Проекты, у которых текст на государственном языке отсутствует, будут удаляться без уведомления инициатора проекта со стороны администрации Портала
ID Разработчик Дата размещения Дата завершения Кол-во предложений
16589 Хокимият Кунградского района 06/04/2020 21/04/2020 0

Обсуждение завершено

Решение хокима
Қарақалпақстан Республикасы Министрлер Кеңесиниң 2020-жыл 25-марттағы «Коронавирус инфекциясының тарқалыўына қарсы қосымша ис-иләжлар туўрысында»ғы 91-санлы қарарына тийкарланып, Район аймағында физикалық ҳәмде юридикалық шахсларға тийисли болған автобус, микро автобус, жеңил автотранспорт қураллары ҳәмде велосипед, скутер ҳәм мото-транспорт қуралларының ҳәрекет етиўин ўақтынша тоқтатыў ҳаққында
ID-16589

ЖОЙБАР

     ҚОҢЫРАТ РАЙОНЫ ҲӘКИМИНИҢ

           БИЙЛИГИ

 

2020-жыл  «___» ____________           № _____                              Қоңырат районы

 

Қарақалпақстан Республикасы Министрлер Кеңесиниң 2020-жыл
25-марттағы «Коронавирус инфекциясының тарқалыўына қарсы қосымша
ис-иләжлар туўрысында»ғы 91-санлы қарарына тийкарланып, Район аймағында физикалық ҳәмде юридикалық шахсларға тийисли болған автобус, микро автобус, жеңил автотранспорт қураллары ҳәмде велосипед, скутер ҳәм мото-транспорт қуралларының ҳәрекет етиўин ўақтынша тоқтатыў ҳаққында

Б И Й Л И К    Е Т Е М Е Н :

 

  1. Қарақалпақстан Республикасы Министрлер Кеңесиниң 2020-жыл
    25-марттағы «Коронавирус инфекциясының тарқалыўына қарсы қосымша
    ис-иләжлар туўрысында»ғы 91-санлы қарары орынлаў ушын басшылыққа алынсын.
  2. Район аймағында коронавирус инфекциясының тарқалыўының алдын алыў, пуқаралардың ден-саўлығын сақлаў мақсетинде физикалық ҳәмде юридикалық шахсларға тийисли болған автобус, микро автобус, жеңил автотранспорт қураллары ҳәмде велосипед, скутер
    ҳәм мото-транспорт қуралларының ҳәрекет етиўи карантин дәўиринде ўақтынша тоқтатылсын.
  3. Ҳәрекет етиўге рухсат етилген айрым автотранспор қураллары қосымшаға муўапық тастыйықлансын.
  4. Районлық ишки ислер бөлими (Б.Төребеков)не:

район аймағындағы физикалық ҳәм юридикалық шахслардың автобус, микро автобус, жеңил автотранспорт қураллары ҳәмде велосипед, скутер ҳәм
мото-транспорт қуралларының ҳәрекет етиўин қадағалап барыў тапсырылсын.

карантин дәўиринде талапларды бузған физикалық
ҳәм юридикалық шахслар ийелигиндеги автобус, микро автобус, жеңил автотранспорт ҳәмде велосипед, скутер ҳәм мото-транспорт қуралларын жәрийма майданшасына қойылыўын тәмийинлесин.

шегаралас районларға кирип-шығыў жолларына ҳәмде район орайында арнаўлы қадағалаў постларын шөлкемлестириў ҳәм тийисли қәнийгелер ажратылыўын тәмиийнлесин.

  1. Қарақалпақстан Республикасы телерадиокомпаниясы районлық хабаршысы ҳәм «Қоңырат ҳақыйқаты» газетасы редакциясы (Г.Қаражанова) ҳәм район ҳәкимлиги баспасөз хаткери (З.Абдуллаева) усы бийликтиң мазмуны ҳәм мәнисин пуқараларға жеткериў тапсырылсын.
  2. Усы бийлик районлық “Қоңырат ҳақыйқаты” газетасында жәриялансын ҳәм ҳәкимликтиң рәсмий веб-сайтында жайластырылсын.  
  3. Усы бийликтиң орынланыўын қадағалаў район ҳәкиминиң орынбасары А.Қосымбетовқа ҳәм районлық ишки ислер бөлими баслығы Б.Төребековқа жүклетилсин.

 

                 Қоңырат районы

 ҳәкими:

 

                       К.Халмуратов

 

 

 

 

 

Район ҳәкиминиң

2020 жыл “___” - __________деги

“_______” - санлы бийлигине

қосымша

 

  1. Коммуннал хызмет көрсетиўши мекемелердиң (газ, электр энергиясы, суў, шығынды) хызмет автотранспорт қураллары
  2. Өзбекстан Республикасы Президенти Админстрациясы, Министрлер Кабинети,  Мәмлекет қәўипсизлик хызмети, Мәмлекет бажыхана посты, Қорғаныў бөлими, Ишки ислер бөлими, Айрықша жағдайлар бөлими хызмет көрсетиўши шахслардың жеке меншик автотранспорт қураллары.
  3. Суд ҳәм прокуратура хызмет автотранспортлары.
  4. "Өзбекстан темир жоллары" АЖ Қоңырат регионаллық темир жол узели ҳәм олардың системасына кириўши кәрхана ҳәм шөлкемлери хызмет автотранспортлары.
  5. Мекеме ҳәмде кәрханалардың хызмет автотранспортлары.
  6. Тижарат банклери хызмет автотранспортлары.
  7. Қарақалпақстан Республикасы Жоқарғы Кеңеси ҳәм Министрлер Кеңеси баслықлары ҳәм олардың орынбасарлары, ҳәким ҳәм оның орынбасарлары хызмет автотранспорт қуралы.
  8. "Республика инкассация хызмети" ДУК хызмет автотранспорт қураллары
  9. Шет ел мәмлекетлериниң дипломатиялық ўәкилханалары ҳәм халықаралық  шөлкемлер хызмет автотранспорт қураллары
  10. Байланыс хызметлерин көрсетиўши шөлкемлер, "Өзбекстан почтасы" АЖ, "Өзбектелеком" АК не тийисли хызмет автотранспорт қураллары.
  11. Жерлеў мәресимлеринде хызмет көрсетиўши арнаўлы автотранспорт қураллары (жерлеў мәресимлери хызметин көрсетиў мақсетинде)
  12. Жол-патрул хызмети автомобиллери жәрдеминде гузетилип баратырған автотранспорт қураллары.
  13. Мәўсимий аўыл-хожалығы өнимлерин жеткизип бериўши М1 (тек ғана бир жолаўшы менен) түриндеги физикалық шахсларға тийисли жеке автотранспорт қураллары
  14. Хызметкерлер бул дизимде көрсетилген шөлкемлерде хызмет көрсетип атырғанлығы ҳаққындағы мийнет даптершеси нусқасы ҳәм жумыс орнынан тастыйықлаўшы ҳүжжет тийкарында ҳәрекетленеди.
  15. Шөлкемлердиң жуўапкерли хызметкерлер хызмет ўазыйпасын орынлаўда  тийисли жеке автотранспорт қуралларынан пайдаланыўға усы шөлкемлер тәрепинен рухсат бериледи (офицер қурамындағы хызметкерлерге рухсат талап етилмейди). Рухсатнамада автотранспорт қуралларының белгилери көрсетиледи. Усы рухсатнама хызмет (әскерий) гуўаҳнамасы менен көрсетилгенде ҳақықый есапланады.

Общие предложения: 0

252