Проекты, у которых текст на государственном языке отсутствует, будут удаляться без уведомления инициатора проекта со стороны администрации Портала
ID Разработчик Дата размещения Дата завершения Кол-во предложений
16669 Хокимият Тахтакупырского района 09/04/2020 24/04/2020 0

Обсуждение завершено

Решение хокима
Тахтакөпир районында коронавирус инфекциясы тарқалыўының алдын алыўға қаратылған қосымша ис-иләжлар ҳаққында
ID-16669

Тахтакөпир районында коронавирус инфекциясы тарқалыўының  алдын алыўға қаратылған қосымша ис-иләжлар ҳаққында

 

Тахтакөпир районында халықтың санитария-эпидемиологиялық тынышлығын ҳәм қәўипсизлигин тәмийинлеў, коронавирус инфекциясы тарқалыўының алдын алыўда тийисли мәмлекетлик  органлары ҳәм де шөлкемлердиң жумысларын муўапықластырыў, пуқаралардың өмири ҳәм ден саўлығын қорғаў, Өзбекстан Республикасы Министрлер Кабинетиниң 2020-жыл 23-марттағы “Коронавирус инфекциясы тарқалыўына қарсы қосымша ис-иләжлар ҳаққында”ғы 176-санлы, Қарақалпақстан Республикасы Министрлер Кеңесиниң 2020-жыл 25-марттағы 91-санлы қарары, Өзбекстан Республикасы “Халықтың санитария-эпидемиологиялық тынышлығы ҳаққында”ғы Нызамының 31-статьясына ҳәм Өзбекстан Республикасы “Жергиликли мәмлекетлик ҳәкимият ҳаққында”ғы  Нызамының  6-статьясына  муўапық,

                                                                          

ШЕШИМ   ЕТЕМЕН:

 

1. Өзбекстан Республикасы Министрлер Кабинетиниң 2020-жыл 23-март күнги «Коронавирус инфекцияси тарқалыўына қарсы қосымша ис-иләжлар ҳаққында»ғы 176-санлы қарары тийкарында қабыл етилген Қарақалпақстан Республикасы Министрлер Кеңесиниң 2020-жыл 25-март күнги 91-санлы қарары орынлаў ушын басшылыққа алынсын.

2.  Район аймағында коронавирус инфекциясының тарқалыўының алдын алыў, пуқаралардың ден-саўлығын сақлаў мақсетинде физикалық ҳәм де юридикалық шахсларға тийисли болған автобус, микро автобус, жөнелисли маршрутлар, жеңил автотранспорт, велосипед, скутер ҳәм мото-транспорт қуралларының ҳәрекет етиўи 2020-жыл 8-апрель саат 06:00 ден баслап карантин дәўиринде ўақтынша тоқтатылсын.

3. Ҳәрекет етиўге рухсат етилген айрым автотранспорт қураллары қосымшаға муўапық тастыйықлансын. Бунда тийисли шɵлкемлердиң оларға жүклетилген ўазыйпаларын әмелге асырыўға тартылатуғын хызмет ҳәм жеке автотранспорт қуралларының санын минимал муғдарларға шекем кемейттирилиўи тәмийинленсин.

4. Районлық Ишки ислер бөлими баслығының биринши орынбасары Т.Қдырбаев, Мәмлекетлик салық инспекциясы Қ.Турсымуратов,
Санитария-эпидемиология бақлаў мәмлекетлик инспекциясы  районлық бөлими баслығы Б.Абибуллаева, Санитария-эпидемиологиялық тынышлық орайы Т.Нурмановларға:

- район аймағындағы физикалық ҳәм юридикалық шахслардың автобус микро автобус, жеңил автотранспорт қураллары ҳәм де велосипед, скутер ҳәм
мото-транспорт қуралларының ҳәрекет етиўин қадағалап барсын;

- карантин дәўиринде талапларды бузған физикалық ҳәм юридикалық шахслар ийелигиндеги автобус, микро автобус, жеңил автотранспорт ҳәм де велосипед, скутер ҳәм мото-транспорт қуралларын жәрийма майданшасына қойылыўын тәмийинлесин;

- шегаралас районларға кирип-шығыў жолларына ҳәмде район орайында арнаўлы күшейттирилген тәртипте қадағалаў постларын шөлкемлестириў ҳәм тийисли қәнигелер ажыратылыўын тәмийинлесин;

- медициналық нықапсыз автотранспорт басқарып жүрген айдаўшылар ҳәм пиядаларға карантин талапларын бузғанлығы ушын күшейттирилген тәртипте тийисли шаралар көрсин;

- районға кирип келиўши, шығыўшы ҳәм де қосымшада рухсат етилген автотранспорт қуралларын дизенфекциялаў иләжларын көрсин;

- жоқарыдағы талапларды орынлаўда Тахтакөпир районы орайында айрықша итибарға алынып, зәрүрлиги болмағанда саат 20:00ден кейин автотранспорт ҳәм пуқаралардыӊ ҳәрекетлениўи тоқтатылсын.

