Проекты, у которых текст на государственном языке отсутствует, будут удаляться без уведомления инициатора проекта со стороны администрации Портала
ID Разработчик Дата размещения Дата завершения Кол-во предложений
16530 Хокимият Тахтакупырского района 02/04/2020 17/04/2020 0

Обсуждение завершено

Решение хокима
Физикалық шахсларды социаллық қоллап-қуўатлаў бойынша қосымша ис-илажларын даўам еттириў ҳәмде пуқаралардың пайдаланыўындағы турақ-жайларын, ийелеп турған жер майданларын мийрас етип қалдырыўға өмирлик ийелик етиў ҳуқықын тиклеп бериў ҳаққында
ID-16530

Физикалық шахсларды социаллық қоллап-қуўатлаў бойынша қосымша ис-илажларын даўам еттириў ҳәмде пуқаралардың пайдаланыўындағы турақ-жайларын, ийелеп турған жер майданларын мийрас етип қалдырыўға өмирлик ийелик етиў ҳуқықын тиклеп бериў ҳаққында

 

Өзбекстан Республикасы Президентиниң 2018-жыл 20-апрельдеги ПФ 5421-санлы Пәрманы, Министрлер Кабинетиниң 2018-жыл
21-июньдағы 461-санлы қарарының 1-қосымшасы менен тастыйықланған “Көшпес мүлкке болған мулк ҳуқықын тиклеп бериў бойынша бир мәртелик улыўма мәмлекетлик акциясы шегерасында көпес мүлк ийелерине мүлк ҳуқықын тиклеп бериў тәртиби ҳаққында”гы Нызым ислеп шығылып, өз басымшалық пенен ийелеп алынған жер участкалары ямаса имарат қурыў ушын рухсатнама алмастан қурылған турақ жайларға мүлк ҳуқықын тиклеп бериў бойынша бир мәртелик улыўма мәмлекетлик акциясы жәрияланды ҳәм ол 2019-жыл 1-майға шекем даўам етип жуўмақланды.

Бирақ, усы дәўир даўамында бир мәртелик улыўма мәмлекетлик акциясы шегерасында көпес мүлк ийелерине, мулк ҳуқықы тиклеп берилиўи мүмкин болған көплеп турар-жайларда жасаўшы пуқаралар тәрепинен белгиленген тәртипте мүрәжаат етилмеген.

Булардың көшилиги, пуқаралар тәрепинен  Нызам қабыл етилгенге шекем (1980-1990 жыллар) қурылған турар жайлар болып, бирақ бүгинги күинге келип олардың мүлк ҳуқықын белгилеўши ҳүжжетлери сақланып қалынбаған турар-жайлардан ибарат.

Бундай турар-жайларға ийе пуқаралар түрли шөлкемлерге мүрәжаат қылып, пайдаланып, ийелик қылып киятырған турар-жайларына мүлк ҳуқықын тиклеп бериўди сорамақда.

Бундай турар-жайларға мүлк ҳуқықының тән алынбаўының тийкарғы себеби, бул пуқаралардың пайдаланыўындағы турар-жайлар Өзбекстан Республикасы «Жер ҳаққындағы» (1990-дыл 20-июнь) нызамы тийкарында қурылған болсада, бүгинги күнде ийелеп турған жер участкаларына мийрас қылып қалдырылатуғын өмирлик ийелик қылыў ҳуқықларының болмағанлығынан келип шыққан.

Өзбекстан Республикаса Жер кодексиниң 17-статясында физикалық шахслар усы Кодекс ҳәм басқа нызам ҳүжжетлерине муўапық мийрас қылып қалдырылатуғын өмирлик ийелик қылыў, турақлы пайдаланыў, мүддетли (ўақтынша) пайдаланыў, ижараға алыў ҳәм мүлк ҳуқықы тийкарында жер участкаларынига ийе болыўлары мүмкинлиги нәзерде тутылған.

Сонлықтан, пуқараларды социаллық қоллап-қуўатлаў бойынша қосымша ис-илажларын даўам еттириў ҳәмде пуқаралардың пайдаланыўындағы турар-жайлар, ийелеп турған жер майданларын мийрас қылып қалдырылатуғын өмирлик ийелик қылыў ҳуқықын тиклеп бериў мақсетиинде, Өзбекстан Республикасы Жер кодексиниң 6, 17 ҳәм
19-статьяларына,
Ɵзбекстан Республикасы «Жергиликли мәмлекетлик ҳәкимият ҳаққында»ғы Нызамының 6-статьясына  муўапық,

 

Ш Е Ш И М       Е Т Е М Е Н

 

1. Район аймағындағы пуқаралардың пайдаланыўындағы турақ-жайлары ийелеп турған жер майданларын мийрас етип қалдырыўға өмирлик ийелик етиў ҳуқықын тиклеп бериў ҳаққындағы Нызам (кейинги орынларда Нызам деп жүргизиледи) қосымшаға муўапық тастыйықлансын.

