ID Разработчик Дата размещения Дата завершения Кол-во предложений
458 Хокимият Муйнакского района 13/09/2018 28/09/2018 1

Обсуждение завершено

Решение хокима
Социаллық қорғаўға мүтәж ҳәм жумыс табыўда қыйналып атырған пуқаралар ҳәмде мийнет базарында тең шәраятларда гүресе алмайтуғын пуқараларды жумысқа жайластырыў ушын жумыс орынларының ең кем санын белгилеў ҳәм заҳираға қойыў ҳаққында
ID-458

МОЙНАҚ РАЙОНЫ ҲӘКИМИ ШЕШИМИ

 

 

«___»_________2018-жыл                   №_____                                Мойнақ районы  

                                              

Социаллық қорғаўға мүтәж ҳәм жумыс табыўда қыйналып атырған пуқаралар ҳәмде мийнет базарында тең шәраятларда гүресе алмайтуғын пуқараларды жумысқа жайластырыў ушын жумыс орынларының ең кем санын белгилеў ҳәм заҳираға қойыў ҳаққында

 

Өзбекистан Республикасының “Халықты жумыс пенен тәмийинлеў ҳаққында”ғы Нызамы (Ўзбекистон Республикаси Олий Мажлиси Ахборотномаси, 1998 йил 5-6 сон, 97-модда) ның 17-статьясы, “Нәгиранларды социаллық қорғаў ҳаққында”ғы Нызамы (Ўзбекистон Республикаси Қонун ҳужжатлари тўплами, 2008 йил 29-30-сон, 277-модда)ның 25-статьясы, Өзбекистан Республикасы Министрлер Кабинетиниң 2017-жыл 5-декабрдеги 965-санлы «Социаллық қорғаўға мүтәж ҳәм жумыс табыўда қыйналып атырған пуқаралар ҳәмде мийнет базарында тең шәраятларда гүресе алмайтуғын пуқараларды жумысқа жайластырыў ушын жумыс орынларының ең кем санын белгилеў ҳәм заҳираға қойыў тәртибин жәнеде раўажландырыў ис-иләжлары ҳаққында»ғы қарарына тийкар социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын районда
2019-жылда жумыс орынларын бәнт етип қойыў мақсетинде, Мойнақ районы ҳәкими шешим етеди:

1. Өзбекистан Республикасының “Халықты жумыс пенен тәмийнлеў ҳаққында”ғы Нызамның 17-статьясына тийкар социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын райондағы кәрханалар, шөлкемлер ҳәм мәкемелер ушын жумысшылардың дизим бойынша орташа санынан 34 адамды қурайтуғын 10 пайыз муғдарында, сол есаптан:

а) 14 жасқа шекемги ҳәм майып балалары болған жалғыз ҳәм көп балалы ата-аналар ушын 8 пайыз - 13 адам,

б) Орта ҳәм орта-арнаўлы оқыў орынларын питкерген жаслар, сондай-ақ, жоқары оқыў орынларын мәмлекетлик грантлары бойынша билим алған питкериўшилер жаслар ушын 7 пайыз - 13 адам;

в) Сапарбарлық шақырыў резерви хызметин өтеген ҳәм Уз.Рес. Қураллы күшлер қатарынан келген жаслар ушын 7 пайыз - 3 адам;

г) Пенсия жасына шамаласқан пуқаралар ҳәм майыплар ушын 10 пайыз - 3 адам;

д) Өз жазасын өтеп келген пуқаралар ҳәм суд қарарына асас мәжбүрлеў шаралары қолланыўдан азат етилген пуқаралар ушын 7 пайыз - 2 адам муғдарында жумыс орынлары белгиленсин.

2. Социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын жумыс орынларын 2019-жыл ушын бәнт етип қойыў лазым болған кәрханалар дизими 1-қосымшаға, социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын жумыс орынларын 2019-жыл ушын бәнт етип қойыў бойынша арнаўлы исши топар 2-қосымшаға муўапық тастыйықлансын.

