ID Разработчик Дата размещения Дата завершения Кол-во коммент.
1630 Хокимият Муйнакского района 28/12/2018 12/01/2019 0

Обсуждение завершено

Мойнақ районы аймағында аўыл хожалық ҳәм мелиоратив техникаларды сондай-ақ, устаханалар ҳәм сервис пунктлериниң әсбап-үскенелерин техник көриктен өткериў ҳаққында
ID-1630

Мойнақ районы аймағында аўыл хожалық ҳәм мелиоратив техникаларды сондай-ақ, устаханалар ҳәм сервис пунктлериниң әсбап-үскенелерин техник көриктен өткериў ҳаққында

Өзбекистан Республикасы Министрлер Кабинетиниң 2012-жыл 6-декабрь күнги 345-санлы Қарары менен тастыйықланған Өзбекистан Республикасы Аўыл ҳәм суў хожалығы Министрлигиниң «Машина ҳәм әсбап-үскенелериниң техникалық жағдайын қадағалаў мәмлекетлик бас инспекциясы ҳаққында»ғы Реже, Өзбекстан Республикасы Аўыл ҳәм суў хожалығы министрлигиниң 2013-жыл
2-апрелдеги 58-санлы бўйрығы менен тастыйықланган “Аўыл ҳәм милиоратив тахниканы сондай-ақ машина-трактор парклери, устаханалар ҳәм сервис пунктлериниң әспаб-үскенелерин техникалық көриктен өткериў тәртиби ҳаққында”ғы Режеге тийкарланып ҳәмде 2019 жыл аўыл хожалығы ҳәм милиоратив техника, машина-трактор парклери устаханадар ҳәм сервис пунктлерин ҳәр жыллық техникалық көриктен өткериў мақсетинде

Ш Е Ш И М    Е Т Е М Е Н :

1. Райондағы мүлкшилик түриниң қандай болыўына қарамастан, фермер хожалықлары ҳәм пуқараларда бар болған аўыл хожалығы ҳәм мелиоратив техниканы, сондай-ақ, устахана ҳәм сервис пунктлериниң әсбап-үскенелерин есапқа алыў ҳәм оларды техникалық көриктен өткериў кестеси 1-қосымшаға, техникалық көриктен өткериў бойынша комиссия қурамы 2-қосымшаға муўапық тастыйықлансын.

2. Районлық аўыл хожалық техникалар бойынша мәмлекетлик техникалық қадағалаў инспекторы (Ж.Жакетов)

Мүлкшилик түриниң қандай болыўына қарамастан барлық маркадағы аўыл хожалық ҳәм мелиоратив, жол қурылыс техника қураллары, машина әсбап-үскенелерде жыллық техник көриктен өткериў ҳаққындағы кестени юридикалық ҳәм физикалық шахсларға жеткериў;

Мүлкшилик түриниң қандай болыўына қарамастан барлық маркадағы аўыл хожалық ҳәм мелиоратив, жол қурылыс техника қуралларын техник көриктен өткериў майданшаларына жыйнаў;

Техникалық көриктен өткен техникаларды баянламалар тийкарында ислеўге рухсат бериўди шөлкемлестириў ўазыйпасы тапсырылсын.

3. Барлық кәрхана, шөлкем, фермер хожалықлары басшылары:

Есапта бар болған аўыл хожалық ҳәм мелиоратив жол қурылыс техникаларын, машина әсбап-үскенелерин техникалық көриктен өткериў ушын таярлап белгиленген майданшаларға жыйнаў ҳәм техникалық көрикке тийисли төлемлердиң төлениўин тәмийинлеў тапсырылсын.

4. Район ҳәкиминиң аўыл ҳәм суў хожалығы мәселелери бойынша орынбасары А. Сейлханов райондағы кәрхана, шөлкем, фермер хожалықлары ҳәм пуқараларда бар болған мүликшилик түрине қарамастан аўыл хожалығы ҳәм мелиоратив жол қурылыс техникаларын машина әсбап-үскенелерин есапқа алыў ҳәм оларда техникалық жағдайын техник көриктен өткериў менен байланыслы болған жыйымларды төлеўге әмелдеги нызамларға тийкар әмелий жәрдем бериў тапсырылсын.

5. Усы шешимниң орынланыўын қадағалаў район ҳәкиминиң аўыл ҳәм суў хожалығы мәселелери бойынша орынбасары А. Сейлхановқа жүклетилсин.

6. Усы шешим «Арал балықшысы» газетасында рәсмий жәриялансын ҳәмде ҳәкимликтиң рәсмий веб-сайтында жайластырылсын.

7. Шешим рәсмий түрде жәрияланған күннен баслап күшке киреди.           

 

Мойнақ районы ҳәкими:-                                      С.Данияров

Общие комментарии

246