ID Muallif Muhokamaga chiqarish sanasi Yakunlanish sanasi Takliflar soni
6617 Хокимият Караузякского района 20/08/2019 05/09/2019 0

Muhokama yakunlandi

Hokim qarori
Социаллық қорғаўға мүтәж, жумыс табыўда қыйналатуғын ҳәм мийнет базарында тең шәртлерде бәсекилесе алмайтуғын шахсларды жумысқа жайластырыў ушын жумыс орынларының ең кем санын белгилеў ҳаққында
ID-6617

ЖОЙБАР

ҚАРАӨЗЕК РАЙОНЫ ҲӘКИМИНИҢ ШЕШИМИ

«____» - __________2019 жыл №___ Қараөзек районы

Социаллық қорғаўға мүтәж, жумыс табыўда қыйналатуғын ҳәм мийнет базарында тең шәртлерде бәсекилесе алмайтуғын шахсларды жумысқа жайластырыў ушын жумыс орынларының ең кем санын белгилеў ҳаққында

Өзбекстан Республикасының “Халықты жумыс пенен тәмийинлеў ҳаққында”ғы Нызамның 17-статьясына тийкар, Өзбекстан Республикасы Министрлер Кабинетиниң 2017-жыл 5-декабрьдеги “Социаллық қорғаўға мүтәж, жумыс табыўда қыйналатуғын ҳәм мийнет базарында тең шәртлерде бәсекилесе алмайтуғын шахсларды жумысқа жайластырыў ушын жумыс орынларының ең кем санын белгилеў ҳәм захираға қойиў тәртибин еледе жетилистириў ис-илажлары ҳаққындағы”ғы 965-санлы қарарына тийкар социаллық қорғаўға мүтәж, жумыс табыўда қыйналатуғын ҳәм мийнет базарында тең шәртлерде бәсекилесе алмайтуғын шахсларды жумысқа жайластырыў ушын районда 2020-жыл ушын жумыс орынларын бәнт етип қойыў мақсетинде,

ШЕШИМ ЕТЕМЕН:

1. Социаллық қорғаўға мүтәж, жумыс табыўда қыйналатуғын ҳәм мийнет базарында тең шәртлерде бәсекилесе алмайтуғын шахсларды жумысқа жайластырыў ушын райондағы кәрханалар, шөлкемлер ҳәм мәкемелер ушын жумысшылардың дизим бойынша орташа санынан 1001 адамды қурайтуғын 7,0 пайыз муғдарында, сол есаптан:

а) нәгиранлар ушын - 3 адам;

б) 14 жасқа толмаған балалары ҳәм нәгиран балалары бар жалғыз ҳәмде көп балалы ата-аналар ушын – 21 адам;

в) билимлендириў мәкемелерин тамамлап атырған жаслар ушын

– 35 адам;

г) мүддетли әскерий хызметтен босатылғанлар ушын - 4 адам;

д) районлық Бәнтликке көмеклесиў орайында жумыс излеўши сыпатында есапта турған пенсия жасына жақынласып қалған шахслар ушын - 2 адам;

е) жазаны орынлаў мәкемелеринен азат етилген, жазаны өтеп атырған яки суд қарарына тийкар медициналық характердеги мәжбүрий шаралар көрилген шахслар ушын - 4 адам;

ж) адам саўдасынан жәбирленгенлер ушын 1 адам муғдарында жумыс орынлары резерви белгиленсин.

2. Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2020-жыл ушын бәнт етип қойыў лазым болған кәрханалар дизими 1-қосымшаға, социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2020-жыл ушын бәнт етип қойыў бойынша дүзилген арнаўлы комиссия қурамы 2-қосымшаға муўапық тастыйықлансын.

3. Мекеме, кәрханалар басшылары Өзбекстан Республикасы Министрлер Кабинетиниң қарары менен тастыйықланған социаллық қорғаўға мүтәж, жумыс табыўда қыйналатуғын ҳәм мийнет базарында тең шәртлерде бәсекилесе алмайтуғын шахсларды жумысқа жайластырыў ушын жумыс орынларының ең кем санын белгилеў ҳәм захираға қойиў тәртиби ҳаққындағы Режеге муўапық усы шешимниң 1-қосымшасында көрсетилген жумыс орынларының шөлкемлестирилиўин тәмийинлесин.

4. Мүтәжлер ушын жумыс орынларының ең кем санын белгилеў бойынша район ҳәкиминиң усы шешими орынланбағанда, сондай-ақ, оларды жумысқа қабыл қылыўдан тийкарсиз рәўиште бас тартылғанлығы ушын мекемелердиң лаўазымлы шахсларына нызам ҳүжжетларинде белгиленген тәртипте ҳәкимшилик жуўапкершилик белгиленеди.

5. Районлық Бәнтликке көмеклесиў орайы ((Г.Тажимуратова) усы шешимди тийисли кәрхана ҳәм шөлкем басшыларына жеткерсин ҳәмде оның орынланыўы үстинен қатаң қадағалаўды тәмийинлесин.

6. Қараөзек районы ҳәкиминиң 2018-жыл 27-сентябрьдеги «2019-жыл социаллық қорғаўға мүтәж, жумыс табыўда қыйналатуғын ҳәм мийнет базарында тең шәртлерде бәсекилесе алмайтуғын шахсларды жумысқа жайластырыў ушын жумысқа жумыс орынларының ең кем санын белгилеў ҳаққында»ғы 737/9-санлы шешими («Мийнет байрағы» газетасы, 2018-жыл 8-октябрь 19-(4218)-саны) 2019-жыл 31-декабрьден өз күшин жойытқан деп есаплансын.

7. Усы шешимниң орынланыўын қадағалаў район ҳәкиминиң биринши орынбасары И.Сейтқасимовқа жүкленсин.

8. Район ҳәкимлигиниң рәсмий веб-сайтында ҳәм “Мийнет байрағы” газетасында рәсмий жәриялаў район ҳәкилигиниң юрист-мәсләҳәтшиси И.Даулетмуратовқа тапсырылсын..

9. Шешим рәсмий жәрияланған күннен баслап күшке киреди.

Ҳәким: Р.Жумабаев

Umumiy takliflar

305