ID Разработчик Дата размещения Дата завершения Кол-во предложений
4733 Министерство здравоохранения Республики Узбекистан 16/07/2019 31/07/2019 12

Обсуждение завершено

Постановление Кабинета Министров Республика Узбекистан
Маҳсулотларни сертификатлаштириш тартиби тўғрисидаги Низомга ўзгартириш ва қўшимчалар киритиш ҳақида
ID-4733

 

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ

ҚАРОРИ

 

 

 Маҳсулотларни сертификатлаштириш тартиби тўғрисидаги Низомга ўзгартириш ва қўшимчалар киритиш ҳақида

Ўзбекистон   Республикаси   Президентининг   2018   йил  12  декабрдаги

ПҚ-4059-сон “Техник жиҳатдан тартибга солиш, стандартлаштириш, сертификатлаштириш ва метрология тизимларини янада ривожлантириш чора-тадбирлари тўғрисида”ги қарори ижросини таъминлаш мақсадида Вазирлар Маҳкамаси қарор қилади:

1. Вазирлар Маҳкамасининг 2004 йил 6 июлдаги 318-сон қарори (Ўзбекистон  Республикаси  ҚТ,  2004  й.,  7-сон,  63-модда) билан тасдиқланган

Маҳсулотларни сертификатлаштириш тартиби тўғрисидаги Низомга иловага мувофиқ ўзгартириш ва қўшимчалар киритилсин.

2. Ўзбекистон Республикаси Соғлиқни сақлаш вазирлиги манфаатдор вазирликлар ва идоралар билан биргаликда ўзлари қабул қилган идоравий норматив-ҳуқуқий ҳужжатларни бир ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Соғлиқни сақлаш вазири А.Қ.Шадманов зиммасига юклансин.

 

 

 

 

Ўзбекистон Республикасининг

Бош вазири                                                                                А. Арипов

Вазирлар Маҳкамасининг

20__ йил “____” ________даги
________-сон қарорига

ИЛОВА

 

Маҳсулотларни сертификатлаштириш тартиби тўғрисидаги Низомга киритилаётган ўзгартириш ва қўшимчалар

 

  1. 16-банднинг биринчи хатбошиси қуйидаги таҳрирда баён этилсин:

“16. Республика ҳудудига олиб кирилаётган озиқ-овқат маҳсулотларнинг яроқлилик муддати умумий яроқлилик муддатининг
80 фоизидан кам бўлган тақдирда ҳамда маҳсулотларга тегишли
ҳужжатлар тўплами тўлиқ тақдим этилмаслиги, шунингдек ўтказилган лаборатория таҳлилларининг салбий натижалари санитария-эпидемиологик хулоса беришни рад этиш учун асос ҳисобланади. Бу ҳақида давлат санитария-эпидемиология назорати маркази қонун ҳужжатларининг аниқ нормаларини кўрсатган ҳолда ариза берувчига ёзма шаклда маълум қилади.”

2. Қуйидаги мазмундаги 161 - 163-бандлар билан тўлдирилсин:

“161. Ўзбекистон Республикаси ҳудудида ишлаб чиқарилган ёки четдан олиб келинаётган маҳсулотларни экспертизадан ўтказишда, ўтказилган лаборатория таҳлиллари натижасига кўра, уларни истеъмол қилишга ҳамда фойдаланишга яроқсиз деб топилган тақдирда, санитария врачи томонидан икки нусхада далолатнома тузилади. Бунда маҳсулотни ишлаб чиқарувчи ёки уни олиб келувчи тўғрисидаги маълумотлар, маҳсулот қаердан келтирилганлиги, номи ва тури, оғирлиги, миқдори, тўплами, ишлаб чиқарилган санаси, яроқлилик муддати (қадоқланган маҳсулотларнинг идишлари ва бошқалар) ҳамда ушбу маҳсулотлар норматив-ҳуқуқий ҳужжатларга номувофиқлиги кўрсатилади.

162. Тузилган далолатнома ва ҳужжатлар тўплами бош врачга тақдим қилинади. Бош врачнинг кўрсатмаси билан истеъмолга яроқсиз деб топилган маҳсулотни ишлаб чиқариш ёки ундан фойдаланиш ёхуд республикага импорт қилишни тақиқлаш тўғрисида қарор тайёрланади.

