ID Разработчик Дата размещения Дата завершения Кол-во предложений
1512 Хокимият Караузякского района 14/12/2018 29/12/2018 0

Обсуждение завершено

Решение хокима
Районда 2019-жылда Жаңа жумыс орынларын жаратыў ҳәм халықтың бәнтлигин тәмийинлеў ҳаққында
ID-1512

Өзбекистан Республикасы «Халықты жумыс пенен тәмийинлеў ҳаққында»ғы Нызамы («Ўзбекистон Республикаси Олий Мажлисининг Ахборотномаси», 1998 йил, 5-6-сон, 97-м.)ның 17-статьясына, Қарақалпақстан Республикасы «Жергиликли мәмлекетлик ҳәкимияты ҳаққында»ғы Нызамының 5 ҳәм 21-статьяларына тийкар Қараөзек районлық Халық депутатлары Кеңеси

 

Ш Е Ш И М   Е Т Е Д И:

 

1. Қараөзек районында 2018-жылы жумыс орынларын шөлкемлестириў ҳәм халықтың бәнтлигин тәмийинлеў Бағдарламасының орынланыўы ҳәм 2019-жылда Жаңа жумыс орынларын жаратыў ҳәм халықтың бәнтлигин тәмийинлеў ҳаққындағы районлық Бәнтликке көмеклесиў орайы   директоры    Г.Тажимуратова баянаты мағлыўмат ушын қабыл етилсин.

2. Халық депутатлары Қараөзек районлық Кеңесиниң «2019-жылы Жаңа жумыс орынларын жаратыў ҳәм халықтың бәнтлигин тәмийинлеў ҳаққында»ғы шешими тастыйықлансын.

3. Районда 2018-жыл Жаңа жумыс орынларын жаратыў ҳәм халықтың бәнтлигин тәмийинлеў бойынша дәстүр 1-санлы қосымшаға муўапық тастыйықлансын.

4. Киши бизнес, хызмет көрсетиў ҳәм сервис тараўын, шаңарақ исбилерменлги ҳәм ислеп шығарыўды раўажландырыў, қурылыс ҳәм инфраструктура жойбарларын амелге асырыў арқалы жаңа жумыс орынларын жаратыў ҳәмде халықтың бәнтлигин асырыў бойынша районлық исши топар қурамы 2-санлы қосымшаға муўапық тастыйықлансын.

5. Районлық исши топар ағзаларына:

ҳәр айда кеминде бир мәртебе аймақларға шыққан ҳалда 2019-жылда жаңа жумыс орынларын жаратыў ҳәм халықтың бәнтлигин тәмийинлеў дәстүриниң орынланыўын жақыннан үйренип аймақлық дәстүрге киритилген ҳәр бир объекттиң өз ўактында иске түсирилиўи, дәстүр параметрлериниң толық ҳәм сыпатлы орынланыўы үстинен қадағалаў жумысларын алып барыў;

әмелге асырылып атырған жумыслар бойынша ҳәр айда район ҳәкимлиги жанындағы исши топар хаткерине есабат берип барыў тапсырылсын.

6. Жаратылған жаңа жумыс орынларының ҳақыйқатлығын тәмийинлеў ушын жумыс орынларын жаратыў туўралы барлық мағлыўматлар ҳәм тастыйықлаўшы ҳүжжетлер тийисли орынлаўшылар тәрепинен (мекеме, кәрхана, коммерциялық банклер х.т.б) ҳәр айдың жуўмағы менен исши топар хаткерине тапсырылып барылыўы ҳәмде районлық бәнтликке көмеклесиў орайы (Г.Тажимуратова), районлық аймақты комплекс раўажландырыў бөлими (К.Хожалепесов) ҳәм статистика бөлими (А.Жолдасбаев) тәрепинен жәмленип, есабатқа киритилип барылыўын тәмийинлесин.

7. Усы шешимниң қабыл етилиўине байланыслы Халық депутатлары  Қараөзек районлық Кеңесиниң 2018-жыл 8-декабрь күнги 32/91-санлы қарары бийкар етилсин.

8. Шешим районлық «Мийнет байрағы» газетасында ҳәмде ҳәкимликтиң веб сайтында жәриялансын.          

9. Усы шешимниң орынланыўын қадағалаў Социаллық мәдений раўажландырыў ҳам тәбиятты қорғаў мәселелери бойынша турақлы комиссияға тапсырылсын.

10.Усы шешим қабыл етилген күннен баслап күшке киреди.

 

 

 

 

 

               Халық депутатлары                      Қараөзек районлық Кеңесиниң баслығы:


          Д.Утемуратов                         

 

Общие предложения

872