ID Разработчик Дата размещения Дата завершения Кол-во предложений
10855 Хокимият Чимбайского района 05/12/2019 20/12/2019 0

Обсуждение завершено

Решение хокима
Шымбай районының 2020-жылғы жергиликли бюджет параметрлери ҳаққында
ID-10855

ЖОЙБАР

Халық депутатлары Шымбай районлық Кеңеси

ШЕШИМИ

 

Шымбай районы №__________  “____” __________ 2019-жыл

 

Шымбай районының 2020-жылғы жергиликли бюджет параметрлери ҳаққында

Өзбекстан Республикасы Бюджет кодекси («Ўзбекистон Республикаси Қонун ҳужжатлари тўплами», 2013 йил 31-декабрь, 52-(I)-сон)ниң

28-статьясының орынланыўын тәмийинлеў мақсетинде, Шымбай районы жергиликли бюджетиниң 2019-жылғы дәрамат ҳәм қәрежетлери бойынша тийкарғы көрсеткишлериниң орынланыўы ҳәмде 2020-жылға белгиленген тийкарғы параметрлерин қарап шығып, Халық депутатлары Шымбай районлық Кеңеси

ШЕШИМ   ЕТЕДИ:

 

1. Шымбай районы жергиликли бюджетиниң 2020-жылғы дәрамат

ҳәм қәрежетлер бөлегиниң тийкарғы көрсеткишлериниң орынланыўы мағлыўмат ушын қабыл етилсин.

2. Шымбай районының 2020-жылға мөлшерленген жергиликли бюджетиниң дәраматлар, мақсетли субвенция бөлеги

1-қосымшаға, қәрежетлер бойынша тийкарғы көрсеткишлери 2-қосымшаға муўапық тастыйықлансын.

3. Шымбай районы Қаржы бөлимине белгиленген тәртипте тийисли жергиликли бюджетлерге қәрежетлер ҳәм бюджет ссудалары (дәрамат

ҳәм қәрежетлер арасындағы ўақтыншалық касса айырмашылықларды қаплаў ушын) ажыратыўда, олардың муғдарларын район бойынша барлық салықлар ҳәм басқа мәжбүрий төлемлердиң толық түсиўинен, сондай-ақ ис ҳақы (жеке социаллық төлем менен), напақалар ҳәм оларға теңлестирилген төлемлер бойынша бюджет қәрежетлери биринши нәўбетте сөзсиз қаржыландырылыўы зәрүрлигинен келип шығып, анықластырыў ҳуқықы берилсин.

4. Шымбай районы ҳәкиминиң экономика ҳәм исбилерменликти раўажландырыў мәселелери бойынша биринши орынбасары (М.Қулмуратов) тийисли мекеме басшылары менен биргеликте:

- бюджет дәраматларының тастыйықланған көрсеткишлериниң орынланыўын тәмийинлеў;

- район ҳәкимлигиниң тийисли бюджетлер дәраматлары

ҳәм қәрежетлери баланслылығына тәсир көрсетиўши норматив-ҳуқықый ҳүжжетлерди финанслық ҳәм экономикалық экспертизадан өткериў мақсетинде Қарақалпақстан Республикасы Қаржы министрлигине усынып барыў;

- аймақларда салық салыў базасын кеңейтиў ҳәмде финанслық жағдайын жақсылаў бойынша зәрүр иләжлар көриў;

- бюджет қаржыларының мақсетли жумсалыўы үстинен қатаң қадағалаў жүргизиў ўазыйпасы жүкленсин.

5. Районлық Мәмлекетлик салық инспекциясы (К.Байжанов) район жергиликли бюджетиниң дәраматлар бөлегин салық түрлери бойынша асырып барылыўын тәмийинлесин.

6. Шымбай районлық Қаржы бөлими  (П.Ибраимов) не: 

Шымбай районы жергиликли бюджетиниң 2020-жыл даўамында жергиликли бюджет қәрежетлериниң қысқарыўы нәтийжесинде пайда болған қосымша қаржылар дереги есабынан районның социаллық-экономикалық раўажландырыў барысындағы ис-иләжларды әмелге асырыў ушын зәрүр өзгерислер киритип барыў;

- бюджеттен қаржы алыўшылардың бюджеттен қаржы менен тәмийинлеўдиң тийкарлылығын терең анализ қылып барыў;

- зәрүр жағдайда бюджет қаржыларынан сақланыўы тийкарсыз деп табылған ҳәм бюджет қаржыларының мақсетсиз жумсалыў жағдайлары пайда болған бюджет мекемелерин қысқарттырыў мәселелери бойынша район ҳәкимлигине ҳәм тийисли басқармаларға усыныс киритиў;

- Халық депутатлары Шымбай районлық Кеңесине жергиликли бюджеттиң орынланыўы бойынша ҳәр шеректе есабат киритип барыў;

район ғазнашылық бөлими менен биргеликте бюджет қаржыларының мақсетли жумсалыўы ҳәмде олардың мақсетсиз жумсалыўының алдын алыў үстинен ғазнашылық орынланыўы дизими арқалы қатаң қадағалаўға алыў тапсырылсын.

7. Халық депутатлары Шымбай районлық Кеңесиниң 2018-жыл 

27-декабрьдеги «Шымбай районының 2019-жылғы бюджет параметрлерин тастыйықлаў ҳаққында»ғы 34/118-санлы шешими 2019-жыл 31-декабрь кунинен өз күшин жойытқан деп есаплансын.

8. Шешим районлық «Шымбай ҳаўазы» газетасында  рәсмий  жәриялансын ҳәм ҳәкимликтиң рәсмий веб-сайтында жайластырылсын.

9. Усы шешимниң орынланыўын қадағалаў Халық депутатлары  Шымбай районлық Кеңесиниң жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясына тапсырылсын. 

10. Бул шешим районлық «Шымбай ҳаўазы» газетасында рәсмий  түрде жәрияланған күннен баслап күшке киреди.

Халық депутатлары Шымбай

районлық Кеңеси баслығы П.Ещанов

Общие предложения

162