ID Разработчик Дата размещения Дата завершения Кол-во предложений
449 Хокимият Нукусского района 12/09/2018 27/09/2018 0

Обсуждение завершено

Решение хокима
Cоциаллық қорғаўға мүтәж, жумыс табыўда қыйналып атырған ҳәм мийнет базарында тең шәртлерде бәсекелесе алмайтуғын шахсларды жумысқа орналастырыў ушын жумыс орынларының ең кем санын белгилеў ҳаққында
ID-449

 “Халықты жумыс пенен тәмийинлеў ҳаққында”ғы Өзбекстан Республикасы Нызамының 17-статьясына тийкарланып, Нөкис районы ҳәкимлиги социаллық қорғаўға мүтәж, жумыс табыўда қыйналып атырған ҳәм мийнет базарында тең шәртлерде бәсекелесе алмайтуғын шахслар ушын жумыс орынларының ең кем санын белгилеў мақсетинде

                            Ш Е Ш И М     Е Т Е М Е Н:

 

1. Районда социаллық қорғаўға мүтәж, жумыс табыўда қыйналып атырған ҳәм мийнет базарында тең шәртлерде бәсекилесе алмайтуғын шахсларды жумысқа орналастырыў ушын жумыс орынларының ең кем санын белгилейди, райондағы кәрхана, мәкеме, шөлкемлер ушын хызметкерлердиң дизимдеги орташа санының 9 пайызы муғдарында, бул 76 адамды қурайды, соннан:

          14 жасқа толмаған балалары ҳәм нәгиран балалары бар жалғыз ҳәмде көп балалы ата-аналар ушын 31,6 пайыз - 24 адам,

          улыўма орта ҳәм орта арнаўлы, кәсип-өнер билимлендириў мәкемелерин питкериўши жаслар, сондай-ақ, жоқары оқыў орынларының мәмлекетлик грантлары бойынша билим алған питкериўшилери ушын 43,4 пайыз - 33 адам,

          мобилизациялық шақырыўы резервинде хызметти өтеп келген          ҳәм Өзбекстан Республикасы Қураллы Күшлери қатарынан мүддетли әскерий хызметтен босатылған шахслар ушын 6,6 пайыз - 5 адам,

          майыплар ушын 3,9 пайыз- 3 адам,

           пенсия жасына жақынласып қалған шахслар ушын 6,6 пайыз - 5 адам,

          жазаны орынлаў мәкемелеринен азат етилген, яки судтың қарарына тийкар медициналық характердеги мәжбүрий шаралар қолланылыўынан азат етилген шахслар ушын 3,9 пайыз - 3 адам,

         адам саўдасынан жәбирленгенлер ушын 3,9 пайыз - 3 адам.

2. 2019-жылда социаллық қорғаўға мүтәж, жумыс табыўда кыйналып атырған шахсларды жумысқа орналастырыў ушын жумыс орынларының ең кем санын белгилеў ҳәм бәнт етип қойыў лазым болған кәрханалар дизими             1-қосымшаға муўапық, 2019-жыл ушын белгилениўи тийис болған жумыс орынларына қойылатуғын талапларды анықлаў ушын дүзилген арнаўлы комиссия қурамы 2-қосымшаға муўапық, 2019-жылда социаллық қорғаўға мүтәж, жумыс табыўда кыйналып атырған шахсларды жумысқа орналастырыў ушын жумыс орынлары бойынша резервке қойылатуғын кәсиплер ҳәм лаўазымлар дизими 3-қосымшаға муўапық тастыйықлансын.

3. Шахслардың көрсетип өтилген тайпалары ушын жумыс орынлары, санитариялық-гигиеналық нормаларға ҳәм хызметкер өз мийнет мәжбүриятларын тосықсыз орынланыўын тәмийинлейтуғын мийнет етиў шәраятларына муўапық болыўы тәмийинленсин.

4. Шөлкемлер баслықлары Өзбекстан Республикасы Министрлер Кабинетиниң қарары менен тастыйықланған Социалллық қорғаў мүтәж, жумыс табыўда қыйналып атырған ҳәм мийнет базарында тең шәртлерде бәсекелесе алмайтуғын шахсларды жумысқа жайластырыў ушын жумыс орынларының ең кем санын белгилеў ҳәмде резервке қойыў тәртиби ҳаққындағы режеге муўапық усы шешимниң 1-қосымшасында көрсетилген жумыс орынларын шөлкемлестириўди тәмийинлесин.

5. Мүтәжлер ушын жумыс орынларының ең кем санын белгилеў бойынша усы шешим орынланбағанда, сондай-ақ, оларды жумысқа қабыл етиў тийкарсыз рәўиште бас тартылғанлығы ушын шөлкемлердиң лаўазымлы шахсларына нызам ҳүжжетлеринде белгиленген тәртипте ҳәкимшилик жуўапкершилик белгиленеди.