5. Райондағы сектор басшылары, тийисли мәкеме, кәрхана ҳәм шөлкемлер басшылары, өзин-өзи басқарыў уйымлары басшыларына:

- өзлерине бекитилген аймақларда усы шешим талапларының сөзсиз орынланыўын тәмийинлеўде район турғынларына кең түрде үгит-нәсият жумысларын алып барсын.

6. Қарақалпақстан телерадиокомпаниясының райондағы хабаршылары Г.Давлетмуратова, Р.Рсекеева, “Тахтакөпир таңы” газетасы редакторы Г.Давлетмуратоваға усы қарардың мәнис-мазмунын пуқараларға жеткериў тапсырылсын.

7. Усы шешим районлық “Тахтакөпир таңы” газетасында жәриялансын ҳәм район ҳәкимлигиниң рәсмий веб-сайтына жайластырылсын.

8. Усы шешимниң орынланыўын қадағалап барыў район ҳәкиминиң орынбасары О.Генжемуратов ҳәм районлық Ишки ислер бөлими баслығының биринши орынбасары Т.Қдырбаевқа тапсырылсын.

 

 

Тахтакөпир районы ҳәкими:                                  Ж.Адилов

Район ҳәкиминиң 2020-жыл
“___”- апрель күнги _____-санлы шешимине қосымша

Карантин дәўиринде район аймағында ҳәрекетлениўге рухсат етилген айрым топардағы автотранспортлар дизими.

            1. Қарақалпақстан Республикасы Жоқарғы Кеңеси ҳәм Министрлер Кеңеси баслықлары ҳәм олардың орынбасарлары, ҳәким ҳәм ҳәким орынбасарларының хызмет автотранспортлары;

            2. Өзбекстан Республикасы Президентиниң Халық қабыллаўханасы, Өзбекстан Республикасы Бас ўәзириниң исбилерменлер мүрәжатын көрип шығыў қабыллаўханасы, Мәмлекетлик қәўипсизлик хызмети, Суд, Прокуратура, Мәмлдекетлик салық инспекциясы, Қорықлаў бөлими, Ишки ислер бөлими, Адиллик бөлими, (нотариал мәкемелер), Айрықша жағдайлар бөлими, сондай-ақ, усы шөлкемлер хызметкерлериниң жеке автотранспорт қураллары.

            3. Коммунал хызмет көрсетиўши кәрханалардың (гәз, электр энергия, суў ҳәм шығынды) хызмет автотранспорт қураллары.

            4. Мәкеме, кәрхана ҳәм шөлкемлердиң халыққа хызмет көрсетиўши автотранспортлары.

  5. Коммерциялық банклердиӊ халыққа хызмет көрсетиўши автотранспортлары (АТ Халық банкинде ислеўши хызметкерлердиӊ пенсия тарқатыўшы жеке автотранспортлары).

  6. Райондағы ғәлле тәрбиясы, пахта егисине байланыслы фермерлер хожалықлары баслықларыныӊ жеке ҳәм хожалық балансындағы аўыл хожалық техникалары район орайынан тысқарыда ҳәрекет етиўи белгиленсин. 

             7. “Республика инкассация хызмети” ДУК хызмет автотранспортлары.

              8. Район орайынан алыс аймақларда жасаўшы пуқаралардың жасаў орнына район ҳәкиминиң бийлигине тийкар азық-аўқат өнимлерин жеткерип бериўши жеке тәртиптеги исбилерменлердиң автотранспорт қураллары.

             9. Байланыс хызметлерин көрсетиўши шөлкемлер “Өзбекстан почтасы” АЖ, “Өзбекстан” АКға тийисли автотранспорт қураллары.

            10. Жерлеў мәресимлеринде хызмет көрсетиўши арнаўлы автотранспорт қураллары (Жерлеў мәресимлеринде хызмет қылыў мақсетинде).

            11. Жол-патруль хызмети автомобиллери гүзетилиўинде ҳәрекетленип баратырған автотранспорт қураллары.

            12. Мәўсимлик аўыл-хожалығы өнимлери ҳәм де дәри-дәрмақларды дәриханаларға жеткерип бериўши N1, N2, N3 (тек ғана бир жолаўшы менен) түриндеги физикалық шахсларға тийисли жеке автотранспорт қураллары.    

            13. Шет ел мәмлекетлериниң дипломатиялық ўәкилханалары ҳәм халықаралық  шөлкемлер хызмет автотранспорт қураллары.

            14. Районда жайласқан такси компанияларына бекитилген автотранспорт қураллары (азық-аўқат жеткерип бериўши хызмети менен шуғылланыўшылар).

              15. Пуқараларға кешиктирип болмайтуғын тез жәрдем көрсетиў менен байланыслы (инсан өмирине кәўип туўдыратуғын) жағдайда медицина бирлеспесине баратуғын ҳәм қайтатуғын автотранспорт қураллары. 

               16. Хызметкерлер бул дизимде көрсетилген шөлкемлерде хызмет көрсетип атырғанлығы ҳаққындағы мийнет дәптершесиниң нусқасы ҳәм жумыс орнын тастыйықлаўшы ҳүжжет тийкарында ҳәрекетленеди.

            

 

Общие предложения: 0

206