ID Разработчик Дата размещения Дата завершения Кол-во коммент.
1114 Хокимият Нукусского района 03/11/2018 18/11/2018 0

Обсуждение завершено

ХАЛЫҚ ДЕПУТАТЛАРЫ НӨКИС РАЙОНЛЫҚ КЕҢЕСИ ШЕ Ш И М И
ID-1114

ХАЛЫҚ ДЕПУТАТЛАРЫ НӨКИС РАЙОНЛЫҚ КЕҢЕСИ

ШЕ Ш И М И

 

        2018-жыл «____» -декабрь                                                                                                             _______-санлы

 

 

Нөкис районының 2019-жылғы бюджет параметрлерин тастыйықлаў ҳаққында

             

 

Өзбекстан Республикасы Бюджет кодекси («Ўзбекистон Республикаси қонун ҳужжатлари тўплами», 2013-йил 31-декабрь, 52-(1)-сон)ниң 28-статьясы, Нөкис районы жергиликли бюджетиниң 2018-жылғы дәрамат ҳәм қәрежетлери бойынша тийкарғы көрсеткишлериниң күтилип атырған орынланыўы ҳәмде 2018-жылғы белгиленген тийкарғы параметрлерин қарап шығып, Халық депутатлары Нөкис районлық Кеңеси

 

                                                                     Ш Е Ш И М       Е Т Е Д И:

 

1. Нөкис районы жергиликли бюджетиниң 2019-жылғы дәрамат ҳәм қәрежетлер бөлегиниң тийкарғы көрсеткишлериниң күтилип атырған орынланыўы мағлыўмат ушын қабыл етилсин.

2. Нөкис районлық жергиликли бюджетиниң 2019-жылға қәрежетлер бөлеги бойынша тийкарғы параметрлери көрсеткишлери 1-қосымшаға, район жергиликли бюджетиниң 2019-жылға тийкарғы көрсеткишлери 2-қосымшаға муўапық тастыйықлансын.

3. Нөкис районы қаржы бөлими(Л.Сейтова)не белгиленген тәртипте тийисли жергиликли бюджетлерге қәрежетлер ҳәм бюджет ссудалары (дәрамат ҳәм қәрежетлер арасындағы ўақтыншалық касса айырмашылықларды қаплаў ушын) ажыратыўда, олардың муғдарларын район бойынша барлық салықлар ҳәм басқа мәжбүрий төлеўлердиң толық түсиўинен, сондай-ақ ис ҳақы (жеке социаллық төлем менен), напақалар ҳәм оларға теңлестирилген төлемлер бойынша бюджет қәрежетлерди биринши нәўбетте сөзсиз қаржыландырылыўы зәрүрлигинен келип шыққан ҳалда анықластырыў ҳуқықы берилсин.

4. Нөкис районы ҳәкиминиң экономикалық ҳәм исбилерменлик мәселелери бойынша биринши орынбасары(Қ,Тоқымбетов)на, тийисли мәкеме басшылары менен биргеликте:

бюджет дәраматларының тастыйықланған көрсеткишлериниң орынланыўын тәмийинлеў;

район ҳәкимлигиниң тийисли бюджетлер дәраматлары ҳәм қәрежетлери баланслылығына тәсир көрсетиўши норматив-ҳуқықый ҳүжжетлерди финанслық ҳәм экономикалық экспертизадан өткериў мақсетинде Қарақалпақстан Республикасы қаржы министрлигине усынып барыў;

аймақларда салық салыў базасын кеңейтиў ҳәмде қаржы жағдайын жақсылаў бойыншга зәрүр иләжлар көриў;

бюджет қаржыларының мақсетли жумсалыўы үстинен қатаң қадағалаў жүргизсин.

5. Районлық Мәмлекетлик салық инспекциясы (Ф.Халмуратов)на район жергиликли бюджетиниң дәраматлар бөлегин салық түрлери бойынша асырып барылыўын тәмийинлесин.

6. Нөкис районы қаржы бөлими (Л.Сейтова)не:

Нөкис районы жергиликли бюджетиниң 2019-жыл даўамында жергиликли бюджет қәрежетлериниң қысқарыўы нәтийжесинде пайда болған қосымша қаржылар дереги есабынан районның социаллық-экономикалық раўажландырыў барысындағы ис-иләжларды әмелге асырыў ушын зәрүр өзгерислер киритип барыў;

бюджеттен қаржы алыўшылардың бюджеттен қаржы менен тәмийинлеўдиң тийкарлылығын терең анализ қылып барыў;

зәрүр жағдайда бюджет қаржыларынан сақланыўы тийкарсыз деп табылған ҳәм бюджет қаржыларының мақсетсиз жумсалыў жағдайлары пайда болған бюджет мәкемелерин қысқарттырыў мәселелери бойынша район ҳәкимлигине ҳәм тийисли басқармаларға усыныс киритиў;

Халық депутатлары Нөкис районлық Кеңесине жергиликли бюджеттиң орынланыўы бойынша ҳәр шеректе есабат киритип барыў;

район ғазнашылық бөлими менен биргеликте бюджет қаржыларының мақсетли жумсалыўы ҳәмде олардың мақсетсиз жумсалыўының алдын алыў үстинен ғазнашылық орынланыўы дизими арқалы қатаң қадағалаўға алыў тапсырылсын.

7. Бул шешим район ҳәкимлигиниң веб-сайтында ҳәм де «Ақмаңғыт таңы» газетасында рәсмий жәриялансын.

8. Шешим рәсмий түрде жәрияланған күннен баслап күшке киреди.

9. Усы шешимниң орынланыўын қадағалаў Халық депутатлары Нөкис районлық Кеңесиниң жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясына тапсырылсын.

 

 

 

 

  Сессия басқарыўшысы:

 

       А.Сейтахов

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Общие комментарии

61