2. Район ҳәкиминиң Санаатты раўажландырыў, капитал қурылыс, коммуникациялар ҳәм коммунал хожалық мәселелери бойынша орынбасары  Д.Жумабаев, район жер ресурслары мәмлекетлик кадастры бөлими М.Есимбетов, район қурылыс бөлими Е.Мнажовқа физикалық шахслардың пайдаланыўындағы турар-жайлар, ийелеп турған жер майданларын мийрас қылып қалдырылатуғын өмирлик ийелик қылыў ҳуқықын тиклеп бериўде, әмелдеги нызам ҳүжжетлери ҳәм усы Нызамға әмел қылыў тапсырылсын.

3. Район Қурылыс бөлими Е. Мнажов, ҚР Жер дүзиў ҳәм көшпес мүлк кадастры мәмлекетлик кәрханасы районлық филиалы баслығы Ж.Турдықулов пенен биргеликте үш күн мүддетте, нызамға муўапық мийрас қылып қалдырылатуғын өмирлик ийелик қылыў ҳуқықы берилген пуқаралардың жер участкаларының шегараларын белгилеп бериў тапсырылсын.

4. Район Мәмлекетлик хызметлери орайы баслығы П.Реймқулов, ҚР Жер дүзиў ҳәм көшпес мүлк кадастры мәмлекетлик кәрханасы районлық филиалы баслығы Ж.Турдықуловқа, Нызам тийкарында пуқаралардың пайдаланыўындағы турар-жайлары ҳәмде ийелеп турған жер майданларына мийрас қылып қалдырылатуғын өмирлик ийелик етиў ҳуқықларын белгиленген тәртипте мәмлекет дизиминен өткерилиўин тәмийинлеў тапсырылсын.

5. Тахтакөпир районы ҳәкимлиги баспа сөз хызмети баслығы Г.Давлетмуратоваға усы шешимди ҳәкимликтиң веб сайтына жайластырыў ҳәм «Тахтакөпир таңы» газетасында жəриялаў тапсырылсын.

6.  Бул шешим рәсмий жəрияланған күннен баслап күшке киреди.

7. Усы шешимниң орынланыўын қадағалаў район ҳәкиминиң Санаатты раўажландырыў, капитал қурылыс, коммуникациялар ҳәм коммунал хожалығы мәселелери бойынша орынбасары  Д.Жумабаевқа тапсырылсын.

 

Тахтакөпир районы ҳәкими                                       Ж. Адилов

Район ҳәкиминиң

2020 жыл “____” апрельдеги ______-санлы шешимине

қосымшаа

 

Физикалық шахслардың пайдаланыўындағы турақ-жайларын, ийелеп турған жер майданларын мийрас етип қалдырыўға өмирлик ийелик етиў ҳуқықын тиклеп бериў ҳаққында

НЫЗАМ

1-бап. Улыўма қағыйдалар

  1. Усы Нызам аўыл-хожалығына мөлшерленбеген жер участкаларында жайласқан физикалық шахслар тәрепинен «Жер ҳаққында»ғы Өзбекстан Республикасы 
 (1990-жыл 20-июнь) нызамы тийкарында қурылған болсада, бүгинги күнде ийелеп турған жер участкаларына мийрас қылып қалдырылатуғын өмирлик ийелик қылыў ҳуқықларын белгилеўши ҳүжжетлери сақлап қалынбаған жеке тәртиптеги турар-жайлар ийелеп турған жер майданларын мийрас қылып қалдырылатуғын өмирлик ийелик қылыў ҳуқықын тиклеп бериў тәртибин белгилейди.

2. Усы Нызам талаплары:

аўыл-хожалығына мөлшерленбеген аймақларда жайласқан жер участкаларына;

бос турған жер часткаларына;

даўлы турар-жайлар ийелеп турған жер участкларына қолланылады.

Магистрал қурылмалар, темир жол ҳәм автомобиль жоллары, электр энергиясын узатыў ҳәм байланыс линиялары қорғаланатугын кәўипсизлик зоналары, суў қәўипсизлиги ҳәм санитария-қорғаныў зоналарында жайласқан жер участкларына әмел етилмейди.

