ID Muallif Muhokamaga chiqarish sanasi Yakunlanish sanasi Takliflar soni
12037 Хокимият Ходжейлийского района 06/01/2020 21/01/2020 0

Muhokama yakunlandi

Hokim qarori
Район аймағында аўыл хожалығы ҳәм мелиоратив техникаларды, сондай-ақ машина-трактор парклери, устаханалар ҳәм сервис пунктлериниң әсбап үскенелерин техникалық көриктен өткериў ҳаққында
ID-12037
Өзбекстан Республикасы Президентиниң 2019-жыл 15-мартдағы «Өзбекстан Республикасы Министрлер Кабинети жанындағы Агросанаат комплекси үстинен бақлаў инспекциясы хызметлерин шөлкемлестириў ҳаққында»ғы ПҚ-4241-санлы қарары ҳәм Өзбекстан Республикасы Министрлер Кабинетиниң 2019-жыл 17-апрелдеги «Аўыл хожалығы, мелиорация ҳәм жол қурылысы техникаларынан пайдаланыўды жетилистириў ис-илажлары ҳаққында»ғы №325-санлы қарарының 1-қосымшасы менен тастыйықланған Нызамға муўапық, райондағы аўыл хожалығы ҳәм мелиоратив техника сондай-ақ, машина-трактор парклери, устаханалар ҳәм сервис пунктлериниң әсбап үскенелерин техникалық көриктен өткериў мақсетинде Өзбекстан Республикасы «Жергиликли мәмлекет ҳәкимияты ҳаққында»ғы Нызамның (Ўзбекистон Республикаси Олий Кенгашининг Ахборотномаси, 1993й, 9-сон 320-модда) 6, 25-статьясына тийкарланып ШЕШИМ ЕТЕМЕН: 1. Райондағы мүликшилик түрине қарамастан кәрхана, машина-трактор парки ашық акционерлик жәмийетлери, альтернативлик машина-трактор парклери, фермер хожалықлары ҳәм пуқараларда бар болған аўыл хожалығы ҳәм мелиоратив техникаларды, сондай-ақ, машина-трактор парклери, устахана ҳәм сервис пунктлериниң әсбап үскенелерин есапқа алыў ҳәм оларды техникалық көриктен өткериў кестеси 1-қосымшаға, техникалық кɵриктен өткериў бойынша районлық комиссия қурамы 2-қосымшаға муўапық тастыйықлансын. 2. Мүликшилик түриниң қандай болыўына қарамастан барлық түрдеги аўыл хожалық ҳәм мелиоратив, жол қурылыс техника қураллары, машина ҳәм әсбап-үскенелерди жыллық техникалық көриктен өткериў ҳаққындағы кестени юридикалық ҳәм физикалық шахсларға жеткериў; меншик түриниң қандай болыўына қарамастан барлық маркадағы аўыл хожалық ҳәм мелиоратив, жол-қурылыс техника қуралларын техникалық көриктен өткериў майданшаларына жыйнаў; техникалық көриктен өткен техникаларды баянламалар тийкарында ислеўге рухсат бериўди шөлкемлестириў ўазыйпасы тапсырылсын. 3. Район аймағындағы барлық кәрхана, шөлкем, машина-трактор парки жуўапкершилиги шекленген жәмийетлери, альтернатив машина-трактор парклери, фермер хожалықлары басшыларына: есабында бар болған аўыл хожалық ҳәм мелиоратив жол-қурылыс техникаларын, машина әсбап-үскенелерин техникалық көриктен өткериў ушын таярлап, белгиленген майданшаларға жыйнаў ҳәм техникалық көрикке тийисли төлемлердиң төлениўин тәмийинлеў тапсырылсын. 4. Район ҳәкиминиң орынбасары К.Айтбаев ҳәм район ҳәкиминиң аўыл ҳәм суў хожалығы мәселелери бойынша орынбасары А.Кудайбергенов райондағы қәрхана, шөлкем, машина-трактор парки ашық акционерлик жәмийети, альтернативлик машина-трактор парклери, фермер хожалықлары ҳәм пуқараларда бар болған, мүликшилик түрине қарамастан аўыл хожалығы ҳәм мелиоратив, жол-қурылыс техникаларын, машина әсбап-үскенелерин есапқа алыў ҳәм олардың техникалық жағдайын техникалық көриктен өткериў менен байланыслы болған жыйымларды төлеўге әмелдеги тәртиплерге тийкарланып әмелий жәрдем бериў тапсырылсын. 5. Бул шешим районлық «Хожели ҳақыйқаты» газетасында жәриялансын ҳәм жәрияланған күннен баслап күшке киреди. 6. Усы шешимниң қабыл етилиўине байланыслы район ҳәкиминиң 2019-жыл 22-февраль күнги «Район аймағында аўыл хожалығы ҳәм мелиоратив техникаларды, сондай-ақ машина-трактор парклери, устаханалар ҳәм сервис пунктлериниң әсбап үскенелерин техникалық көриктен өткериў ҳаққында» ғы 2171/02-санлы шешими өз күшин жоғалтқан деп табылсын. 7. Усы шешимниң орынланыўын қадағалаў район ҳәкиминиң орынбасарлары К.Айтбаев ҳәм А.Кудайбергеновқа жүкленсин. Хожели районы ҳәкими: Ж.М.Ермашев

Umumiy takliflar

108