ID Разработчик Дата размещения Дата завершения Кол-во предложений
9807 Хокимият Чимбайского района 04/11/2019 19/11/2019 0

Обсуждение завершено

Решение хокима
Район аймағында жол ҳәрекети қәўипсизлигин тәмийинлеў ҳаққында
ID-9807

ЖОЙБАР

ШЫМБАЙ РАЙОНЫ ҲӘКИМИНИҢ ШЕШИМИ

Район аймағында жол ҳәрекети қәўипсизлигин

тәмийинлеў ҳаққында

Қарақалпақстан Республикасы Ишки ислер министрлиги Жол ҳәрекети қәўипсизлиги басқармасының 2019-жыл 26-сентябрьдеги 11/6-2971-санлы усыныс хатын, район ҳәкимлиги жанындағы жол ҳәрекети қәўипсизлигин тәмийинлеў мәселелери бойынша комиссияның 2019-жыл 24-октябрьдеги

03-08/5-10/306-санлы баянламасын қарап шығып, Өзбекстан Республикасы “Автомобиль жоллары ҳаққында”ғы ҳәм “Жол ҳәрекети қәўипсизлиги туўрысында”ғы нызамлары ҳәмде Өзбекстан Республикасы Министрлер Кабинетиниң 2011-жыл 26-декабрьдеги “Өзбекстан Республикасы аймағында автомобиль жолларында қәўипсизликти тәмийинлеў ҳәм шөлкемлестириў

ис-иләжлары туўрысында”ғы 342-санлы қарарының орынланыўын тәмийинлеў мақсетинде

ШЕШИМ ЕТЕМЕН:

1. Қарақалпақстан Республикасы Ишки ислер министрлиги Жол ҳәрекети қәўипсизлиги басқармасының 2019-жыл 26-сентябрьдеги 11/6-2971-санлы усыныс хаты мақуллансын.

2. Шымбай районы Жоллардан пайдаланыў унитар кәрханасы (Ш.Бекбергенов)на:

- район аймағындағы 4Р-176 «Нөкис-Шымбай-Тахтакөпир» асфальт жолының 53-км.де жайласқан 24-санлы улыўма билим бериў мектебине жолды кесип өтиўде оқыўшылардың қәўипсизлигин тәмийинлеў мақсетинде усы жолдың пиядалар өтиў орнына 250 метр қалғанда жолдың еки бойына тезликти шеклеўши 3.24 (70км/с) ҳәм 150 метр қалғанда 3.24 (50км/с) жол белгилерин 7.2.1 «Тәсир аралығы» (500метр) қосымша белгилери менен бирге орнатыў;

- жолдың 53-56-км.де орнатылған «Үлкен қаңлы» 5.22 «Елатлы пунктиң басланыўы» ҳәмде 5.23 «Елатлы пунктиң ақыры» жол белгилерин халықтың тығыз жайласқан 54,5-56 километрлер аралығына қайта орнатыў;

- 4Р-176 «Нөкис-Шымбай-Тахтакөпир» асфальт жолының 77 км.де «Кеңес» АПЖ аймағында жайласқан 1-санлы қәнийгелестирилген мектебине жолды кесип өтиўде оқыўшылардың қәўипсизлигин тәмийинлеў мақсетинде усы жолдың пиядалар өтиў орнына 250 метр қалғанда жолдың еки бойына тезликти шеклеўши 3.24 (50км/с) жол белгилерин 7.2.1 «Тәсир аралығы» (500 метр) қосымша белгилери менен бирге орнатыў тапсырылсын.

3. Бул шешим район ҳәкимлигиниң веб-сайтында ҳәмде «Шымбай ҳаўазы» газетасында рәсмий жәриялансын.

4. Усы шешимниң орынланыўын қадағалаўды район ҳәкиминиң орынбасары Б.Жуманиязовқа жүкленсин.

5. Бул шешим рәсмий түрде жәрияланған күннен баслап күшке киреди

Шымбай районы ҳәкими П.Ещанов

Общие предложения

128