ID Muallif Muhokamaga chiqarish sanasi Yakunlanish sanasi Takliflar soni
2150 Хокимият города Нукус 04/02/2019 19/02/2019 0

Muhokama yakunlandi

Hokim qarori
Кала аймағындағы аўыл хожалығы, жол-қурылысы, мелиоратив техникалары ҳәм трактор тиркемелерин, устахана ҳәм сервис пунктлериниң әспаб-үскенелерин жыллық техник көриктен өткизиў ҳаққында
ID-2150

Кала аймағындағы аўыл хожалығы, жол-қурылысы, мелиоратив техникалары ҳәм трактор тиркемелерин, устахана ҳәм сервис  пунктлериниң  әспаб-үскенелерин  жыллық  техник  көриктен  өткизиў  ҳаққында

 

    Өзбекстан Республикасы Президентиниң 2018 жыл 7-май кунги “Өзбекстан Республикасы Бас прокуратурасы жанындағы Агросанаат комплекси хам азық-аўқат қәўипсизлиги тәмийинлениўи үстинен қадағалаў инспекциясы жумысын шөлкемлестириў шара-илажлары ҳаккында”ғы ПҚ-3699 санлы Қарарының 4-косымшасы ҳәм Өзбекстан Республикасы Әдиллик министрлигинен 2013 жыл 25 апрелде  2452-сан менен дизимнен өткизилген “Аўыл хожалығы ҳәм мелиоратив техниканы, сондай ақ, машина-трактор парклери, устахана ҳәм сервис пунктлериниң әспаб-үскенелерин техник көриктен өткизиў тәртиби ҳаққында”ғы нызам (Өзбекстан Республикасы Нызам ҳүжжетлери топламы, 2013 ж., 17-сан, 229-статья) талапларынан келип шығып, қала аймағындағы аўыл хожалығы, жол-қурылыс, мелиоратив техниканы, сондай ақ, устахана ҳәм сервис пунктлериниң әспаб-үскенелерин 2019-жылда жыллық техник көриктен өткизиў мақсетинде «Жергиликли мәмлекетлик ҳәкимят ҳаққында»ғы  Нызамының 22,25-статьясына тийкарланып

                   

                                        Шешим кабыл етеди:

 

1. Қала аймағындағы юридик ҳәм физикалық шахсларға тийисли болған аўыл хожалығы, жол-қурылыс, мелиоратив техникалары, сондай-ақ, машина-трактор парклери, устахана ҳәм сервис пунктлериниң әспаб-үскенелерин:

- жыллық техник көриктен өткизиў бойынша комиссия қурамы               

1-қосымшаға;

- техник көриктен өткизиў кестеси 2-қосымшаға муўапық тастыйықлансын.

2. Техник көриктен өткизиў бойынша комиссияга:

- мүлкшилик түриниң қандай болыўына қарамастан юридик ҳәм физикалық шахсларға аўыл хожалығы, жол-қурылыс, мелиоратив техникалары, сондай-ақ, машина-трактор парклери, устахана ҳәм сервис пунктлериниң әспаб-үскенелерин техник көриктен өткизиў хаккында хабар бериў;

  - техникалық талапларға жуўап бермейтуғын насаз техникалардан пайдаланылыўын кадаған етиў;

 -техник көрик барысында аўыл хожалығы, жол-қурылыс, мелиоратив техникалар, сондай-ақ, машина-трактор парклери, устахана ҳәм сервис пунктлери әспаб-үскенелериниң таярлығы, ҳәр бир тракторшы-машинисттиң тийисли техниканы басқарыў ҳүжжетиниң барлығы, техникалардың белгиленген тәртипте дизимнен өткизилгенлиги ҳәм басқа да техникалық талапларға жуўап бериўине итибар каратыў;

-техник көриктен өткен техникаларды далалатнамалар тийкарында ислеўге рухсат бериў ўазыйпалары жүклетилсин.

    3. Қала аймағындағы барлық кәрханалар, шөлкемлер (юридик шахслар) ҳәм де мәкан пухаралар жыйыны басшыларына:

    -балансындағы бар болған трактор, аўыл хожалығы, жол-қурылыс, мелиоратив техникалары, сондай-ақ, устахана ҳәм сервис пунктлериниң әспаб-үскенелерин өз мүддетлеринде техникалық көриктен өткизиўге таярлаў;

      - техник көриктен өткизиў төлемлериниң толениўин тәмийинлеў;

     -тракторшы-машинистлерди медициналық көриктен өткизиў ҳәм де олардың мағлыўматнамаларын комиссияға усыныў;

    -ҳәр бир мәкан пухаралар жыйыны өз аймағындағы меншик техникалардың техник көриктен өткизилиўин шөлкемлестириў ўазыйпалары жүклетилсин.

    4. Қала ҳәкиминиң экономика ҳәм социаллық  раўажландырыў ислери бойынша  биринши орынбасары  Ш.Оспановка:

         Қала  аймағындағы барлық кәрханалар ҳәм пухаралар ийелигиндеги техникаларды техник көриктен өткизиў менен байланыслы болған төлемлериниң өндирилиўине әмелий жәрдем бериў тапсырылсын.

         5. Бул карар қалалық «Нөкис ҳакыйқаты» газетасында жариялансын хәм ҳәкимликтин рәсмий веб сайтында жайластырылсын.

         6. Қарардың орынланыўын қадағалаў қала ҳәкиминиң биринши орынбасары Ш.Оспановка жүклетилсин.

         7. Усы қарар рәсмий түрде жәрияланған күнинен баслап  күшине киреди.

 

 

  Нөкис қаласы ҳәкими                                           П. Турешов

 

Umumiy takliflar

777