ID Разработчик Дата размещения Дата завершения Кол-во коммент.
440 Хокимият Тахтакупырского района 11/09/2018 26/09/2018 0

Обсуждение завершено

Решение хокима
Район аймағындағы тоғайларда өрт қәўипсизлигин сақлаў ҳаққында
ID-440

Район аймағындағы тоғайларда өрт қәўипсизлигин сақлаў ҳаққында

 

 Тахтакөпир районында экологиялық орталықты жақсылаў ҳәм тоғайларды көбейтиў ушын өрттиң алдын алыў, оған қарсы гүресиўди күшейтиў мақсетинде, Өзбекстан Республикасының «Тоғай ҳаққында»ғы Нызамы (Қонун ҳужжатлари маълумотлари миллий базаси, 17.04.2018й., 03/18/475/1078-сон)ның
15, 17 ҳәм 23-статьялары, «Жергиликли мәмлекетлик ҳәкимияты ҳаққында»ғы Өзбекистан Республикасы Нызамының 6-статьясына тийкар,

 

ШЕШИМ ЕТЕМЕН:

 

1. Тахтакөпир Тоғай хожалығының тоғай фонды аймағында 2018-жыл
30-октябрге шекем «Тоғайларда өрт қәўипсизлиги мәўсими» деп белгиленсин.

2. Тахтакөпир Тоғай хожалығы (Б.Турдыбаев):

тоғайларда өрт келип шығыўының алдын алыў мақсетинде тоғайларды гүзетиўди күшейтиў ҳәм қадағалап барыў;

өрт қәўипсизлиги талапларының бузылыўының алдын алыў, тоғайлардың әҳмийети ҳаққында пуқаралар арасында кең түсиник жумысларын жүргизиў;

тоғайларда өртке қарсы  жолларды  таза услаўға айрықша итибар қаратыў;

тоғайларға кирер орынларға арнаўлы ескерткиш белгилер қойыў                        ҳәм ескилерин жаңалаў;

тоғай фонды майданларында тәбийий ҳәм техникалық жағдайлардың алдын алыў, айрықша жағдайлар жүзеге келгенде тийисли жергиликли ҳәкимият  органлары, районлық өртке қарсы гүресиў, ишки ислер бөлимлери ҳәм басқа кәрханалар менен биргеликте кешиктирип болмайтуғын илажлар ислеп шығып, олардың  орынланыўын тәмийинлесин.

3. Аймақлардағы кәрхана, шөлкемлер басшыларына, дийқан ҳәм фермер хожалықлары баслықларына усы аймақларда жасаўшы халыққа тоғайлардағы  тереклерди кестирмеў, оларды қорғаў ҳәм ҳайўанат дүньясын сақлаў, өртке қарсы ис-илажлар көриў, экологиялық орталықты жақсылаў бойынша жумысларды әмелге асырыў тапсырылсын.

4.  Райондағы  пуқаралар жыйынлары,  фермер  хожалықлары  басшылары тоғай фонды жерлери менен шегараласқан атызлардың әтирапларын, жап                    ҳәм салмаларды тазалаў ўақтында өрт келип шығыўының алдын алыў мақсетинде қуўраған шөплердиң жағып жиберилиўине, тоғайларда қарамаллар, қой-ешкилерди бағып, жас нәллердиң зыянланыўына жол қоймаў шараларын көрсин.

5. Тахтакөпир районы Ишки ислер бөлими (Ө.Турдыбаев), Тахтакөпир Тоғай хожалығы (Б.Турдыбаев) менен биргеликте тоғай хожалығы аймақларында нызамсыз аў қылыўшы броконьерлерге, халықтың тереклерди өзбасымшалық пенен шаўып алыў жағдайларына қарсы гүресиўди күшейтиў, анықланған нызамбузыўшылық жағдайларына  тийисли шаралар көриў тапсырылсин.

6. Усы шешим районлық «Тахтакөпир таңы» газетасында ҳәм район ҳәкимлигиниң веб сайтында жәриялансын ҳәм жәрияланған күннен баслап күшке киреди.

7. Усы шешимниң орынланыўын қадағалаў район ҳәкиминиң орынбасары Т.Нурманов ҳәм районлық Тоғай хожалығы баслығы Б.Турдыбаевқа жүкленсин.

Общие комментарии

573