Қарақалпақстан Республикасы Ишки ислер министрлиги Жол ҳәрекети қәўипсизлиги басқармасының 2019-жыл 23-мартдағы 11/6-920-санлы «Нөкис қаласы И.Каримов гүзарының О.Сулайманов-М.Жуманазаров көшеси (Дом продуктов дүкан алды), М.Жуманазаров көшесиниң Е.Алакөз-Шеразиева көшеси (Нукус Мега гипермаркет алды) ҳәм Қарақалпақстан көшесиниң И.Каримов гүзары-А.Татибаев көшеси аралықларында (Асака банк ҳәм Ўзтелеком алды) «Тоқтап турыў қадаған», «Тәсир аралығы» ҳәм қосымша мағлыўмат белгилерин орнатыў ҳаққында»ғы усынысын қарап шығып, Өзбекстан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15 апрел, 15-сон,197-модда)ның 7-статьясына, «Жергиликли мәмлекетлик ҳәкимият ҳаққында»ғы Нызамының 25-статьясына муўапық, Нөкис қаласы И.Каримов гүзарының О.Сулайманов-М.Жуманазаров көшеси (Дом продуктов дүкан алды), М.Жуманазаров көшесиниң Е.Алакөз-Шеразиева көшеси (Нукус Мега гипермаркет алды) ҳәм Қарақалпақстан көшесиниң И.Каримов гүзары-А.Татибаев көшеси аралықларында (Асака банк ҳәм Ўзтелеком алды) транспорт қуралларының дизилисип топланып қалыўының алдын алыў, транспорт қуралларының үзликсиз ҳәрекетлениўин тәмийинлеў мақсетинде,   

Ш Е Ш И М  Е Т Е М Е Н :

1. Нөкис қаласы И.Каримов гүзарының О.Сулайманов-М.Жуманазаров көшеси (Дом продуктов дүкан алды), М.Жуманазаров көшесиниң Е.Алакөз-Шеразиева көшеси (Нукус Мега гипермаркет алды) ҳәм Қарақалпақстан көшесиниң И.Каримов гүзары-А.Татибаев көшеси аралықларында (Асака банк ҳәм Ўзтелеком алды) транспорт қуралларының дизилисип топланып қалыўының алдын алыў, транспорт қуралларының үзликсиз ҳәрекетлениўин тәмийинлеў мақсетинде Өзбекстан Республикасы Министрлер Кабинетиниң 2000-жыл 11-декабрьдеги          472-санлы қарары менен тастыйықланған «Жол ҳәрекети қәделери»ниң қадаған етиўши жол белгиси топарына кириўши транспорт қуралларының 3.28. «Тоқтап турыў қадаған», 7.2.2 «Тәсир аралығы» ҳәм қосымша мағлыўмат белгилери менен  бирге 7.2.4. «Тәсир аралығы» жол белгилери орнатылсын.

2. Нөкис қалалық ишки ислер органларының жумысларын муўапықластырыў басқармасы Жол ҳәрекети қәўипсизлиги бөлимине (Б.Юсупов) жоқарыдағы жол белгилерин белгиленген тәртипте орнатыў тапсырылсын.
3. Усы шешимниң орынланыўын қадағалаў Нөкис қаласы ҳәкиминиң санаатты раўажландырыў, капитал қурылыс, коммуникациялар, ҳәм коммунал хожалығы мәселелери бойынша орынбасары М.Ерназаровқа жүкленсин.
4. Бул шешим қалалық «Нөкис ҳақыйқаты» газетасында рәсмий жариялансын ҳәм ҳәкимлик рәсмий веб-сайтында жайластырылсын.
5. Бул шешим рәсмий жарияланған күннен баслап күшке киреди.

Ҳәким ў.ў.а:                                                                             П.Турешев