ID Muallif Muhokamaga chiqarish sanasi Yakunlanish sanasi Takliflar soni
10870 Хокимият Ходжейлийского района 06/12/2019 20/12/2019 0

Muhokama yakunlandi

Hokim qarori
2020-жыл ушын Хожели районының бюджет параметрлерин тастыйықлаў ҳаққында
ID-10870

                                                                                                                                       ЖОЙБАР

 

2020-жыл ушын Хожели районының бюджет параметрлерин тастыйықлаў ҳаққында

 

         Өзбекстан Республикасы Бюджет кодексиниң 28-статьясына муўапық, Хожели районы жергиликли бюджетиниң 2019-жылғы дәрамат ҳәм қәрежетлери бойынша тийкарғы көрсеткишлериниң күтилип атырған орынланыўы ҳәмде 2020-жылға белгиленген тийкарғы параметрлерин қарап шығып, Халық депутатлары Хожели районлық Кеңеси

Қ А Р А Р     Е Т Е Д И

 

          1. Хожели районы жергиликли бюджетиниң 2019-жылғы дәрамат ҳәм қәрежетлер бөлегиниң тийкарғы көрсеткишлериниң күтилип атырған орынланыўы мағлыўмат ушын қабыл етилсин.

          2. Хожели районының 2020-жылға мөлшерленген жергиликли бюджетиниң дәраматлар бөлеги 1-қосымшаға, қәрежетлер бойынша бөлеги 2-қосымшаға муўапық тастыйықлансын.

      3. Хожели районы Қаржы бөлимине белгиленген тәртипте тийисли жергиликли бюджетлерге қәрежетлер ҳәм бюджет ссудаларын (дәрамат ҳәм қәрежетлер арасындағы ўақтыншалық касса айырмашылықларды қаплаў ушын) ажыратыўда, олардың муғдарларын район бойынша барлық салықлар ҳәм басқа мәжбүрий төлемлердиң толық түсиўинен, сондай-ақ ис ҳақы (жеке социаллық төлем менен), напақалар ҳәм оларға теңлестирилген төлемлер бойынша бюджет қәрежетлери биринши нәўбетте сөзсиз қаржыландырылыўы зәрүрлигинен келип шыққан анықластырыў ҳуқықы берилсин.

      4. Хожели районы ҳәкиминиң экономикалық ҳәм исбилерменлик мәселелери бойынша биринши орынбасары (К.Айтбаев) тийисли мәкеме басшылары менен биргеликте:

               бюджет дәраматларының тастыйықланған көрсеткишлери орынланыўын тәмийинлеў;

               аймақларда салық салыў базасын кеңейтиў ҳәмде финанслық жағдайын жақсылаў бойынша зәрүр иләжлар көриў;

               бюджет қаржыларының мақсетли жумсалыўы үстинен қатаң қадағалаў жүргизсин.

        5. Районлық Мәмлекетлик салық инспекциясы (А.Халмуратов) район жергиликли бюджетиниң дәраматлар бөлегин салық түрлери бойынша асырып барылыўын тәмийинлесин.

           6. Хожели районлық Қаржы бөлими (Б.Таженов)не: 

              Хожели районы жергиликли бюджетиниң 2020-жыл даўамында жергиликли бюджет қәрежетлериниң қысқарыўы нәтийжесинде пайда болған қосымша қаржылар дереги есабынан районның социаллық-экономикалық раўажланыўы барысындағы ис-иләжларды әмелге асырыў ушын зәрүр өзгерислер киритип барыў;

              бюджеттен қаржы алыўшыларды қаржы менен тәмийинлеўдиң тийкарлылығын терең анализ қылып барыў;

          зәрүр жағдайда бюджет қаржыларынан сақланыўы тийкарсыз деп табылған ҳәм бюджет қаржыларының мақсетсиз жумсалыў жағдайлары пайда болған бюджет мәкемелерин қысқарттырыў мәселелери бойынша район ҳәкимлигине ҳәм тийисли басқармаларға усыныс киритиў;

            Халық депутатлары Хожели районлық Кеңесине жергиликли бюджеттиң орынланыўы бойынша ҳәр шеректе есабат киритип барыў;  

        район ғазнашылық бөлимшеси менен биргеликте бюджет қаржыларының мақсетли жумсалыўы ҳәмде олардың мақсетсиз жумсалыўының алдын алыў үстинен ғазнашылық орынланыўы дизими арқалы қатаң қадағалаўға алыў тапсырылсын.

            7. Қарар районлық «Хожели ҳақыйқаты» газетасында ҳәмде ҳәкимликтиң веб сайтында жәриялансын.

            8. Усы қарардың орынланыўын қадағалаў Халық депутатлары Хожели районлық Кеңесиниң Жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясы (Х.Атажанов) на тапсырылсын

           9. Қарар рәсмий жәрияланған күннен баслап күшке киреди.

 

           Халық депутатлары

           Хожели районлық кеңеси баслығы                                                                                   Ж.М.Ермашев

Umumiy takliflar

140