6. Бәнтликке көмеклесиў орайы бес күн мүддетте усы шешимниң 1-қосымшасы менен тастыйықланған шөлкемлер баслықларының итибарына жеткизсин ҳәм усы шешим орынланыўы үстинен қадағалаўды тәмийинлесин.

7. Нөкис районы ҳәкиминиң 2018-жыл 15-январь күнги “Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2018-жыл ушын бәнт етип қойыў ҳаққында”ғы 45/1-санлы шешими (“Ақманғыт таңы” 2018-жыл 23-январь              2 (4444)-сан) 2018-жыл 31-декабрьден өз күшин жойытқан деп есаплансын.

         8. Бул шешим районлық «Ақманғыт таңы» газетасында рәсмий жәрияланған күннен баслап күшке киреди ҳәм ҳәкимлик веб сайтында жәриялансын.                

Нөкис районы   ҳәкими:                                           А. Сейтахов

Нөкис районы ҳәкиминиң 2018-жыл

______________ күнги ______- санлы

шешимине 1-қосымша

 

2019-жылда социаллық қорғаўға мүтәж, жумыс табыўда кыйналып атырған шахсларды жумысқа орналастырыў ушын жумыс орынларының ең кем санын белгилеў ҳәм бәнт етип қойыў лазым болған кәрханалар дизими

 

Социаллық қорғаўға мүтәж, жумыс табыўда кыйналып атырған шахсларды жумысқа орналастырыў ушын жумыс орынларының ең кем санын белгилеў ҳәм бәнт етип қойыў лазым болған кәрханалар дизими

 

 

Олардан ислеўшилер саны

Бәнт етилген жумыс орынлар саны

Соннан

14 жасқа толмаған балалары ҳәм нәгиран балалары бар жалғыз ҳәмде көп балалы ата-аналар ушын

Улыўма орта ҳәм орта арнаўлы, кәсип-өнер билимлендириў мәкемелерин питкериўши жаслар, сондай-ақ, жоқары оқыў орынларының мәмлекетлик грантлары бойынша билим алған питкериўшилери ушын

Мобилизациялық шақырыўы резервинде хызметти өтеп келген ҳәм Өзбекстан Республикасы Қураллы Күшлери қатарынан мүддетли әскерий хызметтен босатылған шахслар ушын

Майыплар ушын

Пенсия жасына жасына жақынласып қалған шахслар ушын

Жазаны орынлаў мәкемелеринен азат етилген, яки судтың қарарына тийкар медициналық характердеги мәжбүрий шаралар қолланылыўынан азат етилген шахслар ушын

Адам саўдасынан жәбирленгенлер ушын

1

Нөкис районы медицина бирлеспеси

422

38

15

18

 

1

3

 

1

2

Нөкис мәмлекетлик тоғай хожалығы

57

5

1

1

1

1

 

1

 

3

Нөкис районы жоллардан пайдаланыў унитар кәрханасы

45

4

 

1

1

1

 

1

 

4

№1-санлы мектеп

66

6

2

3

 

 

1

 

 

5

№ 5-санлы мектеп

26

2

 

 

1

 

 

1

 

6

№ 16-санлы мектеп

25

2

 

2

 

 

 

 

 

7

№ 21-санлы мектеп

54

5

2

2

 

 

1

 

 

8

№30-санлы мектеп

55

5

2

3

 

 

 

 

 

9

Қарақалпақ Лепрозория

45

4

1

1

1

 

 

 

1

10

№3-санлы мектепке шекемги билимлендириў мәкемеси

24

2

1

1

 

 

 

 

 

11

Қарақалпақагрохимияқорғаў АЖ Нөкис районы филиалы

30

3

 

1

1

 

 

 

1

ЖӘМИ

849

76

24

33

5

3

5

3

3

                       

 

 

 

 

 

 

 

 

 

 

 

 

 

 

 

Нөкис районы ҳәкиминиң 2018-жыл

                                                                                          ______________ күнги  _____ - санлы

шешимине 2-қосымша

 

2019-жыл ушын белгилениўи тийис болған жумыс орынларына қойылатуғын талапларды анықлаў ушын дүзилген арнаўлы комиссия қурамы

 

 

 

Қ.Тоқымбетов

Район ҳәкиминиң бириши орынбасары, комиссия баслығы

М. Өтежанов

Районлық Бәнтликке көмеклесиў орайының жумыссызларды жумысқа оранластырыў ҳәм социаллық қоллап-қуўатлаў бөлиминиң баслығы, комиссия хаткери

Б.Алламуратов

Районлық Бюджеттен тысқары пенсия қоры баслығы, комиссия ағзасы

А.Дилмағанбетов

Районлық Бейимлестириў орайы директоры, комиссия ағзасы

П.Ембергенова

Районлық Медицина бирлеспеси бас шыпакери, комиссия ағзасы

 

 

 

Еслетпе: Комиссия ағзалары басқа жумысқа өткен жағдайда оның қурамына сол лаўазымды жаңадан ийелеген шахс киргизиледи.

 

 

 

 

Общие предложения

789