ID Muallif Muhokamaga chiqarish sanasi Yakunlanish sanasi Takliflar soni
12151 Хокимият Чимбайского района 07/01/2020 22/01/2020 0

Muhokama yakunlandi

Hokim qarori
Район аймағында аўыл хожалығы ҳәм мелиоратив техниканы, сондай-ақ машина-трактор парклери, устаханалар ҳәм сервис пунктлериниң әсбап-үскенелерин техникалық көриктен өткериў ҳаққында
ID-12151

 

Өзбекстан Республикасы Президентиниң 2019-жыл 15-март күнги «Өзбекстан Республикасы Минстрлер Кабинети жанындағы Агросанаат комплекси үстинен қадағалаў инспекциясы жумысын шөлкемлестириў
ис-иләжлары ҳақкында»ғы ПҚ-4241-санлы қарарының 4-қосымшасы менен тастыйықланған «Аўыл хожалығы ҳәм мелиоратив техниканы, сондай-ақ,
машина-трактор парклери, устаханалар ҳәм сервис пунктлериниң
әсбап-үскенелерин техник көриктен өткериў тәртиби ҳаққында»ғы Режеге муўапық ҳәмде Өзбекстан Республикасы «Жергиликли мәмлекет ҳәкимияти ҳаққында»ғы Нызамның (Ўзбекистон Республикаси Олий Кенгашининг Ахборотномасы 1993й, 9-сон, 320-модда) 6, 25-статьяларына муўапык районда 2019-жыл аўыл хожалығы ҳәм мелиоратив техника, машина-трактор парклери, устаханалар ҳәм сервис пунктлериниң әсбап-үскенелерин 2020-жыл ушын техникалық көриктен өткериў мақсетинде

 

Ш Е Ш И М      Е Т Е М Е Н:

 

1. Шымбай районындағы аўыл хожалығы ҳәм мелиоратив
техникаларды, сондай-ақ машина-трактор парклери, устаханалар ҳәм сервис пунктлериниң әсбап-үскенелерин 2020-жылда техникалық көриктен өткериў бойынша ис-режеси 1-қосымшаға, аўыл хожалығы ҳәм мелиоратив
техникаларды, сондай-ақ машина-трактор парклери, устаханалар ҳәм сервис пунктлериниң әсбап-үскенелерин техникалық көриктен өткериў бойынша районлық комиссия қурамы 2-қосымшаға муўапық тастыйықлансын.

2. Районлық аўыл хожалығы бөлими (Ж.Аманлыков), Өзбекстан Республикасы Минстрлер Кабинети жанындағы Агросанаат комплекси үстинен қадағалаў инспекциясы районлық бөлими менен биргеликте: 

Техникаға мүлк ҳуқуқы тийкарында ийе шахслар (мүлкдар)ға техникаларын техник көриктен өткериў ҳаққындағы билдиргиси техник көрик өткериў қүнинен кеминде отыз күн алдын жибериў;

Техник көриктен өтпеген ямаса техник көрикке усынылмаған техникалар жөнинен мүлкдарға жазба көрсетпе бериў;

Мүлкдар көрсетипеде белгиленген мүддетлерде техниканы қайта техник көриктен өткизбеген жағдайда ҳәмде аўыл хожалығы ҳәм мелиоратив
техника, әсбап-үскенелерден жуўапкерли түрде пайдаланыў, сақлаў, есаптан шығарыў, ремонтлаў, техника хызметлери көрсетиў жағдайлары ҳаққында мағлыўматларды нызам ҳүжжетлеринде белгиленген тәртипте тийисли иләжлар көриў ушын район ҳәкимлигине жибериў;

техник көриктен өткерилгенлиги ушын жыйым өндирилиўинде Өзбекстан Республикасы Президентиниң 2019-жыл 15-мартдағы «Өзбекстан Республикасы Минстрлер Кабинети жанындағы Агросанаат комплекси үстинен қадағалаў инспекциясы жумысын шөлкемлестириў ис-иләжлары ҳақкында»ғы                               ПҚ-4241-санлы қарарының 4-қосымшасы менен тастыйықланған «Аўыл хожалығы ҳәм мелиоратив техниканы, сондай-ақ, машина-трактор парклери, устаханалар
ҳәм сервис пунктлериниң әсбап-үскенелерин техник көриктен өткериў тәртиби туўрысында»ғы Режеде белгиленген қағыйдаларға әмел етиўи тапсырылсын.  

3. Шымбай районында аўыл хожалығы ҳәм мелиоратив
техника, машина-трактор парклери, устаханалар ҳәм сервис пунктлерин 2020-жыл ушын техникалық көриктен өткериў усы жылдың 10-февраль күнинен басланатуғынлығы мағлыўмат ушын қабыл етилсин.

4. Барлық кәрхана, шөлкем, машина-трактор паркилери, альтернативалық машина-трактор парклери, фермер хожалықлары басшыларына:

есапта бар болған аўыл хожалық ҳәм мелиоратив жол-қурылыс техникаларын, машина әсбап-үскенелерин техникалық көриктен өткериў
ушын таярлап, белгиленген майданшаларға жыйнаў ҳәм техникалық көрикке тийисли төлемлердиң төлениўин тәмийинлесин.

5. Район ҳәкиминиң орынбасары Б.Жуманиязов ҳәм район ҳәкиминиң Аўыл ҳәм суў хожалығы мәселелери бойынша орынбасары Д.Султановқа райондағы
кәрхана, шөлкем, машина-трактор парки ашық акционерлик
жәмийети, альтернативалық машина трактор парклери, фермер хожалықлары
ҳәм пуқараларда бар болған мүлкшилик түрине қарамастан аўыл хожалығы
ҳәм мелиоратив, жол-қурылыс техникаларын, машиналар әсбап-үскенелерин есапқа алыў ҳәм оларды техникалық көриктен өткериў менен байланыслы болған жыйымларды төлеўге әмелдеги тәртиплерге тийкарланып әмелий жәрдем бериў тапсырылсын.

6. Шымбай районы ҳәкиминиң 2019-жыл 02-февраль күнги “Шымбай районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында”ғы 465/2-санлы шешими (“Шымбай
ҳаўазы” газетасы 2019-жыл 20-февраль 4-сан (8560)) өз күшин жойытқан деп есаплансын.

7. Усы шешим “Шымбай ҳаўазы” газетасында жәриялансын ҳәм ҳәкимлик рәсмий веб-сайтында жайластырылсын.

8. Усы шешимниң орынланыўын қадағалаў район ҳәкиминиң орынбасарлары Б.Жуманиязовқа ҳәм Д.Султановларға жүкленсин.

9. Бул шешим рәсмий жәрияланған күннен баслап күшке киреди.

 

 

Шымбай районы ҳәкими                                                        П.Ещанов

 

 

 

Umumiy takliflar

127