Қуйидаги ҳолларда маҳсулотларнинг республика ҳудудига киритилиши тақиқланади:

озиқ-овқат маҳсулотларнинг яроқлилик муддати умумий яроқлилик муддатининг 80 фоизидан кам бўлганда;

озиқ-овқат маҳсулотлари халқаро аккредитациядан ўтган лаборатория комплекслари томонидан сертификатланган бўлмаса;

ўта хавфли юқумли касалликларни келтириб чиқарувчи микроорганизмлар билан зарарланганлиги аниқланганда;

радиоактив кўрсаткичлари белгиланган меъёрлар даражасидан юқорилиги аниқланганда;

маҳсулот таркибида Гени модификацияланган организмлар белгиланган меъёрлар даражасидан юқори бўлганда;

паразитологик лаборатория таҳлилларига асосан, касаллик қўзғатувчилари ёки уларнинг тухумлари аниқланганда;

товарлар истеъмолга ёки фойдаланишга яроқсизлиги яққол намоён бўлганда.

Қарор уч нусхада тайёрланади, бир нусхаси тузилган далолатнома билан бирга бир иш кунида аризачига, иккинчи нусҳаси маҳсулот йўқ қилинадиган жойнинг раҳбарига берилади, учинчи нусхаси Давлат санитария-эпидемиология назорати марказида қолади.

163. Қарорда истеъмолга яроқсиз маҳсулотни қайта ишлаш, чорва молларига ем сифатида фойдаланиш, зараркунанда ва ҳашаротларга қарши хўрак сифатида ишлатиш ёки йўқ қилиш усули кўрсатилади.

Истеъмолга яроқсиз деб топилган маҳсулот йўқ қилингани, қайта ишлашда фойдаланилгани, ветеринария хизматининг рухсатига асосан чорва молларига ем сифатида фойдаланилгани, зараркунанда ва ҳашаротларга қарши хўрак сифатида ишлатиш учун топширилгани ёки республика ҳудудидан олиб чиқиб кетилганидан сўнг, маҳсулотни ишлаб чиқарувчи ёки четдан олиб келинган маҳсулотнинг эгаси (четдан олиб келган юридик ёки жисмоний шахс) томонидан 10 кун муддат ичида қарорнинг ижроси бўйича амалга оширилган ишлар ҳақидаги ҳужжатларнинг бир нусхаси қарор қабул қилган Давлат санитария-эпидемиология назорати маркази бош врачига тақдим этилади.

Истеъмолга яроқсиз деб топилган маҳсулотни қайта ишлаш ёки йўқ қилиш усуллари ва шартлари унинг эгаси томонидан Ўзбекистон  Республикаси Соғлиқни сақлаш вазирлиги, Экология ва атроф-муҳитни муҳофаза қилиш давлат қўмитаси, Давлат ветеринария қўмитаси, Ўсимликлар карантини давлат инспекцияси органлари билан келишиб олинади.

Истеъмолга яроқсиз деб топилган маҳсулотни ҳайвонларга ем сифатида ишлатилганига ёки йўқ қилиб ташланганига қадар алоҳида жойда (резервуарда), алоҳида  ҳисобда, тўплами, ишлатиш (қайта ишлаш) ёки йўқ қилиш усуллари ва шартлари аниқ кўрсатилган ҳолда сақланиши керак. Бундай маҳсулотнинг бут сақланиши учун унинг эгаси жавобгар бўлади.

Истеъмолга яроқсиз деб топилган маҳсулотни экспертиза қилиш, йўқ қилиш усуллари ва шартларини белгилаш, қайта ишлаш, сақлаш, ташиш ва йўқ қилиш билан боғлиқ харажатлар унинг эгаси ҳисобидан амалга оширилади.

  1. 25-банднинг биринчи хатбошиси қуйидаги таҳрирда баён этилсин:

25. Республика ҳудудига олиб кирилаётган озиқ-овқат маҳсулотларнинг яроқлилик муддати умумий яроқлилик муддатининг 80 фоизидан кам бўлган тақдирда, дори препаратларининг яроқлилик муддати умумий яроқлилик муддатининг 30 фоизидан кам бўлган тақдирда (бунда божхона чегарасини кесиб ўтган сана инобатга олинади ва Соғлиқни сақлаш вазирлиги рухсати билан истисно қилиниши мумкин) ҳамда лаборатория синовларининг салбий натижалари, шунингдек ҳужжатларнинг тўлиқ бўлмаган комплектини тақдим этиш мувофиқлик сертификати беришни рад этиш учун асос ҳисобланади, бу тўғрида сертификатлаштириш органи ариза берувчига аниқ қонунчилик нормаларини кўрсатган ҳолда ёзма равишда хабар қилади.

Общие предложения

586