3. Кәрхана ҳәм мәкемелер басшыларына социаллық қорғаўға мүтәж ҳәм жумыс табыўда қыйналып атырған шахсларды жумыс пенен тәмийинлеў ушын 2018-жыл жуўмақланыўынан 10 күн алдын квота жумыс орынлары улыўма муғдарының кеминде 25 пайызы ушын, 2019 жылдың 10 апрель күнинен кешикпей жумыс орынларының қалған бөлеги 75 пайызын қураў (ажыратыў яки бәнт етип қойыў) ҳақкындағы, яғный ҳәр бир квота тайпасы бойынша жумыс орынлары бәнт етип қойылатуғын кәсиплер ҳәм лаўазымлар, қәнийгеликлер кесиминдеги мағлыўматларды ҳәм шешим бойынша шығарылған буйрық нусқаларын районлық Бәнтликке көмеклесиў орайына усыныў ўазыйпалары жүклетилсин.

4. Кәрхана ҳәм мәкемелер басшылары социаллық қорғаўға мүтәж ҳәм жумыс табыўда қыйналып атырған шахслар ушын жумыс орынларының көрсетип өтилген муғдарын Өзбекистан Республикасы Министрлер Кабинетиниң 2017-жыл 5-декабрьдеги 965-санлы «Социаллық қорғаўға мүтәж ҳәм жумыс табыўда қыйналып атырған пуқаралар ҳәмде мийнет базарында тең шараятларда гүресе алмайтуғын пуқараларды жумысқа жайластырыў ушын жумыс орынларының ең кем санын белгилеў ҳәм заҳираға қойыў тәртибин жәнеде раўажландырыў ис-иләжлары ҳаққында»ғы қарарына муўапық белгиленген мүддетлерде ҳәм тәртипте жаратылыўын (ажыратылыўын яки бәнт етип қойылыўын) ҳәмде жумыс орынлары санитария-гигиена нормаларына ҳәм жумысшы өз миннетлерин тосқынлықсыз орынлаўын тәмийинлейтуғын мийнет шәраятларына муўапық болыўын тәмийинлесин.

5. Усы шешим талаплары орынланбаған жағдайда мәкемениң лаўазымлы шахсларына «Социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын жумыс орынларын бәнт етип қойыў тәртиби ҳаққындағы Реже»ниң 15-бәнтине муўапық жәрийма салынады.

6. Өзбекистан Республикасы Министрлер Кабинетиниң 2017-жыл 5-декабрьдеги 965-санлы «Социаллық қорғаўға мүтәж ҳәм жумыс табыўда қыйналып атырған пукаралар ҳәмде мийнет базарында тең шараятларда гүресе алмайтуғын пуқараларды жумысқа жайластырыў ушын жумыс орынларының ең кем санын белгилеў хам заҳираға қойыў тәртибин жәнеде раўажландырыў ис-иләжлары ҳаққында»ғы қарарына тийкар социаллық қорғаўға мүтәж ҳәм жумыс табыўда қыйналып атырған шахслар ушын бәнт етип қойылатуғын жумыс орынларын район ҳәкими тәрепинен белгиленген муғдардан артықша шөлкемлестирген мәкемелер усы жумыс орынларын шөлкемлестириўге сарпланған қаржылардың бир бөлегин районлық Бәнтликке көмеклесиў орайы менен дүзилген шәртнама тийкарында Бәнтликке көмеклесиў қоры қаржылары есабынан қаплаў ҳуқықына ийе екенлиги есапқа алынсын.

7. Район ҳәкиминиң орынбасарларына (А.Қурбаниязов, Б.Меңлибеков) ҳәм район Бәнтликке көмеклесиў орайына (Ж.Абдимуратов) биргеликте усы шешимниң тийисли кәрхана ҳәм мәкеме басшыларына жеткерилиўин ҳәмде оның орынланыўы үстинен қатаң қадағалаўды тәмийинлеў тапсырылсын.

8. Мойнақ районы ҳәкиминиң 2017-жыл 25-ноябрдеги «Социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын жумыс орынларын 2018-жыл ушын бәнт етип қойыў ҳаққында»ғы  11/1370-санлы шешими өз күшин жоғалтқан деп есаплансын.

10. Усы шешимниң орынланыўын қадағалаў район ҳәкиминиң экономика ҳәм исбилерменлик мәселелери бойынша биринши орынбасары А.Курбаниязовқа жүклетилсин.

11. Бул шешим районлық «Арал балықшысы» газетасында рәсмий түрде жәрияланған күннен баслап күшке киреди.

 

Мойнақ районы ҳакими:-                             С. Данияров

Общие предложения

887