ID Разработчик Дата размещения Дата завершения Кол-во коммент.
2163 Совет Министров Республики Каракалпакстан 28/01/2019 12/02/2019 1

Обсуждение завершено

Қарақалпақстан Республикасы аймағында жайласқан базарлар ҳәм саўда комплекслериниң басқармалары тәрепинен өндирип алынатуғын бир мәртелик жыйымлар, ижәра төлеми ҳәм көрсетилетуғын хызметлер нырқының ең кем муғдарларын белгилеў ҳаққында
ID-2163

Жойбар

ҚАРАҚАЛПАҚСТАН РЕСПУБЛИКАСЫ МИНИСТРЛЕР КЕНЕСИНИҢ

ҚАРАРЫ

Өзбекстан Республикасы Президентиниң 2010-жыл 26-апрельдеги «Дийхан базарлары ҳәм саўда комплекслери жумысларын шөлкемлестириўди және де жетилистириў ҳаққында»ғы ПҚ-1326-санлы қарарының 4-бәндине муўапық, Қарақалпақстан Республикасы аймағында жайласқан дийхан базарлар ҳәм саўда комплекслери тәрепинен өндирип алынатуғын бир мәртелик жыйымлар, ижәра төлеми ҳәм көрсетилетуғын хызметлер нырқының ең кем муғдарларын белгилеў мақсетинде, Қарақалпақстан Республикасы Министрлер Кеңеси

ҚАРАР ЕТЕДИ:

1.Қарақалпақстан Республикасы Финанс министрлигиниң 2019-жыл

11-январьдағы СМ/03-02/52-санлы ҳәм Мәмлекетлик салық басқармасының

2019-жыл 21-январьдағы 24-0048-санлы усынысларын инабатқа алып, Қарақалпақстан Республикасы «Қарақалпақ дийхан базары» Республикалық бирлеспеси менен келисилген, Қарақалпақстан Республикасы аймағында жайласқан базарлар ҳәм саўда комплекслери басқармалары тәрепинен өндирип алынатуғын бир мәртелик жыйымлар, ижәра төлемлери ҳәм көрсетилетуғын хызметлер нырқының ең кем муғдарлары усы қарардың қосымшасына муўапық тастыйықлансын.

2. Қарақалпақстан Республикасы Мәмлекетлик салық басқармасына (Д.Бабажанов), Нөкис қаласы ҳәм районлар ҳәкимликлерине:

а) юридикалық ҳәм физикалық тәреплерден Ҳүкиметлик шешимлер менен белгиленген тәртипте ижәра төлеми, жыйымлар ҳәм басқа да төлемлерди өз ўақтында жыйнаў, банклер кассаларына тапсырыў бойынша базарлар ҳәм саўда комплекслериниң алып барып атырған жумыслары үстинен қатаң қадағалаў орнатыў;

б) базарлар ҳәм саўда комплекслери хызметкерлери тәрепинен сатыўшылардан бир мәртелик жыйымларды, көрсетилетуғын хызметлер ҳәм

ижәра төлемлерин белгиленген тәртипте нызамлы рәўиште өндирилиўин қадағалап барыў тапсырылсын.

3. Қарақалпақстан Республикасы Министрлер Кеңесиниң 2018-жыл

25-февральдағы 129-санлы «Қарақалпақстан Республикасы аймағында жайласқан базарлар ҳәм саўда комплекслериниң басқармалары тәрепинен өндирип алынатуғын бир мәртелик жыйымлар, ижәра төлемлери ҳәм көрсетилетуғын хызметлер нырқының ең кем муғдарларын белгилеў ҳаққында»ғы қарары өз күшин жойытқан деп есаплансын.

4. Усы қарар «Еркин Қарақалпақстан» (К.Реймов) ҳәм «Қорақалпоғистон тонги» (Н.Матякубова) газеталарында рәсмий жәриялансын

ҳәм Қарақалпақстан Республикасы Министрлер Кеңесиниң рәсмий

веб-сайтына жайластырылсын.

5. Усы қарардың орынланыўын қадағалаў Қарақалпақстан Республикасы Министрлер Кеңеси Баслығының биринши орынбасары А.Тажетдиновқа жүкленсин.

6. Усы қарар рәсмий жәрияланған күннен баслап күшке киреди.

Қарақалпақстан Республикасы

Министрлер Кеңесиниң Баслығы

Қ.Сариев

__________________________________________________________________________

Келисилди:

С.Худайбергенов

А.Тажетдинов

М.Содиков

С.Хожаметов

Д.Бабажанов

А.Исмаилов

З.Камалов

Р.Рысназаров

К.Авезматов

Ж.Идиятуллаев

А.Шамуратов

:

Общие комментарии

94