ID Разработчик Дата размещения Дата завершения Кол-во предложений
12583 Хокимият Чимбайского района 17/01/2020 01/02/2020 0

Обсуждение завершено

Решение хокима
Районда 2020-жылда жумыссыз деп табылған пуқараларды жумысқа орналастырыў, жәмийетлик жумысларға қатнастырыў ҳаққында
ID-12583

Өзбекстан Республикасы «Халықты жумыс пенен тәмийинлеў ҳаққында»ғы Нызамының 17, 22-статьялары, Өзбекстан Республикасы Министрлер Кабинетиниң 2017 жыл 5-октябрь күнги 799-санлы қарары менен тастыйықланған «Ҳақы төленетуғын жәмийетлик жумысларды шөлкемлестириў ҳаққында»ғы Реже талапларына муўапық халықтын бәнтлигин тәмийинлеў мақсетинде
ҳәм «Өзбекстан Республикасы Бәнтлик ҳәм мийнет мүнәсбетлери министрлиги жанындағы Жәмийетлик ислери қоры хызметин шөлкемлестириў ҳаққында»ғы Өзбекстан Республикасы ҳәм Қарақалпақстан Республикасы Қарарларына тийкарланып,

 

Ш Е Ш И М     Е Т Е М Е Н :

  1. Төмендегилер:

А) Пуқараларды жәмийетлик жумысларға қатнастырыўды шөлкемлестириў бойынша районлық исши топар қурамы  1-қосымшаға муўапық тастыйықлансын.

Б) Шымбай районы бойынша 2020-жылда белгиленген тәртипте жумыссыз деп табылған пуқараларды ҳақы төленетуғын жәмийетлик жумысларға жибериў қадағалаў көрсеткишлери 2-қосымшаға муўапық;

В) Шымбай районы аймағында жумыс излеўши сыпатында дизимге алынған пуқаралар ушын ҳақы төленетуғын жәмийетлик жумысларды шөлкемлестиретуғын мәкеме ҳәм кәрханалар дизими  3-қосымшаға муўапық;

2. Төмендегилер:

А) Өзбекстан Республикасы Министрлер Кабинетиниң 2017-жыл                          5-октябрь күнги 799-санлы қарары менен тастыйықланған «Ҳақы төленетуғын жәмийетлик жумысларды шөлкемлестириў ҳаққында»ғы Режениң 2-бөлимине муўапық бюджет мәкемелер ҳәм өзин-өзи басқарыў уйымлары тәрепинен ҳақы төленетуғын жәмийетлик жумысларға жиберилген жумыссыз ҳәм бәнт емес пуқаралардың ис-ҳақысының 100 пайызы муғдарын қаржы менен тәмийинлеў жумыс пенен тәмийинлеўге көмеклесиўши мәмлекетлик қоры есабынан әмелге асырылады;

Басқа кәрхана, исбилерменлик субъектлери ҳәм фермер хожалықларына ҳақы төленетуғын жәмийетлик жумысларға жиберилген жумыссыз ҳәм бәнт емес пуқаралардың ис-ҳақысының 50 пайызы муғдарын қаржы менен тәмийинлеў жумыс пенен тәмийинлеўге көмеклесиўши мәмлекетлик қоры есабынан әмелге асырылады;

4. Пуқараларды жәмийетлик жумысларға қатнастырыў, кәсипке таярлаў
ҳәм қайта таярлаўды шөлкемлестириў бойынша исши топар район аймағында жумыс излеўши сыпатында дизимге алынған пуқаралар ушын ҳақы төленетуғын жәмийетлик жумысларды шөлкемлестиретуғын мәкеме ҳәм кәрханалар басшылары  жумыссыз деп табылған пуқаралар ушын жумыс орынларының көрсетип өтилген муғдарын белгиленген мүддетлерде ҳәм тәртипте жаратылыўын ҳәмде жумыс орынлары санитария-гигиена нормаларына ҳәм жумысшы өз миннетлерин биймәлел орынлаўын тәмийинлейтуғын мийнет шәраятларына муўапық болыўын тәмийинленсин.

5. Шымбай   районлық Халық бәнтлигине көмеклесиў орайы (Б.Назаров)
ҳәм исши топар усы шешимди тийисли кәрхана ҳәм шөлкем басшыларына жеткизсин ҳәмде орынланыўы үстинен қатаң қадағалаўды тәмийинлесин.

6. Шымбай районы ҳәкиминиң 2019-жыл 25-март күнги «Районда
2019-жылда жумыссыз деп табылған пуқараларды жумысқа
орналастырыў, жәмийетлик жумысларға қатнастырыў ҳаққында»ғы 1069-санлы шешими 2019-жыл 31-декабрь кунинен өз күшин жойытқан деп есаплансын.

7. Усы шешим “Шымбай ҳаўазы” газетасында жәриялансын ҳәм ҳәкимлик рәсмий веб-сайтында жайластырылсын.

8. Усы шешимниң орынланыўын қадағалаў район ҳәкиминиң биринши орынбасары М.Қулмуратовқа  жүкленсин.

9. Бул шешим рәсмий түрде жәрияланған күннен баслап күшке киреди.

 

 

Шымбай район ҳәкими                                                   П.Ещанов

 

Общие предложения

93