ID Разработчик Дата размещения Дата завершения Кол-во коммент.
1237 Хокимият Шуманайского района 19/11/2018 04/12/2018 0
Шоманай районының 2019-жылғы бюджет параметрлерин тастыйықлаў ҳаққында
ID-1237

Өзбекстан Республикасы Бюджет кодекси («Ўзбекистон Республикаси қонун ҳужжатлари тўплами» 2013 йил 31-декабрь, 52-(I)-сон)ның
28-статьясына тийкар, Шоманай районы жергиликли бюджетиниң
2018-жылғы дәрамат ҳәм қәрежетлери бойынша тийкарғы көрсеткишлериниң күтилип атырған орынланыўы ҳәмде 2019-жылғы белгиленген тийкарғы параметрлерин қарап шығып, халық депутатлары Шоманай районлық Кеңеси

ШЕШИМ  ЕТЕДИ:

1. Шоманай районы жергиликли бюджетиниң 2018-жылғы дәрамат ҳәм қәрежетлер бөлегиниң тийкарғы көрсеткишлериниң күтилип атырған орынланыўы мағлыўмат ушын қабыл етилсин.

2. Шоманай районы жергиликли бюджетиниң 2019-жыл ушын дәраматлар бойынша тийкарғы көрсеткишлери 1-қосымшаға, жергиликли бюджетиниң 2019-жыл ушын қәрежетлер бойынша тийкарғы көрсеткишлери 2-қосымшаға муўапық тастыйықлансын.

3. Шоманай районы Финанс бөлимине белгиленген тәртипте тийисли жергиликли бюджетлерге қәрежетлер ҳәм бюджет ссудалары (дәрамат
ҳәм қәрежетлер арасындағы ўақтыншалық касса үзилислерди қаплаў ушын) ажыратыўда, олардың муғдарларын район бойынша барлық салықлар
ҳәм басқа мәжбүрий төлемлердиң толық түсиўинен, сондай-ақ ис ҳақы (жеке социаллық төлем менен), напақалар ҳәм оларға теңлестирилген төлемлер бойынша бюджет қәрежетлери биринши нәўбетте сөзсиз қаржыландырылыўы зәрүрлигинен келип шыққан анықластырыў ҳуқықы берилсин.

4. Шоманай районы ҳәкиминиң экономикалық ҳәм исбилерменлик мәселелери бойынша биринши орынбасары (Қ.Ходжаметов) тийисли мәкемелер басшылары менен биргеликте:

бюджет дәраматларының тастыйықланған көрсеткишлериниң орынланыўын тәмийинлеў;

район ҳәкимлигиниң тийисли бюджетлер дәраматлары
ҳәм қәрежетлери баланслылығына тәсир көрсетиўши норматив-ҳуқықый ҳүжжетлерди финанслық ҳәм экономикалық экспертизадан өткериў мақсетинде Қарақалпақстан Республикасы Финанс Министрлигине усынып барыў;

аймақларда салық салыў базасын кеңейтиў ҳәмде финанслық жағдайын жақсылаў бойынша зәрүр иләжлар көриў;

бюджет қаржыларының мақсетли жумсалыўы үстинен қатаң қадағалаў жүргизсин.

5. Районлық Мәмлекетлик салық инспекциясы (А.Аманиязов) район жергиликли бюджетиниң дәраматлар бөлегин салық түрлери бойынша асырып барылыўын тәмийинлесин.

6. Шоманай районлық Финанс бөлими (А.Султанов) не:

Шоманай районы жергиликли бюджетиниң 2018-жыл даўамында жергиликли бюджет қәрежетлериниң қысқарыўы нәтийжесинде пайда болған қосымша қаржылар дереги есабынан районның социаллық-экономикалық раўажландырыў барысындағы ис-иләжларды әмелге асырыў ушын зәрүр өзгерислер киритип барыў;

бюджеттен қаржы алыўшылардың бюджеттен қаржы менен тәмийинлеўдиң тийкарлылығын терең анализ қылып барыў;

бюджет қаржыларынан сақланыўы тийкарсыз деп табылған
ҳәм бюджет қаржыларының мақсетсиз жумсалыў жағдайлары пайда болған бюджет мәкемелерин қысқарттырыў мәселелери бойынша район ҳәкимлигине ҳәм тийисли басқармаларға усыныс киритиў;

Халық депутатлары Шоманай районлық Кеңесине жергиликли бюджеттиң орынланыўы бойынша ҳәр шеректе есабат киритип барыў;  

район ғазнашылық бөлими менен биргеликте бюджет қаржыларының мақсетли жумсалыўы ҳәмде олардың мақсетсиз жумсалыўының алдын алыў үстинен ғазнашылық орынланыўы дизими арқалы қатаң қадағалаўға алыў тапсырылсын.

7. Шоманай районы ҳәкиминиң 2017-жыл 31-декабрдеги «Шоманай районының 2018-жылғы бюджет параметрлерин тастыйықлаў ҳаққында»ғы
94/27-5-санлы шешими («Шоманай нуры» газетасы, 2018-жыл 25-январь 3(5341)) 2018-жыл 31-декабрден өз күшин жойытқан деп есаплансын.

8. Усы шешимниң орынланыўын қадағалаў Халық депутатлары Шоманай районлық Кеңесиниң жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясына тапсырылсын.

9. Усы шешим «Шоманай нуры» газетасында рәсмий жәриялансын
 ҳәмде ҳәкимликтиң рәсмий веб-сайтында жайластырылсын.

10. Шешим рәсмий түрде жәрияланған күннен баслап күшке киреди.           

                                                                         

Халық депутатлары Шоманай    районлық Кеңесиниң
баслығы:

                                                                      

                                Б.Янгибаев  

                                    

Общие комментарии