ID Разработчик Дата размещения Дата завершения Кол-во предложений
12894 Хокимият Канлыкульского района 24/01/2020 08/02/2020 0

Обсуждение завершено

Решение хокима
Район аймағындағы юридикалық ҳәм физикалық шахсларға тийисли автомототранспорт қураллары ҳәм оларға тиркемелерди мәжбүрий техникалық көриктен өткериў
ID-12894
Жойбар ҚАНЛЫКӨЛ РАЙОНЫ ҲӘКИМИНИҢ ШЕШИМИ Район аймағындағы юридикалық ҳәм физикалық шахсларға тийисли автомототранспорт қураллары ҳәм оларға тиркемелерди мәжбүрий техникалық көриктен өткериў ҳаққында “Жергиликли мәмлекетлик ҳәкимият ҳаққында”ғы Өзбекстан Республикасы Нызамының (Өзбекстан Республикасы Олий Мажлисиниң хабарнамасы, 1993-ж., 9-сан, 320-статья) 6, 25-статьялары, “Жол ҳәрекети қәўипсизлиги ҳаққында”ғы Нызамның (Өзбекстан Республикасы нызам ҳүжжетлери топламы, 2013 ж., 15-сан, 197-статья) 17-статьясы, Өзбекстан Республикасы Министрлер Кабинетиниң 2003-жыл 31-январьдағы 54-санлы қарары менен тастыйықланған “Транспорт қуралларын мәжбүрий техникалық көриктен өткериў тәртиби ҳаққында”ғы Режеге (Өзбекстан Республикасы нызам ҳүжжетлери топламы, 2003 ж., 1-2-сан, 17-статья) муўапық транспорт қуралларының 2020-жылда мәжбүрий техникалық көригин шөлкемлестириў мақсетинде, шешим етемен: 1. Район аймағындағы мүлкшилик формасына қарамастан юридикалық ҳәм физикалық шахсларға тийисли автомототранспорт қураллары ҳәм оларға тиркемелер тийисли тәртипте мәжбүрий техникалық көриктен өткерилсин. 2. Районда транспорт қуралларын техникалық көриктен өткериў төмендеги мүддетке муўапық белгиленсин: а) коммерциялық тийкарда жолаўшылар тасыў ушын пайдаланылатуғын жеңил автомобиллер, автобуслар ҳәм отырылатуғын орынлар саны 8 ҳәм оннан артық болған (айдаўшының орнынан тысқары), адамларды турақлы тасыў ушын үскенеленген жүк автомобиллери, үлкен габаритли, аўыр салмақлы ҳәм қәўипли жүклерди тасыў ушын арнаўлы транспорт қураллары ҳәм оларға тиркемелер - бир жылда еки рет; б) ислеп шығарылғанына бес жылдан көп болмаған (ислеп шығарылған жылы да сол қатарға киреди) транспорт қураллары (усы бәнттиң “а” киши бәнтинде көрсетилген транспорт қуралларынан тысқары) – еки жылда бир рет; в) ислеп шығарылған жылын есапқа алған ҳалда ислеп шығарылғанына бес жылдан артық болған транспорт қураллары, сондай-ақ ислеп шығарылған ўақты анықланбаған транспорт қураллары (усы бәнттиң «а» киши бәнтинде көрсетилген транспорт қуралларынан тысқары) - бир жылда бир рет; г) тиркемелер көрикке транспорт қуралы – тиркеўге алыў ушын белгиленген мүддетлерде; д) нәўбеттеги техникалық көриктен өткериўдиң алдынғы орнатылған мүддетлерине қарамастан, оларды мәмлекетлик жол ҳәрекети қәўипсизлиги хызмети органларында дизимнен өткериў (қайта дизимнен өткериў) ўақтында; е) олар ислеп шығарылған жылына қарамастан, мәмлекетлик жол ҳәрекети қәўипсизлиги хызмети органларында дизимнен өткерилген (қайта дизимнен өткерилген) күннен баслап бир жыл өткеннен кейин (усы бәнттиң «а» киши бәнтинде көрсетилген ҳалатлар буннан тысқары). 3. Усы қарардың 2-бәнти “а” киши бәнтинде көрсетилген транспорт қуралларының техникалық көриги: биринши рет - усы жылдың 1-мартынан 30-июньға шекем; екинши рет - усы жылдың 1-сентябринен 31-октябрине шекем өткерилсин. Юридикалық шахсларға қараслы болған транспорт қуралларының техникалық көриги усы жылдың 1-мартынан баслап 30-июнына шекем өткерилсин. Физикалық шахсларға қараслы болған транспорт қуралларының техникалық көриги усы жылдың 10-февралынан баслап 31-августына шекем өткерилсин. 4. Районда техникалық көрикти өткериў ушын дүзилген комиссия қурамы 1-қосымшаға муўапық, физикалық ҳәм юридикалық шахсларға тийисли болған транспорт қуралларының 2020-жылғы мәжбүрий техникалық көригин өткериў кестеси 2-қосымшаға муўапық тастыйықлансын. 