  2-бап. Физикалық шахслар пайдаланыўындағы турар-жайлары ийелеп турған жер майданларын мийрас қылып қалдырыўға өмирлик ийелик қылыў ҳуқықын қайта тиклеў ушын мүрәжаат етиў тәртиби

         3. Физикалық шахслар пайдаланыўыдағы турар-жайлар ийелеп турған жер майданларына мийрос қылып қалдырылатуғын өмирлик ийелик қылыў ҳуқықын қайта тиклеп бериў ушын районн ҳәкиминиң атына арза менен мүрәжаат етиледи.

         4. Арзаға төмендегилер қосып бериледи:

         мүрәжат етиўшиниң паспорты көширмеси;

         ер участкасының (бар болса) кадастр планы;

         физикалық шахслар тәрепинен мәмлекет архивинен алынған мағлыўматнама, өзлериндеги бурыннан сақланып қалған ески ҳүжжетлери.

         Усы бәнтте көрсетилмеген зәрүр мағлыўматларды,сондай-ақ, басқа ҳүжжетлер физикалық шахслардан талап етилмейди.

         5. Арза район ҳәкимлиги тәрепинен дизимге алынғаннан кейин, дизимге алынған сәне көрсетиген ҳалда арзаға оның қабылланғаны ҳаққында тийисли жазыў (виза) жазып қойылады.

6. Мүрәжат етиўши тәрепинен берилген арза ҳәм оған қосып берилген ҳүжжетлер районн ҳәкимлиги концеляриясы тәрепинен сканерленеди ҳәм арза келип түскен күни “DOC FLOW” дизими арқалы:

а) район жер ресурслары ҳәм мәмлекетлик кадастры бөлимине – имарат жайласқан жер участкасы нызам ҳүжжетлерине муўапық турар жай қурылысы ушын ажыратылыўы мүмкин болмаған жер майданында жайласпағаны ямаса жайласқаны, сондай-ақ, жер участкасына мийрас қылып қалдырылатуғын өмирлик ийелик етиў ҳуқықы бар турар-жайлардың ҳуқықы белгиленбеген бөлегине мийрас қылып қалдырылатуғын өмирлик ийелик қылыў ҳуқықын тиклеп бериў мақсетке муўапық/муўапық емеслиги ҳаққында жуўмақ алыў ушын;

б) район қурылыс бөлимине –жер майданының тийисли имканиятларын анықлап, жер участкасының кадастр планына мийрас қылып қалдырылатуғын өмирлик ийелик етиў ҳуқықын тиклеп бериў мүмкин болған жер майданының шегараларын белгилеп бериў ушын;

в) турар-жай жайласқан мәнзилдеги пуқаралардың өзин-өзи басқарыў органына – жер майданына байланыслы даўлы жағдайдың бар жоқлығы ҳаққында мағлыўмат алыў ушын;

г) район айрықша жағдайлар бөлимине — имарат жайласқан жер участкасында өрт қәўипсизлиги қағыйдаларына әмел етилгени ямаса етилмегени ҳаққында жуўмақ алыў ушын;

д) район санитария эпидемиология орайына - имарат жайласқан жер участкасында санитария нормалары, қағыйдалары ҳәм гигиена норматип талапларына әмел етилиўи ямаса етилмеўи ҳаққында жуўмақ алыў ушын жибериледи.

Жуўмақларды бериў мүддети - үш жумыс күни ишинде бериледи.

7. Барлық жуўмақлар унамлы болған жағдайда, бул ҳаққында 1 күн мүддетте мүрәжаат ийесине хабар етип оған есап-фактура бериледи.

Мүрәжаат тиўши есап-фактураны алған күннен баслап 5 жумыс күни ишинде           есап-фактурада көрсетилген төлемди әмелге асырады.

Төлем район ҳәкимлигиниң арнаўлы есап бетине өткериледи:

8. Жер участкаларын мийрас қылып қалдырылатуғын өмирлик ийелик етиў ҳуқықын қайта тиклеп бериў ушын төмендеги муғдарларда жыйым өндириледи:

0,06 гектарға шекем ҳәм 0,06 гектар болған жер майданы ушын - базалық есаплаў муғдарының еки есеси муғдарында:

0,12 гектарға шекем ҳәм 0,12 гектар болған жер майданы ушын - базалық есаплаў муғдарының төрт есеси муғдарында;

жер участкасына мийрас қылып қалдырылатуғын өмирлик ийелик етиў ҳуқықы бар турар-жайлар ушын 0,12 гектарға   шекем болған жер майданы ушын - базалық есаплаў муғдарының үш есеси муғдарына жыйым өндириледи. Жыйым белгиленген мүддетте төленбеген жағдайда, жер участкасына мийрас етип қалдырылатуғын өмирлик ийелик қылыў ҳуқықын қайта тиклепбериў жумыслары тоқтатылып турылады.

