ID Muallif Muhokamaga chiqarish sanasi Yakunlanish sanasi Takliflar soni
11956 Хокимият Кегейлийского района 06/01/2020 21/01/2020 0

Muhokama yakunlandi

Hokim qarori
Район аймағындағы аўыл хожалығы техникаларын жыллық техник көриктен өткизиў ҳаққында
ID-11956
КЕГЕЙЛИ РАЙОНЫ ХӘКИМИНИҢ ШЕШИМИ «____» _________2020-жыл №____ Кегейли районы Район аймағындағы тракторлар, трактор тиркемелери, мелиорация ҳәм жол-қурылыс техникалары, өзи жүрер машиналар, сондай-ақ, Район аймағындағы аўыл хожалығы техникаларын жыллық техник көриктен өткизиў ҳаққында. Өзбекстан Республикасы Президентиниң 2019-жыл 15-март күнги «Өзбекстан Республикасы Министрлер Кабинети жанындағы Агросанаат комплекси үстинен бақлаў инспекциясы хызметлерин шөлкемлестириў ис-илажлары ҳаққында»ғы ПҚ-4241-санлы қарары ҳәм Өзбекстан Республикасы Министрлер Кабинетиниң 2019-жыл 17-апрелдеги «Аўыл хожалығы, мелиорация ҳәм жол қурылысы техникаларынан пайдаланыўды жетилистириў ис-илажлары ҳаққында»ғы 325-санлы қарарының 1-қосымшасы менен тастыйықланған Нызамға муўапық, райондағы аўыл хожалығы ҳәм мелиоратив техниканы, сондай-ақ, машина-трактор парклери, устаханалар ҳәм сервис пунктлерин әсбап үскенелерин техникалық көриктен өткериў мақсетинде Өзбекстан Республикасы «Жергиликли мәмлекет ҳәкимияты ҳаққында»ғы Нызамының (Ўзбекистон Республикаси Олий Кенгашининг Ахборотномаси, 1993 й,9-сон, 320-модда) 6,25-статьясына тийкарланып Ш Е Ш И М Е Т Е М Е Н: 1.Район аймағындағы тракторлар, трактор тиркемелери, мелиорация ҳәм жол-қурылыс техникалары, өзи жүрер машиналар, сондай-ақ, аўыл хожалығы техникаларын жыллық техник көриктен өткизиў ис-режеси 1-қосымшаға, район аймағындағы тракторлар, трактор тиркемелери, мелиорация ҳәм жол-қурылыс техникалары, өзи жүрер машиналар, сондай-ақ, аўыл хожалығы техникаларын жыллық техник көриктен өткизиў бойынша комиссия қурамы 2-қосымшаға муўапық тастыйықлансын. 2. Техникалық көриктен өткериў бойынша комиссия ағзаларына: а) мүлкшилик түриниң қандай болыўына қарамастан барлық маркадағы тракторлар, трактор тиркемелери, мелиорация ҳәм жол-қурылыс техникалары, өзи жүрер машиналар, сондай-ақ, аўыл хожалығы техникаларын жыллық техник көриктен өткизиў ис-режесин юридикалық ҳәм физикалық шахсларға жеткизиў; б) техникалық талапқа жуўап бермейтуғын техникалық насаз техникаларды ислетиўди қадаған етиу; в) техник көрик даўамында тракторлар, трактор тиркемелери, мелиорация ҳәм жол-қурылыс техникалары, өзи жүрер машиналар, сондай-ақ, аўыл хожалығы техникалардын мәўсимге таярлығы, ҳәр бир тракторшы-машинисттиң тийисли техниканы басқарыў ушын руқсат етилген категориясының барлығын, техникалардың белгиленген тәртипте дизимнен өткизилгенлиги ҳәм басқа техникалық талапларға жуўап бериўине итибар қаратыў; г) техник көриктен өткен техникаларды акт тийкарында ислеўге руқсат бериўди шөлкемлестириў ўазыйпалары тапсырылсын; 3. Райондағы барлық фермер хожалықлары, оларға хызмет көрсетиўши кәрхана, шөлкем, мәҳәлле баслықларына: а) есабында бар болған тракторлар, трактор тиркемелери, мелиорация ҳәм жол-қурылыс техникалары, өзи жүрер машиналар, сондай-ақ, аўыл хожалығы техникаларды техникалық көриктен өз мүддетинде өткериў ушын таярлап, белгиленген майданшаларға жыйнаў; б) техник көриктен өткерилген ҳәр бир техника ушын өндирилетуғын жыйымларды өз ўақтында төлениўин тәмийинлеў; в) ҳәр бир мәҳәлле өз аймағында жеке меншик техникаларды техникалық көриктен өтиўин шөлкемлестириў ўазыйпасы жүкленсин. 4. Район ҳәкиминиң аўыл ҳәм суў хожалығы мәселелери бойынша орынбасары Б. Кайыпназаров, районлық аўыл хожалығы бөлими баслығына: райондағы кәрхана, шөлкем, машина-трактор парки жуўапкершилиги шекленген жәмийетлери, альтернативлик машина трактор парклери, фермер хожалықлары ҳәм пуқараларда бар болған тракторлар, трактор тиркемелери, мелиорация ҳәм жол-қурылыс техникалары, өзи жүрер машиналар, сондай-ақ, аўыл хожалығы техникаларды жыллық техникалық көриктен өткериў менен байланыслы болған жыйымларды төлеўге әмелдеги тәртиплерге тийкарланып әмелий жәрдем бериў тапсырылсын. 5. Кегейли район ҳәкиминиң 2019-жыл 7-февралдағы «Район аймағындағы тракторлар, трактор тиркемелери, мелиорация ҳәм жол-қурылыс техникалары, өзи жүрер машиналар, сондай-ақ, аўыл хожалығы техникаларын жыллық техник көриктен өткериў ҳаққында»ғы 243-02-санлы шешими («Кегейли турмысы» газетасы, 2019-жыл 28-февраль 3-4(6191-6192)) 2019-жыл 31-декабрден өз күшин жойытқан деп есаплансын. 6. Усы шешимниң орынланыўын қадағалаў район ҳәкиминиң аўыл ҳәм суў хожалығы мәселелери бойынша орынбасары Б.Аннакуловқа тапсырылсын. 7. Усы шешим район ҳәкимлигиниң веб-сайтында ҳәм “Кегейли турмысы” газетасында рәсмий түрде жәрияланған күннен баслап күшке киреди. Кегейли районы ҳәкими М. Абдиров

Umumiy takliflar

91