5. Өзбекстан Республикасы Министрлер Кабинетиниң 2003-жыл 31-январьдағы “Транспорт қуралларын мәжбүрий техникалық көриктен өткериў тәртиби ҳаққындағы режени тастыйықлаў ҳаққында”ғы 54-санлы қарарының 3-бәнти талапларынан келип шығып, районлық қорғаныў бөлими, ишки ислер бөлими ҳәм Миллий қәўипсизлик хызмети әскерий бөлимлери транспорт қураллары мәжбүрий техникалық көриклери өз жоқары шөлкемлериниң қарары ҳәм ис режеси тийкарында әмелге асырылыўы нәзерде тутылсын. 6. Район хәкиминиң 2019-жыл 12-февральдағы “Қанлыкөл районы аймағында барлық хожалық жүргизиўши субъектлерге ҳәм пуқараларға тийисли автомототранспорт қуралларын ҳәм тиркемелерин мәжбүрий техникалық көриктен өткериў ҳаққында”ғы 329/2-санлы шешими (“Қанлыкөл хабарлары” газетасының 2019-жыл 28-февраль күнги 4-саны) 2019-жылдың 31-декабринен өз күшин жоғалтқан деп есаплансын. 7. Усы шешим “Қанлыкөл хабарлары” газетасында дағазалансын ҳәм ҳәкимликтиң рәсмий веб-сайтына жайластырылсын. 8. Усы шешим рәсмий дағазаланған күннен баслап күшке киреди. 9. Усы шешимниң орынланыўын қадағалаў район хәкиминиң орынбасары М.Мамбетрзаевқа жүклетилсин. Қанлыкөл районы ҳəкими: Д.Толыбаев Қанлыкөл районы ҳәкиминиң 2020-жыл «___»-________ «______»-санлы шешимине 1-қосымша Транспорт қуралларын мәжбүрий техникалық көриктен өткериў бойынша районлық комиссиясының қурамы 1 М.Мәмбетрзаев - район ҳәкими орынбасары, комиссия баслығы 2 Д.Юлдашев - районлык ИИБ ЖҲҚТ инспекторы, комиссия хаткери Комиссия ағзалары: 3 И.Қобланов - «Viking express trans» жуўапкершилиги шекленген жәмийети баслығы келисим тийкарында 4 Т.Хожаметов - районлық жол хожалығы, кесип алып ислеў, оңлаў, пайдаланыў кәрханасы баслығы 5 Д.Нурымбетова - районлық медицина бирлеспеси баслығы 6 Ж.Абдиўайтов - районлық қурылыс бөлими баслығы 7 Қ.Тажимуратов - «Қанлыкөл агросервис МТП ҳәм интегралласқан сервис орайы» ЖШЖ баслығы 8 Т.Қрықбаев - районлық халық билимлендириў бөлими баслығы 9 Б.Убайдуллаев - район абаданластырыў басқармасы баслығы 10 А.Абдинаймов - Өзбекстан Республикасы Министрлер Кабинети жанын- дағы Агросанаат комплекси устинен қадағалаў инспек- циясы Қарақалпақстан Республикасы Қанлыкөл районы бөлиминиң ага инспекторы 11 У.Исмоилов - районлық қорғаныў ислери бойынша бөлим баслығы 12 Лаўазым бойынша - Пуқаралардың өзин-өзи басқарыў органлары баслықлары Қанлыкөл районы ҳәкиминиң 2020-жыл «___»-_________ «______¬¬¬¬¬¬¬¬¬¬¬»-санлы шешимине 2-қосымша Район аймағындағы мекеме, кәрхана, шөлкемлердиң транспорт қуралларын мәжбүрий техникалық көриктен өткериў КЕСТЕСИ № Мекеме, кәрхана атамалары өткериў орны өткериў ўақты 1 «Қанлыкөл агросервис МТП ҳәм интегралластырылған сервис орайы» ЖШЖ Устахана 01.03.2020- жылдан 30.06.2020-жылға шекем 2 «Арзымбетқум агротех» ЖШЖ Устахана 3 «Бескөпир агротех» ЖШЖ Устахана 4 «Бостан агротех» ЖШЖ Устахана 5 «Жайхун агротех» ЖШЖ Устахана 6 «Жаңа қала агротех» ЖШЖ Устахана 7 «Қанлыкөл агротех» ЖШЖ Устахана 8 «Қосжап агротех» ЖШЖ Устахана 9 Район ҳәкимлиги Арнаўлы орында 01.04.2020- жылдан 01.05.2020-жылға шекем 10 Қанлыкөл МСИ Арнаўлы орында 11 РМБ Устахана 12 «Суўенли» ИТБ Устахана 01.03.2020- жылдан 30.06.2020-жылға шекем 13 Ҳудуд газ Қарақалпақстан ЖШЖ Қанлыкөл туман газ филиалы Устахана 14 Районлық абаданластырыў басқармасы Устахана 15 «Жалғас автотранс» ЖШЖ Арнаўлы орында 01.03.2020- жылдан 01.05.2020-жылға шекем 16 «Viking express trans» ЖШЖ Арнаўлы орында 17 МК «Халық банк» районлық филиалы Арнаўлы орында 18 МСЭБО Арнаўлы орында 19 «Қорақалпоқ агрокимёҳимоя» ААЖ районлык филиалы Арнаўлы орында 20 Районлық электр тәмийинлеў кәрханасы Устахана 01.03.2020- жылдан 01.05.2020-жылға шекем 21 Районлық жол хожалығы, кесип алып ислеў, оңлаў, пайдаланыў кәрханасы Устахана 22 Киши кәрханалар Арнаўлы орында 23 Фермер хожалықлары Арнаўлы орында 24 Өрт өшириў бөлимшеси Устахана 01.03.2020- жылдан 01.04.2020-жылға шекем 25 ККГМЭ Арнаўлы орында 26 «КАНТЕКС» ЖШЖ Арнаўлы орында

Общие предложения

102