Davlat tilida bo'lmagan loyihalar portal ma'muriyati tomonidan loyiha muallifini ogohlantirmasdan o'chiriladi
ID Muallif Muhokamaga chiqarish sanasi Yakunlanish sanasi Takliflar soni
16495 Тахтакўпир тумани ҳокимияти 01/04/2020 16/04/2020 0

Muhokama yakunlandi

Hokim qarori
2020-жылда жумыссыз деп табылған пуқараларды жумысқа орналастырыў, жәмийетлик жумысларға қатнастырыў, кәсипке таярлаў ҳәм қайта таярлаў ҳаққында
ID-16495

2020-жылда жумыссыз деп табылған пуқараларды жумысқа орналастырыў, жәмийетлик жумысларға қатнастырыў, кәсипке таярлаў ҳәм қайта таярлаў ҳаққында

 

Ɵзбекстан Республикасы "Халықты жумыс пенен тәмийинлеў ҳаққында"ғы Нызамының 17, 22, 23-статьялары, Ɵзбекстан Республикасы Министрлер Кабинетиниң 2017-жыл 5-октябрьдеги 799-санлы қарары менен тастыйықланған "Ҳақы төленетуғын жәмийетлик жумысларды шөлкемлестириў ҳаққында"ғы Реже талапларына муўапық халықтың бәнтлигин тәмийинлеў мақсетинде, Ɵзбекстан Республикасының "Жергиликли мәмлекетлик ҳәкимият ҳаққында"ғы Нызамының
6-статьясына муўапық,

Ш Е Ш И М       Е Т Е М Е Н

 

1. Тахтакөпир районы Бəнтликке көмеклесиў орайының 2020-жыл 30-март күнги 190-санлы "2020-жылда ҳақы төленетуғын жәмийетлик жумысларды шөлкемлестириў, қәсипке таярлаў ҳәм қайта таярлаў бойынша қадағалаў көрсеткишлери" ҳаққындағы усынысы мақуллансын.

2. Тахтакөпир районы бойынша 2020-жылда белгиленген тәртипте жумыссыз деп табылған пуқараларды ҳақы төленетуғын жәмийетлик жумысларға жибериў ҳәм қәсипке таярлаў бойынша қадағалаў көрсеткишлери 1-қосымшаға муўапық;

Тахтакөпир районы аймағындағы жумыс излеўши сыпатында дизимге алынған пуқаралар ушын ҳақы төленетуғын жәмийетлик жумысларды шөлкемлестиретуғын мәкеме ҳәм кәрханалар дизими 2-қосымшаға муўапық;

Пуқараларды жәмийетлик жумысларға қатнастырыў, қәсипке таярлаў ҳәм қайта таярлаўды шөлкемлестириў 3-қосымшаға ҳәм де районлық исши топар қурамы 4-қосымшаға муўапық тастыйықлансын.

3. Төмендегилер:

а) Ɵзбекстан Республикасы Министрлер Кабинетиниң
2017-жыл 5-октябрьдеги 799-санлы қарары менен тастыйықланған "Ҳақы төленетуғын жәмийетлик жумысларды шөлкемлестириў ҳаққында"ғы Режениң бюджет мәкемелери ҳәм өзин-өзи басқарыў уйымлары тәрепинен ҳақы төленетуғын жәмийетлик жумысларға жиберилген жумыссыз ҳәм бәнт емес пуқаралардың ис-ҳақысының 100 пайызы муғдарын қаржы менен тәмийинлеў, жумыс пенен тәмийинлеўге көмеклесиўши мәмлекетлик қоры есабынан әмелге асырылыўы;

Басқа кәрхана, исбилерменлик субъектлери ҳәм фермер хожалықларына ҳақы төленетуғын жәмийетлик жумысларға жиберилген жумыссыз ҳәм бәнт емес пуқаралардың ис-ҳақысының 50 пайызы муғдарын қаржы менен тәмийинлеў, 50 пайызы муғдарын жумыс пенен тәмийинлеўге көмеклесиўши мәмлекетлик қоры есабынан әмелге асырылыўы белгиленсин.

б) Өзбекстан Республикасының "Халықты жумыс пенен тәмийинлеў ҳаққында"ғы Нызамының 23-статьясына муўапық жумыссыз деп табылған пуқараларды 2020-жылда қәсипке таярлаў ҳәм қайта таярлаўды шөлкемлестириў қаржылары жумыс пенен тәмийинлеўге көмеклесиўши мәмлекетлик қоры есабынан әмелге асырылыўы есапқа алынсын.

3. Пуқараларды жəмийетлик жумысларға қатнастырыў, қәсипке таярлаў ҳәм қайта таярлаўды шөлкемлестириў бойынша исши топары, район аймағындағы жумыс излеўши сыпатында дизимге алынған пуқаралар ушын ҳақы төленетуғын жəмийетлик жумысларды шөлкемлестиретуғын мəкеме ҳәм кәрхана басшылары жумыссыз деп табылған пуқаралар ушын жумыс орынларының көрсетип өтилген муғдарын белгиленген мүддетлерде ҳәм тәртипте жаратылыўын ҳәм де жумыс орынлары санитария-гигиена нормаларына ҳәм жумысшы өз миннетлерин биймəлел орынлаўын тәмийинлейтуғын мийнет шәраятларын жаратыўы тәмийинленсин.

4. Районлық Халық бəнтлигине көмеклесиў орайы баслығы А.Байымбетов ҳәм исши топар ағзалары усы шешимди тийисли кәрхана ҳәм мәкемелерге тарқатыў ҳәм орынланыўы бойынша қатаң қадағалаўды тәмийинлеў тапсырылсын.

5. Тахтакөпир районы ҳәкимлиги баспа сөз хызмети баслығы Г.Давлетмуратоваға усы шешимди ҳәкимликтиң веб сайтына жайластырыў ҳәм "Тахтакөпир таңы" газетасында жəриялаў тапсырылсын.

6.  Бул шешим рәсмий жəрияланған күннен баслап күшке киреди.

7. Усы шешимниң орынланыўын қадағалаў район ҳәкиминиң биринши орынбасары Д.Жанабаевқа тапсырылсын.

 

2

Тахтакөпир районы ҳәкими                                        Ж.Адилов

Umumiy takliflar: 0

267