ID Разработчик Дата размещения Дата завершения Кол-во коммент.
1858 Хокимият Кегейлийского района 12/01/2019 27/01/2019 0

Обсуждение завершено

Решение хокима
Кегейли районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында
ID-1858

Өзбекистан Республикасы Министрлер Кабинетиниң 2003-жыл
31-январдағы 54-санлы қарары менен тастыйықланған «Транспорт қуралларын мәжбүрий техникалық көриктен өткериў тәртиби ҳаққында»ғы Реже (Ўзбекистон Республикаси Қонун ҳужжатлари тўплами, 2003 йил, 1-2-сон, 17-модда)ге тийкар,  
«Жергиликли мәмлекетлик ҳәкимияты ҳаққында»ғы Өзбекистан Республикасы Нызамының 6-статьясы (Ўзбекистон Республикаси Олий Кенгашининг Ахборотномаси, 1993 йил, 9-сон, 320-модда)на муўапық, район аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў мақсетинде, Кегейли районы ҳәкими

 

Ш Е Ш И М   Е Т Е Д И:

 

1. Төмендегилер:

а) Район аймағындағы мәкеме, кәрхана, шөлкем ҳәм фермер хожалықларының техникаларын мәжбүрий техникалық көриктен өткериў комиссия қурамы 1-қосымшаға;

б) Район аймағындағы мәкеме, кәрхана, шөлкем ҳәм фермер хожалықларының автомоторанспорт қуралларын мәжбүрий техникалық көриктен өткериў кестеси 2-қосымшаға муўапық тастыйықлансын.

2. Районлық ишки ислер бөлиминиң жол ҳәрекети қәўипсизлиги бөлимшесине (Б. Кутымов), транспорт қуралларын мәжбүрий техникалық көриктен өткериў ушын мүлкшилик түрине қарамастан райондағы зәрүр шәраят
ҳәм үскенелерге ийе болған техника хызметин көрсетиўши станцияларды анықлаў ҳәм олар менен шәртнама дүзиў ўазыйпасы тапсырылсын.

3. «Транспорт қуралларын мәжбүрий техникалық көриктен өткериў тәртиби ҳаққында»ғы Режениң 1-бөлими 5-бәнтиниң «а» киши бәнтиндеги транспорт қуралларының техникалық көриги:

биринши мәрте 2019-жылдың 1-март-30-июнь аралығында;

екинши мәрте 2019-жылдың 1-сентябрь-31-октябрь аралығында;

юридикалық тәреплерге қараслы болған транспорт қуралларының техникалық көриги 2019-жылдың 1-март-30-июнь аралығында;

физикалық тәреплерге қараслы болған транспорт қуралларының техникалық көриги 2019-жылдың 1-январь-31-август аралығында өткерилетуғынлығы мағлыўмат ушын қабыл етилсин.

4. Райондағы барлық мәкеме, кәрхана, шөлкем ҳәм жәмийетлердиң басшылары тәрепинен есабындағы транспорт қуралларын мәжбүрий техникалық көриктен сапалы өткериўге таярлаў иләжларын көрсин.

5.  Райондағы барлық мәкеме, кәрхана, шөлкем, жәмийетлер ҳәм меншигинде транспорт қураллары болған пуқаралар өз транспорт қуралларын белгиленген мүддетлерде мәжбүрий техникалық көриктен өткериўге алып келиўин, техникалық жақтан сазлығын ҳәм оларды жарамлы аўҳалда алып келиўин тәмийинлесин.

6. «Кегейли турмысы» газетасы бас редакторына (Е.Мухамбетов), транспорт қуралларын мәжбүрий техникалық көриктиң басланғанлығын ҳәм өткериў барысын газета бетлеринде жәриялап барыў тапсырылсын.

7. Кегейли районы ҳәкиминиң 2018-жыл 21-февраль күнги «Кегейли районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында»ғы 177-02-санлы шешими («Кегейли турмысы» газетасы, 2018-жыл 15-март 5(6169) 2018-жыл 31-декабрден өз күшин жойытқан деп есаплансын.

8.  Бул шешим район ҳәкимлигиниң веб-сайтында ҳәмде «Кегейли турмысы» газетасында рәсмий жәриялансын.

9. Усы шешимниң орынланыўын қадағалаў район ҳәкиминиң орынбасары
К. Алланазаровқа жүкленсин.

10. Бул шешим рәсмий түрде жәрияланған күннен баслап күшке киреди

 

 

 

Кегейли районы ҳәкими :                                               М. Абдиров

 

 

 

 

 

 

 

 

 

 

Общие комментарии

862