9.Физикалық шахслар тәрепинен пайдаланып киятырған турар-жайлар ийелеп турған жер участкаларына мийрас қылып қалдырылатуғын өмирлик ийелик етиў ҳуқықы берилетуғын жер майданының өлшеми 0,12 гектардан артық болыўы мүмкин емес. Жер участкаларына мийрас қылып қалдырылатуғын өмирлик ийелик етиў ҳуқықлары физикалық шахслар тәрепинен усынылған ҳүжжетлер (олардағы көрсетилген мағлыўматлар) тийкарында белгиленеди.

10. Район ҳәкиминиң Санаатты раўажландырыў, капитал қурылыс, коммуникациялар ҳәм коммунал хожалық мәселелери бойынша орын басары  Д.Жумабаев, Нызамның 6-бәнтинде келтирилген органлар тәрепинен жуўмақлардың өз ўақтында берилиўин қадағалайды ҳәм физикалық шахслар тәрепинен ийелеп турған турар-жайлардың жер майданларына, мийрас қылып қалдырылатуғын өмирлик ийелик қылыў ҳуқықын қайта тиклеп бериў ушын, усы Нызамда белгиленген жыйым төленгенлигин тастыйықлаўшы ҳүжжет алынғаннан соң,
2 календарь жумыс күни ишинде жуўмақларға тийкарланып, жер участкасына мийрас қылып қалдырылатуғын өмирлик ийелик етиў ҳуқықын қайта тиклеп бериў ҳаққындағы шешим жойбарын таярлап, район ҳәкимине тастыйықлаў ушын усынады.

11. Район ҳәкими тәрепинен қабылланған шешим жер участкаларына болған ҳуқықларды мәмлекетлик дизимнен өткериў ушын тийкар болып есапланады.

3-бап. Жер участкаларына мийрас қылып қалдырылатуғын өмирлик

ийелик етиў ҳуқықын қайта тиклеўден бас тартыў

12.Төмендеги жағдайларда жер участкаларына мийрас қылып қалдырылатуғын өмирдик ийелик етиў ҳуқықын қайта тиклеўден бас тартылады:

аўыл-хожалығыда пайдаланатуғын жер майданы болса;  

жер майданына байланыслы даўлы жағдайлар бар болғанда;

Магистрал қурылмалар, темир жол ҳәм автомобиль жоллары, электр энергиясын узатыў ҳәм байланыс линиялары қорғаланатуғын қәўипсизлик зоналары, суў қәўипсизлиги ҳәм санитария-қорғаныў зоналарында жайласқан болса.

4-бап. Жер участкаларына мийрас қылып қалдырылатуғын өмирлик

ийелик етиў ҳуқықының бийкар етилиўи

13. Төмендеги жағдайларда жер участкаларына болған ҳуқықлар бийкар етиледи:

 а) жер участкасынан ыхтыярий ўаз кешкенде;

         б) жер участкасы мәмлекетлик ямаса жәмиетлик ыҳтыяжлар ушын алып қойылғанда;

         в) нызамшылықта белгиленген басқа да жағдайларда.

         14. Жер участкасынан турақлы пайдаланыў ҳуқықын бий     кар етиў, жерден пайдаланыў ҳәмде оның қорғалыўын қадағалаўда мәмлекет бақлаўын әмелге асырыўшы органлардың усынысына муўапық ҳуқықлар, бийкар етилиўиниң нызамлы екенлигин тастыйықлаўшы ҳүжжетларге титйкарланған тийисли район, Өзбекстан Республикасы Министрлер Кабинетиниң қарары менен әмелге асырылады. Жер участкаларинан пайдаланыў ҳуқықын бийкар етиў ҳаққындагы қарарлардан наразы болған юридикалық ҳәм физикалық шахслар судқа мүрәжат етиўлери мүмкин.

5-бап. Жуўмаңлаўшы қағыйда

     15.Усы Нызам талаплары бузылыўында айыпкер болған шахслар нызам ҳүжжетлеринде белгиленген тәртипте жуўап береди.

Общие предложения: 0

292