ID Разработчик Дата размещения Дата завершения Кол-во коммент.
1406 Хокимият Муйнакского района 06/12/2018 21/12/2018 0
Мойнақ районында 2018-жылы жаңа жумыс орынларын шөлкемлестириў ҳәм халықтың бәнтлигин тәмийинлеў Бағдарламасының орынланыўы ҳәмде 2019-жылғы жаңа жумыс орынларын шөлкемлестириў параметр көрсеткишлериниң режеси ҳаққында
ID-1406

Мойнақ районында 2018-жылы жаңа жумыс орынларын шөлкемлестириў ҳәм халықтың бәнтлигин тәмийинлеў Бағдарламасының орынланыўы ҳәмде 2019-жылғы жаңа жумыс орынларын шөлкемлестириў параметр көрсеткишлериниң режеси ҳаққында

 

Өзбекстан Республикасы Конституциясының 99, 100-статьяларына тийқар Мойнақ районында 2018-жылы жумыс орынларын шөлкемлестириў ҳәм халықтың бәнтлигин тәмийинлеў Бағдарламасының орынланыўы ҳәмде 2019-жылғы жумыс орынларын шөлкемлестириў ҳәм халықтың бәнтлигин тәмийинлеў Бағдарламасы жойбары ҳәмде «Орынлардағы мәмлекетлик ҳәкимият ҳаққында»ғы Өзбекстан Республикасы Нызамының 6 ҳәм 24-статьяларына муўапық Халық депутатлары Мойнақ районлық Кеңеси

ШЕШИМ  ЕТЕДИ:

1. Мойнақ районында 2018-жылы жаңа жумыс орынларын шөлкемлестириў ҳәм халықтың бәнтлигин тәмийинлеў Бағдарламасының орынланыўы ҳәм 2019-жылға жаңа жумыс орынларын шөлкемлестириў параметр көрсеткишлериниң режеси ҳаққындағы районлық Бәнтликке көмеклесиў орайы директоры  Ж.Абдимуратовтың есабаты тастыйықлансын.

2. Район ҳәкиминиң экономика ҳәм исбилерменлик мәселелери бойынша 1-орынбасары (А.Курбаниязов) ҳәм районлық бәнтликке көмеклесиў орайы директоры  (Ж.Абдимуратов)на:

2019-жылда жаңа жумыс орынларын жаратыў ҳәм халықтың бәнтлигин тәмийинлеў мақсетинде «Бәнтлик» бағдарламасы көрсеткишлериниң орынланыўын тәмийинлеў бойынша анық  мақсетке бағдарланған ис-илажлар қабыл етиў ҳәм әмелге асырыў;

2019-жылда жаңа жумыс орынларын жаратыў ҳәм халықтың бәнтлигин тәмийинлеў бағдарламасының тийкарғы жөнелислери ҳәм параметрлерини ң орынланыўын тәмийинлеў мәқсетинде аймақларда социаллық-экономикалық жақтан раўажландырыў, фермер хожалықларын раўажландырыў, ҳәрекетсиз турған кәрханалар жумысын қайта тиклеў, оларды техникалық жақтан модернизациялаў, сондай-ақ мәнзилли бағдарламалардың орынланыўы бойынша айқын илажларды көриў ҳәм ҳәр бир бәнти бойынша кестеге муўапық күнделикли қадағалаўды ҳәм мониторингин шөлкемлестириў;

2019-жылда жаңа жумыс орынларын шөлемлестириў ҳәм халықтың бәнтлигин тәмийинлеўде биринши гезекте кәсип-өнер колледжлери питкериўшилерине, шет еллерден қайтып келген мигрантларға ҳәм адам саўдасынан жәбир көрген пуқаралардың бәнтлигин тәмийинлеўге айрықша дыққат аўдарыў;

бағдарламаның орынланыўын системалы ҳәм турақлы түрде мониторинг қылынып барылыўын тәмийинлеў мәқсетинде салық, статистика, бәнтликке көмеклесиў орайы менен биргеликте бирден-бир мағлыўмат базасын шөлкемлестириў илажларын көриў ҳәм қадағалаўға алынып, ҳәр бир аймақ ҳәм тараўлар бойынша орынланыўы туўралы район ҳәкимине мағлыўмат берип барыў тапсырылсын.

3. Район ҳәкимлигинде 2019-жылда жаңа жумыс орынларын жаратыў ҳәм халықтың бәнтлигин тәмийинлеў бағдарламасының орынланыўын ҳәптеде бир мәртебе көрип шығылсын ҳәмде орын алған кемшиликлерди сапластырыў бойынша қатаң илажлар көрилсин.

4. Районда 2019-жылда жаңа жумыс орынларын жаратыў ҳәм халықтың бәнтлигин тәмийинлеў бағдарламасын әмелге асырыў бойынша районлық исши топар қурамы 1-қосымшаға;

«2019-жылда жаңа жумыс орынларын жаратыў ҳәм халықтың бәнтлигин тәмийинлеў дәстүри» туўрысындағы тийкарғы параметри көрсеткишлери 2-қосымшаға муўапық тастыйықлансын.

5. Халық депутатлары Мойнақ районлық Кеңеси депутатлары ҳәм турақлы комиссиялары баслықларына:

өз жумысларын шөлкемлестириўде, районда жаңа жумыс орынларын жаратыў бағдарламасын ислеп шығыў, оның қадағалаўын ҳәм мониторингин әмелге асырыўшы районлық жумысшы топардың аймақта жаңа жумыс орынларына болған талапты ҳәм имканиятларды анықлаў, жумыс орынлар ушын мәнзилли дизимлерин қәлиплестириў, олардың қаржы дереклерин анықлаў бойынша  алып барылған жумысларын системалы түрде көрип шығыў;

өз округлеринде халықтың абаданшылығын асырыў, санаат, хызмет көрсетиў ҳәм сервис, аўыл хожалығы тараўын, үй мийнетин, дийханшылықты, шарўашылықты ҳәм қусшылықты раўажландырыў арқалы жаңа жумыс орынларын шөлкемлестириўге қаратсын.

6. Усы шешимниң орынланыўын қадағалаў районлық Кеңестиң турақлы комиссияларына, район ҳәкиминиң орынбасарлары (А.Курбаниязов, И.Мырзамбетов, Б.Менглибеков, З.Утегенова)на ҳәм районлық Бәнтликке көмеклесиў орайы директоры (Ж.Абдимуратов)на жүкленсин.

7. Усы шешим «Арал балықшысы» газетасында рәсмий жәриялансын ҳәмде ҳәкимликтиң рәсмий веб-сайтында жайластырылсын.

8. Шешим рәсмий түрде жәрияланған күннен баслап күшке киреди.           

 

 

Халық депутатлары Мойнақ

Районлық Кеңесиниң баслығы:                                                       С.Данияров.

Общие комментарии