ID Muallif Muhokamaga chiqarish sanasi Yakunlanish sanasi Takliflar soni
3887 Хокимият Чимбайского района 13/06/2019 27/06/2019 0

Muhokama yakunlandi

Hokim qarori
Район аймағында жол ҳәрекети қәўипсизлигин тәмийинлеў ҳаққында
ID-3887

ЖОЙБАР

ШЫМБАЙ РАЙОНЫ ҲӘКИМИНИҢ ШЕШИМИ

«___» ____________ 2019-жыл №____ Шымбай районы

Район аймағында жол ҳәрекети қәўипсизлигин тәмийинлеў

ҳаққында

Шымбай районы Ишки ислер бөлиминиң 2019-жыл 29-апрельдеги

11/1892-санлы хатын, район ҳәкимлиги жанындағы жол ҳәрекети қәўипсизлигин тәмийинлеў мәселелери бойынша комиссияның 2019-жыл 31-майдағы

03-08/4-05/155-санлы баянламасын қарап шығып, Өзбекстан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2016 йил 3-сон, 23-модда)ның

ХI-бөлимине, «Жергиликли мәмлекетлик ҳәкимият уйымлары ҳаққында»ғы Нызамының 25-статьясына муўапық

Ш Е Ш И М Е Т Е М Е Н :

1. Шымбай районы Ишки ислер бөлиминиң 2019-жыл 29-апрелдеги

11/1892-санлы усыныс хаты мақуллансын.

2. Шымбай районы Жоллардан пайдаланыў унитар кәрханасы (ДРСУ баслығы Ш.Бекбергенов)на:

- «Нөкис-Тахтакөпир-Шымбай» 4P176-санлы асфальт жолында айдаўшыларға халық жасаў орынларын билдириўши ҳәм тезликти пәсейтириўди аңлатыўшы;

- 53-56 километр аралықларында «Үлкен қаңлы» жазыўы түсирилген жол белгилерин;

- 58-63-километр аралықларында «Шымбай» жазыўы түсирилген жол белгилерин;

- 76-78-километр аралықларында «Кеңес» жазыўы түсирилген жол белгилерин орнатыў иләжларын көриў тапсырылсын.

3. Бул шешим район ҳәкимлигиниң веб-сайтында ҳәмде «Шымбай ҳаўазы» газетасында рәсмий жәриялансын.

4. Усы шешимниң орынланыўын қадағалаў район ҳәкиминиң орынбасары Б.Жуманиязовқа жүкленсин.

5. Бул шешим рәсмий түрде жәрияланған күннен баслап күшке киреди

Шымбай районы ҳәкими П.Ещанов

Umumiy takliflar

220