ID Muallif Muhokamaga chiqarish sanasi Yakunlanish sanasi Takliflar soni
3660 Хокимият Муйнакского района 30/05/2019 13/06/2019 0

Muhokama yakunlandi

Hokim qarori
Мойнақ районы орайындағы Әжинияз ҳәм Бердах көшелеринде қурылыс, абаданластырыў жумысларының алып барылыўына байланыслы автомобиль жолларына «Жол ҳәрекети қәўипсизлигин алдын алыў мақсетинде жол белгилерин орнатыў ҳаққында»
ID-3660

                                                                                                          ЖОЙБАР

МОЙНАҚ РАЙОНЫ ҲӘКИМИ ШЕШИМИ

Мойнақ районы                           №________                   «___»___________2019-жыл

Мойнақ районы орайындағы Әжинияз ҳәм Бердах көшелеринде қурылыс, абаданластырыў жумысларының алып барылыўына байланыслы автомобиль жолларына «Жол ҳәрекети қәўипсизлигин алдын алыў  мақсетинде жол белгилерин орнатыў ҳаққында»

Өзбекстан Республикасы Министрлер Кабинетиниң 2019-жыл 16-январьдағы 37-санлы қарарын орынлаў мақсетинде Мойнақ районы орайындағы Әжинияз ҳәм Бердах көшелеринде қурылыс, абаданластырыў жумысларының алып барылыўына байланыслы ҳәм Өзбекстан Республикасы Министрлер Кабинетиниң 2015-жыл 24-декабрьдеги 370-санлы қарары менен тастыйықланған, 2016-жылдың 1-мартынан баслап күшке енген жол ҳәрекети қәделери ҳаққындағы рәсмий көрсетпесин басшылыққа алып ҳәм районлық ишки ислер бөлиминиң 2019-жыл 25-май күнги 1/874-санлы хатын үйренип шығып,

Ш Е Ш И М     Е Т Е М Е Н:

1. Районлық ишки ислер бөлиминиң 2019-жыл 25-май күнги 1/874-санлы хаты  мағлыўмат ушын қабыл етилсин.

2. Район орайындағы Әжинияз ҳәм Бердах көшелеринде қурылыс, абаданластырыў жумысларының алып барылыўына байланыслы, сол көшелердеги тротуар ҳәм тунги жарытқышлардың алып тасланыўы себепли пуқаралардың автотранспорт жолларынан жүриўине байланыслы, қәўипсизликти тәмийинлеў мақсетинде Районлық жоллардан пайдаланыў унитар кәрханасы (С.Каленов):

4Р173 маркалы Мойнақ-Қоңырат авто жолының ПК 91-98 км аралығындағы жолда (3.24) ҳәрекет тезлиги «50 КМ/С» артыққа асырыў қадаған белгисин;

Әжинияз ҳәм Бердах көшелери бойында 4Р173 маркалы Мойнақ-Қоңырат авто жолының бойында жайласқан 2-санлы, 5-санлы улыўма орта билим бериў мектеплери, кәсип-өнер колледж имаратлары алдында жолда (3.24) ҳәрекет тезлиги «30 КМ/С» артыққа асырыў қадаған белгисин орнатыў, жол белгилерин районлық ишки ислер бөлими жол ҳәрекети қәўипсизлиги хызмети менен биргеликте тийисли тәртипте орнатылыўын тәмийинлесин.

3. Районлық ишки ислер бөлими жол ҳәрекети қәўипсизлиги топары (О.Тауекелов) ҳәм районлық жоллардан пайдаланыў унитар кәрханасы (С.Каленов) менен биргеликте район аймағындағы автомобиль жолларының тийисли орынларына жол ҳәрекети қәўипсизлиги қағыйдалары тийкарында жол белгилериниң  орнатылыўын қадағалаўға алсын.

4. Усы шешим районлық «Арал балықшысы» газетасында жәриялансын ҳәм ҳәкимликтиң рәсмий веб-сайтында жайластырылсын.

5. Районлық Ишки ислер бөлими  (А.Өтегенов):

Әжинияз ҳәм Бердах көшелери бойында 4Р173  маркалы Мойнақ-Қоңырат авто жолының ПК 91-98 км аралығында автотранспортлардың тезлиги саатына 50 км, оқыў орынлары  алдында тезлиги саатына 30 км етип ҳәрекетлениўин қатаң қадағалаўға алсын.

6. Усы шешиминиң орынланыўын қадағалаў Мойнақ районы ҳәкиминиң орынбасары И.Мырзамбетовқа жүкленсин.

7. Шешим «Арал балықшысы» газетасында рәсмий жәрияланған күннен баслап күшке киреди.

         

Мойнақ районы ҳәкими:                                           С.Данияров

Umumiy takliflar

299