бюджетдан ташқари маблағлар хисобидан

2019 йил

декабрь

30 млн сум хар йили

Соғлиқни сақлаш вазирлиги, ҚҚТИ, Ўзбекистон Ёшлар Иттифоқи, Олий ва ўрта махсус таълим вазирлиги

19

Ёшларни жисмоний чиниқтириш, уларнинг спорт соҳасидаги қобилиятини намоён қилишга йўналтириш

Ёшлар спорт мажмуасини ташкил этиш орқали “Институт ректори кубоги, “Ёшлар иттифоқи кубоги”,  мусобоқаларини ташкил қилиш орқали соғлом турмуш тарзини шакллантириш.

Бюджетдан ташқари маблағлар хисобидан

2019 йил

декабрь

2 млрд сум

 

50 млн сум хар йили

Соғлиқни сақлаш вазирлиги, ҚҚТИ, Жисмоний тарбия ва спорт вазирлиги, Олий ва ўрта махсус таълим вазирлиги, ҚҚР Жўқорғи Кенгеси

20

Ёшларни интернетдаги зарарли информациялардан асраш, уларни ахборот технологияларидан унумли, мақсадли ва мазмунли фойдаланишга ўргатиш

Талабаларга ахборот хавфсизлиги бўйича ҳужжатли фильмлар, видеороликлар намойиш этишни йўлга қўйиш.

Халқаро маълумотлар базаси: EBSCOhost компанияси ресурслари, Elsevier Scopus/ ScienceDirect компанияси ресурслари, ГЕОТАР-MEDIA, wiley.com, Taylor & Francis, Cambridge University Press, PubMed, Springer, Nature.com, Cochrane library манбалардан фойдаланишни яхшилаш.

Маблағ талаб этилмайди

2019 йил

декабрь

-

Соғлиқни сақлаш вазирлиги, ҚҚТИ, Олий ва ўрта махсус таълим вазирлиги, Инновацион ривожланиш вазирлиги

21

Ёшлар маънавиятини юксалтириш, улар ўртасида китобхонликни кенг тарғиб қилиш бўйича тизимли ишларни ташкил этишга йўналтириш

ҚҚТИ маданият саройини ташкил этиш орқали китобхонликни кенг тарғиб қилиш мақсадида факультетлар ва академия миқёсида талабалар ўртасида “Энг зукко китобхон”, “Мен севган роман”, “Китобхон талаба” кўрик танловлари ўтказиш.

Бюджетдан ташқари маблағлар хисобидан

2019 йил

декабрь

2 млрд сум

 

Соғлиқни сақлаш вазирлиги, ҚҚТИ, Олий ва ўрта махсус таълим вазирлиги, ҚҚР Жўқорғи Кенгеси

               

 

Қарорда режалаштирилган маблағлар: Бюджет маблағлари – 55 млрд. сум,

 

Бюджетдан ташқари маблағлар – 15,2 млрд сум,

 

Халқаро молия институтлари (JICA, ERASMUS+) малағлари – 100 минг евро ва 7 млн. АҚШ доллари

Умумий таклифлар

352